Kikundi cha muziki mashuhuri nchini Sauti Sol kimetangaza utengano wa muda kati ya wanabendi wake Bien, Savara, Chimano na Polycarp Otieno.
Kupitia kwa barua ya wazi kwa mashabiki, kikundi hicho ambacho kimepokea tuzo nyingi kutokana na ubora wa muziki wao kimesema kuwa kila mmoja wao atafanya kazi pekee yake hadi mwezi Mei mwaka ujao.
Wanne hao ambao kwa sasa wako katika ziara ya muziki nchini Marekani wamepatia mradi huo jina 'Alone Together' (Pekee Pamoja) na kudai kuwa wazo hilo lilifuatia tafakari ya kina ya wanabendi wakati wa janga la Corona.
Kila mmoja wao anatazamia kuwa wametoa ngoma kivyake kufikia mwezi Desemba mwakani huku Bien akizindua mradi huo kwa kutoa kibao 'Bald Men Anthem' ambacho ameshirikisha Aaron Rimbui.
"Kwa kila ngoma mashabiki wetu wa kitambo na wapya, wazee na wadogi mtaweza kuona na kusikia talanta zetu na mfahamu mengi zaidi kuhusu mbona sisi ni viungo vinne muhimu ambavyo vinatengeza bendi moja" Sauti Sol walisema.
