- Akizungumza na Clouds FM Tanzania, baada ya kutua, Omondi alisema kuwa anagusa maisha ya watu chini ya vuguvugu la Sisi Kwa Sisi.
Image: Facebook
Eric Omondi aelekea Tanzania kuhudhuria uzinduzi wa kipindi cha Gigi Money - kipindi halisia cha TV kuhusu mwanamuziki Gigi na familia yake.
Akizungumza na Clouds FM Tanzania, baada ya kutua, Omondi alisema kuwa anagusa maisha ya watu chini ya vuguvugu la Sisi Kwa Sisi.
"Ni mimi kurudishia jamii kwa sababu jamii imeniunga mkono kwa miaka 16. Sifanyi tena vichekesho," alisema kuhusu uanaharakati.
Alitangaza kwamba biashara ya maonyesho inapaswa kuchukua nafasi ya nyuma nchini Kenya huku tukielekeza nguvu zetu katika kuokoa maisha na mali huku kukiwa na mafuriko.
"Eric akikimya, tasnia huwa kimya. Kwa hivyo ningependa kuwasihi tasnia ya vichekesho nchini Uganda, Kenya, na Tanzania kuandaa kongamano la siku 3 ," Omondi alisema.
"Mimi ndiye Rais, na natoa wito wa mkutano wa dharura wa wacheshi wote wa Afrika Mashariki, waje tuongee tuelewane, tusaidiane, tuinuane, lakini Rais atawapatia mwelekeo,".
Alitangaza kuwa amepiga marufuku maonyesho ya vichekesho hadi itakapotangazwa tena.
"Ila kwa sasa Kenya sitaki comedy. Kwa Kenya saihizi nime ban comedy kama Raisi wa vichekesho," alisema
Sababu yake?
"Kila mahali hatutaki vichekesho Kenya maanake hakuna cha kucheka. Hatutaki kucheka, hatutaki kuchekeshwa tuna huzuni, tuna misiba, misha yetu magumu mafuriko ndio hayo , unga, stima ndio hiyo mafuta, karo, kodi ndiyo hiyo, hatuna cha kutabasamu,".
Kuongeza;
“Hatutaki kucheka hatutaki kutabasamu, tuko katika hali ya kuomboleza Kenya, hatupo sawa"
Atatangaza hatua zingine baadaye.
"Tunaomboleza juu ya maisha yetu, inasikitisha sana kuwa Mkenya leo. Serikali imesahau watu wake. Na watu wako peke yao. WaKenya wanjisaidia, wana jiinua, bila serikali, sasa hatutaki Vichekesho Kenya."