Blog

Daah, Toto si toto! Wakenya wafurahishwa na mtindo mpya wa Lilian Muli

Ripota stadi wa runinga ya Citizen, Lilian Muli amejazwa na furaha mpwitompwito baada ya mashabiki kuandika ujumbe wa kumpaka mafuta moyo.

Lillian Muli alichapisha picha yake kwenye mtandao wa kijamii akiwa na mtimdo mpya wa nywele na ndipo mashabiki wakatoa maoni yao.

lilian muli 2

”KHAIII @STYLISTCOLLINS AMENINYOA KAMA KINYOZI WA CHINI YA MTI GFF. OH AND ABOUT MY EYEBROWS I ALWAYS ARCH ONE EYEBROW IN ALL MY PICS IT’S SUBCONSCIOUS AND JUST ME 😊” Lillian Muli aliandika baada ya picha.

Apokea hela kimakosa M-Pesa. Aburuzwa kortini kujibu mashtaka ya wizi

Lilian amependa sana kuvaa wig  kitu ambacho kiliwafanya mashabiki kufikiri kuwa, binti huyu anaficha kitu .

Tazama Orodha ya maoni wa mashabiki wa Lilian Muli :
m91fa: You look great kesho tunataka u appear just like that kwa TV ukisoma news🔥🔥😍😍❤️💯 Ur hot my Kenya tv star hujawahi niangusha mafans🔥

mutusefaith: Rocking short hair u look pretty girl

flowanjiku85: Awwww,u look so sweet😍😍

Kirundi & Company Advocates yatangaza siku ya kusoma wasia wa Tob Cohen

 teresiakagendo: Wow, such a beauty. Nzisa looking younger and lit😍😍

jennmburu: Uko tu sawa…you look better kuliko when uko na hizo weaves/wigs kwa kichwa.

aminah_mukuna: Uko sawa haki wacha wig kabisaaa.

di.ana8410: Daaaaamn you look gorgeous.

shira_mainah: Soo you can look beautiful like this without wigs…I was wondering what do you normally hide ?? And you got a beautiful face.

Patanisho: Jamaa alalamika baridi imezidi baada ya kumfukuza mkewe

naznjotonio9444: Welcome to the club sister from another mother.

annmwaura: Wow😍😍please no more weaves, this suits you more…beautiful…

oneyhon27: I think this should be your new look beautiful.

winniemwendwa: Now that’s your style looks stunning ❤️❤️❤️❤️

Ama kwa hakika, binti huyu ni mrembo si kidogo.

Atwoli amlimbikizia sifa Raila kwa ustadi wa kupanga mambo!

Katibu wa COTU  Francis Atwoli  alimsifia  kinara wa upinzani na kiongozi wa chama cha ODM  na kumtaja kuwa shupavu katika kupanga mikakati ya chochote anachofanya.

Atwoli alikuwa anatoa hotuba ya kumkaribisha Raila kwenye mkutano wa OATUU jijini Nairobi.

”Katika maisha yangu, Raila ndiye mtu ambaye anajua kupanga mambo sana. Waweza kuwa na Raila mpaka saa nane asubuhi na kisha baaadaye ushtukiye kumuona akihudhuria mkutano mbali licha ya uchovu.” Atwoli alisema.

Patanisho: Jamaa alalamika baridi imezidi baada ya kumfukuza mkewe

”Na ndio maana nasema kuwa, una mipangilio mwafaka na hakuna mwanasiasa ambaye anafaa kupewa jina hili”

Atwoli alimsifu Raila kwa zaidi ya robo saa na akazidi kusema kuwa, majina yote ya lakabu ya aliyekuwa waziri mkuu yanamfaa.

Majina haya ni kama Agwambo, Enigma na majina mengine mengi.

”Sisi ambao tunatoka katika mashirika ya kutetea maslahi ya wafanyikazi na makundi ya vuguvugu, tunakuenzi sana na kuiga utendakazi wako .” Atwoli alisema.

Mhubiri ashtakiwa kwa kutumia jina la Uhuru kulaghai familia ya Akasha

”Babake Obama ametoka kwenye jamii moja na ulipozaliwa  na ndio sababu tuna watu bora kama wewe ambao huleta matokeo bora kwa wote duniani.” Atwoli alizidi kusema.

Zaidi ya hayo, Raila alisimama na kusema kuwa, kitu ambacho Atwoli amesahau kuwaambia watu  ni kuwa, yeye ni binamu yake Obama.’

”Alichosahau kuwaambia ni kuwa, mimi ni binamuye Obama”

Pigo kwa Handshake, Uhuru na Raila Odinga kujitosa siasa za Kibra

Uamuzi wa Rais Kenyatta kumuunga mkono mgombeaji wa ubunge McDonald Mariga katika uchaguzi mdogo Kibra una athari kwa “Handshake”.

Uhuru Kenyatta alikuwa mwanzoni amejitenga na siasa za Kibra.

Wengi wa wachanganuzi wa siasa walihoji kuwa alihofia kuonyesha msimamo wake kuhusu ubunge wa Kibra ili kuilinda “Handshake.”

Soma hadithi nyingine:

Apokea hela kimakosa M-Pesa. Aburuzwa kortini kujibu mashtaka ya wizi

Mariga ambaye ni mgeni katika siasa anaonekana kama njama ya Ruto kuonyeshana ubabe wa kisiasa na Raila Odinga.

Hapo jana, wanasiasa na wachanganuzi wa siasa walihoji kuwa sio siri mkataba wa Raila Odinga na Uhuru Kenyatta huenda ukatingizika pakubwa.

Aliyekuwa mbunge wa Kitutu Masaba Timothy Bosire anasema kuwa siasa za ubabe kati ya ODM na chama cha Jubilee kitadhuru pakubwa “Handshake.”

Timothy anahoji kuwa huenda makovu yaliyofunikwa na Handshake yakaibuka tena.

Soma hadithi nyingine:

Chuchuma ya Willy Paul kama tsunami. Octopizzo, Khaligraph Jones na Timmy waishobokea

“Ni jaribio kubwa kuendelea mbele. Itakuwa jambo la kufurahisha kuona jinsi Uhuru na Raila watatatua swala hili.”

“Macho yote sasa yapo Kibra kuona jinsi matamshi ya kisiasa yatakavyosemwa. Hii ina maana kuwa semi zote zitakazotokea pale lazima utaifa uwekwe mbele.” Alisema Bosire.

Mbunge wa Starehe Charles Njagua anahoji kuwa uamuzi wa Jubilee kuteua mgombeaji kulifanyika kuonyesha kuwa Jubilee na ODM hawapo katika ndoa ya kisiasa.

told the Star that Jubilee’s decision to field a candidate was meant to demystify perceptions that ODM and Jubilee were in a political marriage.

“Nafahamu kile ambacho Handshake imefanyia watu wa Nairobi. Handshake sio muungano wa kisiasa kati ya ODM na Jubilee. Sisi ni washindani bado.” Aliongeza Bosire.

Gusa hapa usome hadithi za Abraham Kivuva

 

 

Mhubiri ashtakiwa kwa kutumia jina la Uhuru kulaghai familia ya Akasha

Walaghai akiwemo mhubiri walitumia jina la rais Uhuru Kenyatta kuilaghai familia ya Ibrahim Akasha shilingi milioni 5.5 wakiahidi kuwarejesha nchini jamaa zao kutoka jela za Marekani.

 
Baktash Akasha alihukumiwa miaka 25 gerezani mnamo Agosti 16 huku Ibrahim Akasha akisubiri kuhukumiwa Novemba 8 kuhusiana na ulanguzi wa dawa za kulevya nchini Marekani.
Kutokana na tamaa na masumbuko ya kutaka jamaa zao warejee nyumbani, Najma Hassan alijipata katika mtego wa walaghai waliojidai kuwa na uhusiano wa karibu na wakuu katika serikali.

 
Alimlipa Mhubiri Chris Ngweti pesa baada ya kudai kutumwa na rais Uhuru Kenyatta. Ngweti alishikwa na kushtakiwa siku ya Alhamisi. Stakabadhi za mashtaka dhidi yake zasema kwamba kati ya Oktoba 9 na Novemba 15, mwaka 2018, Ngweti alikutana na Najma Hassan, mke wa Baktash, akishirikiana na watu wengine, alijipatia pesa kutoka kwa Najna kwa njia ya ulaghai.

A file photo of Baktash Akasha, Gulam Hussein, Ibrahim Akasha and Vijaygiri Goswami
Picha ya maktaba ya Baktash Akasha, Gulam Hussein, Ibrahim Akasha na Vijaygiri Goswami

Mshukiwa alikanusha mashtaka alipofikishwa mbele ya hakimu mkuu mkaazi David Odhiambo.
Aliachiliwa kwa dhamana ya shilingi milioni moja pesa taslimu au bondi ya shilingi milioni mbili na mdhamini wa kiasi sawa na hicho. Najma alikuwa amepoteza matumaini na alikuwa nyumbani baada ya kushindwa kumrejesha nyumbani mumuwe alipopokea simu kutoka kwa afisi ya DCI eneo la Kisauni.

 

 
“Tulikuwa twazungumza ndiposa nikamweleza masaibu yalionikumba. Akanishauri kuandikisha taarifa na uchunguzi ukaanza,” Najma alisema.

Siku ya kusomwa kwa wasia ya Tob Cohen yatangazwa 

Katika taarifa yake, Najma alisema kwamba alimueleza Ngweti, ambaye ni pasta wake katika kanisa eneo la Shanzu ambapo wakati mwingine yeye huenda kwa maomba, akitafuta usaidizi kuwarejesha nchini kaka hao wa Akasha. Pasta huyo alikubali kumuunganisha na mtu mashuhuri ambaye angemsaidia kukutana na rais Uhuru Kenyatta ili apate usaidizi.

 
Ngweti kisha alimtambulisha Najma kwa Steven Nzioka ( Steve) mkaazi wa Nairobi aliyezungumza kana kwamba ni mtu tajika katika safu za serikali. Steve alimtaka wakutane Nairobi siku iliyofuata ili kufanikisha mpango wake. Najma ,alifunga safari ya Nairobi kutoka Mombasa akiandamana na bintiye, Hayat Akasha, wifi wake na mama mkwe.

Jamaa mahakamani kwa kutumia pesa alizopokea kwa Mpesa kimakosa

Walikutana na Steve mtaani South B ambapo walikuwa wanaishi na akawahakikishia kuwa mambo yalikuwa shwari. Steve anasemekana kuambia kwamba kwa vile ilikuwa wikendi, rais alikuwa na familia yake na kwamba wangekutana naye siku ya Jumatatu.

 
Hata hivyo aliwaitisha shilingi laki tano, kwa madai kwamba pesa hizo atampa msimamizi wa Ikulu Kunuthia Mbugwa ili afanikishe mkutano na rais. Siku ya Jumatatu Steve aliwachukuwa jamaa hao wa Akasha mwendo wa saa mbili za asubuhi na kuwapeleka katika Hoteli ya Grand Regency waliko kaa hadi saa kumi na mbili jioni.

 
Mwendo wa saa kumi na mbili jioni, aliwambia kwamba ameagizwa kukutana na waziri wa Mambo ya kigeni Monica Juma ambaye angewapa barua ya kuwarejesha nchini kaka wa Akasha. Aliitisha tena shilingi laki tano ambazo alipewa na Hayat. Aliondoka na pesa hizo mwendo wa saa moja jioni akidai kwamba atalazimika kusubiri hadi barua hiyo iandikwe ili awape.

 
“Tulisubiri hadi saa tatu usiku na kisha kuondoka kwa teksi alipokosa kurudi,” Najma alisema.

 
Asubuhi iliofuata Najma alimpigia simu Steve mara tatu lakini hakujibu simu. Baadaye Steve alimpigia na kumjulisha kwamba alikuwa anafuata taratibu ambazo zilikuwa zachukuwa muda. Aliwahakikishia tena kwa mambo yalikuwa shwari. Baada ya siku tatu, Oktoba 12, 2018, Steve aliwasili mtaani South B alipokuwa anaishi Najma mwendo wa saa tatu usiku na barua. Barua aliodai ilikuwa imeandikwa na waziri Monica Juma kwa ubalozi wa Amerika, ilikuwa haina tarehe na haikuwa na sahihi.

 
“Kisha aliondoka akidai kwamba alikuwa anaipeleka kutiwa mhuri na saini. Alisema kwamba alikuwa tu ameleta kutuonyesha ili tujuwe kwamba shughuli ilikuwa yaendelea,” Hayat alinakili.

 
Baada ya siku chache alirejea na barua nyingine kutoka afisi ya rais ilioandikwa tarehe 19 Oktoba mwaka 2018, ikidaiwa kutiwa saini na msimamzi wa Ikulu Kinuthia Mbugwa na nakala moja kupewa waziri wa mambo ya kigeni. Alipotea tena na kurudi baada ya siku nne akiitisha “kitu” cha rais” kwa sababu waziri tayari alikuwa amewasiliana naye.

Patanisho: Baridi yamzidi Jamaa ataka mke kurudi

Pesa hizo kulingana na Steve zilikuwa zifanikishe kuandikwa kwa barua na rais, ya kutaka kaka wa Akasha kurejeshwa nchini.

 
“Mamangu alimpa shilingi milioni moja na akatoka nje kupiga simu. Aliporudi, alisema kwamba rais amekataa na alitaka shilingi milioni tatu,” Hayat aliripoti.

 
Steve aliondoka majira ya adhuhuri na kusema kwamba angerudi kuchukuwa pesa zilizosalia. Mwendo wa saa kumi alasiri alirejea na kupewa shilingi milioni 1.5. Baadaye usiku huo, Steve alirudi na barua nyingine aliodai ni ya kutoka idara ya kukabiliana na mihadarati ya Amerika yenye nambari ya kumbukumbu 15/11/201 kutoka jamaa kwa jina Abdalla. Alidai kwamba “Rais’ alikuwa amemuagiza Abdalla kushughulikia swala hilo.

 
Familia hiyo kisha ilirejea Mombasa, Steve aliwafuata Mombasa akidai kwamba alitaka kuwasaidia kuondoa kesi ya Akasha kutoka mahakamani. Kwa shughuli hii alititisha shilingi milioni 1.5. Wakati huu aliandamana na Pasta Chris na kukutana na Najma na bintiye katika hoteli karibu na Fort Jesus.

 
“Kwa majuma mawili alinizungusha na kushindwa kutimiza ahadi yake ya mwisho” Najma aliambia polisi.

 
Steve kisha aliambia Najma kwamba Rais alikuwa amerejea nchini na kwamba wangeenda kumpokea katika uwanja wa ndege mjini Nairobi. Familia hiyo ilifunga safari, wakati huu wakiandamana na jamaa wengi wa familia hiyo.

 
“Alitupeleka katika hoteli kukaa kwa siku nne huko. Alituambia tusiwe na hofu na kudai kwamba rais na mamake walikuwa pia wanaishi katika hiyo hoteli,” Najma aliripoti.

 
Steve aliwaambia kwamba walinzi wa marekani wangewachukuwa na kuwapeleka kukutana na rais.
Baada ya kuzungushwa na Steve, Najma alimwambia wanarejea Mombasa, Najma alisema hiyo ndio ilikuwa mara ya mwisho walisikia mambo ya Steve. Kesi hiyo itatajwa Novemba 14 katika Mahakama ya Shanzu.

Apokea hela kimakosa M-Pesa. Aburuzwa kortini kujibu mashtaka ya wizi

Jamaa aliyetumiwa pesa kimakosa kupitia huduma ya M-Pesa sasa yuko mashakani.

Stanley Irungu alipokea elfu 60 kutoka kwa mwanamke mfanyabiashara.

Irungu ameshtakiwa kuwa Juni 22 katika mtaa wa Umoja alihusika katika kitendo cha wizi.

Soma hadithi nyingine:

Chuchuma ya Willy Paul kama tsunami. Octopizzo, Khaligraph Jones na Timmy waishobokea

Hela hii ilikuwa ya Millicent Atieno.

Polisi wanahoji kuwa Atieno ambaye ni muhudumu wa M-Pesa Umoja alipatiwa pesa na mteja aweke katika akaunti yake.

Atieno alituma kitita hiki cha pesa kwa akaunti ya Irungu kimakosa.

Irungu ameshtakiwa kutoa kiwango cha hela 39,000.

Atieno alipigia kampuni ya Safaricom ili kurudisha elfu 21 zilizosalia katika akaunti ya Irungu.

Atieno alijaribu kumpigia simu Irungu bila mafanikio.

Soma hadithi nyingine:

Hafla ya mazishi ya Tob Cohen yatangazwa. Watakaohudhuria watajwa

Kisa hiki kiliripotiwa katika kituo cha polisi na baadaye akakamatwa.

Irungu alikubali kupokea elfu 60 na kusema kuwa yupo tayari kurudisha hela hiyo.

“Nilipokea pesa hizo na nikatoa kiwango kidogo. Nipo radhi kumlipa Atieno hela zake.” Irungu aliiambia mahakama.

Mahakama ilimwachilia kwa dhamana ya elfu 20. Kesi hii itatajwa Oktoba 1.

 

 

 

Arsenal wang’ara, Man united waponea katika ligi ya Europa

Ligi ya Europa ambayo iling’oa nanga jana ulishuhudia ushindani mkubwa huku klabu tofauti zikishamiri, zingine zikiadhibiwa.

EINTRACHT VS ARSENAL

Vijana wake Unai Emery waliwaadhibu wachezaji wa Eintracht nyumbani kwao mabao tatu kwa bila.

Willcock mshambulizi mwenye umri mdogo wa arsenali alitikisa nyavu dakika ya 38, huku Saka na Aubemeyang wakiongeza mabao katika dakika ya 85, na 87 mtawalia.

Mchezaji wa Eintracht Kohr alionyeshwa kadi nyekundu dakika ya 79, baada ya kucheza visivyo.

wilcok (1)

MANCHESTER UNITED VS ASTANA

Man united waliwakaribisha Astana nyumbani kwao Oldtrafford na kuwaadhibu bao moja kwa bila ambayo ilifungwa na mchezaji Greenwood dakika ya 73, dakika za lala salama.

United walitawala sana katika mchuano huo kwani walijaribu mara 20 kutafuta bao huku wapinzani wao Astana wakikosa kupata nafasi hata moja ya kufunga  vijana hao wa Ole Gunnar Solsjaer.

green (1)

ROMA VS ISTANBUL BASAKSEHIR

Ni mechi iliyoshuhudia klabu ya Roma ikitikisa nyavu mara nne kupitia wachezaji Dzeko, Zaniolo, na Kluivert katika dakika ya 58, 71, na 90 mtawalia huku mchezaji wa Istanbul Junior Caicara akijifunga bao katika dakika ya 42.

dzeko (1)

Patanisho: Jamaa alalamika baridi imezidi baada ya kumfukuza mkewe

Patanisho: Jamaa alalamika baridi imezidi baada ya kumfukuza mkewe

Jamaa kwa jina Mwangi ambaye ako na miaka 40, amelalama kuwa baridi imezidi baada ya mkewe kuondoka.

Mwangi alitafuta usaidizi kupitia Ghost na Gidi ili wampatanishe yeye na mkewe Linet, ambaye alimuacha Mwangi baada ya kumfukuza.

Linet anasema kuwa mzee wake alifika nyumbani akiwa amelewa kupindukia na katika harakati hiyo, Mwangi alimfukuza Linet.

Lakini mwanaume ni kujitetea, Mwangi alisema kuwa siku hiyo zake zilikuwa zimeshika “mlevi” na alikuwa anafanya mzaha tu lakini alishangaa Linet aliondoka na ni wiki moja sasa na Mwangi anasema hawezi vumilia baridi tena.

Linet kwa upande wake anataka babake ahusishwe katika suala hilo ili wapate suluhu lakini Mwangi hataki wazazi wake Linet waingilie jambo hilo akisema kuwa babake Linet ana mambo mengi sana.

Mwarabu Fighter asimulia masaibu WCB. Asema Inama ya Diamond ina ukweli

Linet anadai Mwangi huwa na shughuli nyingi sana kiasi ya kwamba hana muda wake lakini yeye bado anampenda.

Mwangi anamuomba Linet arudi nyumbani akijitetea kuwa siku hiyo “alikuwa amechoma ndom na mt kenya” ambayo ni bangi hivyo basi hakuwa anamaanisha yale yote aliyoyasema.

Linet alikubali kupatana na mzee wake Mwangi ili wasuluhishe jambo hilo lakini Mwangi aliapa kuwa “hawezi acha kuchoma manake hizo vitu haiwezi achika.”

Aidha, Mwangi alimtaka mkewe kusikiliza Patanisho ili ajifunze maneno mengi ya kinyumbani kutoka kwa kipindi hicho kinachopeperushwa na Ghost na Gidi.

 

Je, unafahamu jina linalotumiwa kuita pesa mtaani kwako?

Chuchuma ya Willy Paul kama tsunami. Octopizzo, Khaligraph Jones na Timmy waishobokea

Mastaa wakubwa wa muziki nchini wameonyesha mapenzi makubwa kwa mkwaju wa Chuchuma wa staa wa muziki Willy Paul.

Nyimbo hii inaonekana kupigiwa upatu mkubwa na mastaa wa muziki nchini akiwemo Octopizzo na Khaligraph Jones.

Sio kawaida kuona mastaa wakubwa wa muziki nchini wakiimba ngoma ya msanii mwenzao.

Hivi inaashiria kuwa ngoma ya Willy Paul ni moto mkubwa katika tasnia ya muziki nchini.

Soma hadithi nyingine:

Kirundi & Company Advocates yatangaza siku ya kusoma wasia wa Tob Cohen

Ngoma hii ilikuwa ifanyike kati ya staa wa Bongo Rayvanny na Willy Paul ila stima za ushikaji zikakata na Pozze akaamua kuifanya peke yake.

Aidha, Willy Paul juzi kati alikuwa anateta kuwa Rayvanny ameiba ngoma hiyo na kuchombeza baadhi ya mistari katika vesi ya ngoma ya Pepeta.

Pepeta ni mkwaju unaofanya vizuri katika mtandao wa YouTube huku kwa sasa ukipiga views Milioni 10.

Soma hadithi nyingine:

Hafla ya mazishi ya Tob Cohen yatangazwa. Watakaohudhuria watajwa

Rayavany alimshirikisha staa wa kihindi Nora Fatehi na kutoa bonge la Pepeta.

Ngoma ya Willy Paul Chuchuma haijafikia kutazamwa kwa wingi sana kama Pepeta.

Kando na hivyo ngoma hii inatamba kwa kasi na mastaa nchini wakiwemo Eric Omondi wamekunwa na mabiti hatari ya ngoma hii.

Katika mtandao wa insta, Eric, Octopizzo na Khalighraph Jones wanaonekana kuipatia ngoma hii nafasi kubwa.

Staa wa muziki Timmy T Dat hajaachwa nyuma katika kuipa nguvu ngoma hii.

 

Kirundi & Company Advocates yatangaza siku ya kusoma wasia wa Tob Cohen

Wasia wa mwendazake Tob Cohen unatarajiwa kusomwa kesho Ijumaa.

Barua rasmi kutoka kwa kampuni ya sheria Kirundi & Company Advocates inaonyesha taarifa hizi.

Wasia wa Tob Cohen utasomwa kesho katika ofisi za kampuni hii mwendo wa saa tano unusu mchana.

Soma hapa hadithi nyingine:

Hafla ya mazishi ya Tob Cohen yatangazwa. Watakaohudhuria watajwa

Haya yanajiri baada ya mwili wa Tob kufanyiwa upasuaji.

Wasia huu unatarajiwa kuwa na maagizo kuhusu jinsi urithi wa bilionea huyu utagawanywa.

unnamed (2)

Cohen atazikwa jumatatu katika sehemu ya faragha.

Mazishi haya yanapaswa yafuate sheria na itikadi za wayahudi.

Soma hapa hadithi nyingine:

Rich Mavoko aikashifu lebo ya WCB. Aeleza uhusiano wake na Diamond

 

 

Akizungumza na waandishi wa habari leo Alhamisi, Cliff Ombeta akiwa na Philip Murgor wametangaza kuwa mjane wa Cohen Sarah na dadake Tob watakuwepo katika hafla ya mazishi.

‘Itikadi za mazishi zitakwenda sawa na mila za wayahudi na zitaendeshwa na viongozi wanaohusika wa jamii hiyo” Amesema Ombeta.

Soma hapa hadithi nyingine:

Diamond aombwa kuvunja Wasafi Festival Iringa. Mwakyembe aeleza

Kwa mujibu wa Murgor na Cliff, DPP,DCI na viongozi wa idara ya mahakama wameombwa na Sarah na Gabrielle kuendesha hafla hiyo.

Mwili wa bilionea huyu ulipatikana wiki iliyopita Ijumaa baada ya kupotea kwa wiki 8.