•Mwanamuziki Esther Akoth almaarufu kama Akothee amewahi kuwa kwenye mahusiano na wanaume wawili wenye asili ya Ulaya na hata kupata watoto nao.
Image: INSTAGRAM
Willy Paul
Mwanamuziki Wilson Radido almaaarufu kama Willy Paul amewahi kuwa kwenye mahusiano na mwanadada kutoka Urusi anayetambulika kama Victoria Shcheglova.
Katika mahojiano ambayo amekuwa akifanya imeonekana kama kwamba mwanamuziki huyo bado anamchumbia Mrusi huyo.
Willy Paul alimshirikisha Victoria katika video ya wimbo wake wa hivi majuzi 'My Woman'
Wawili hao hata wamebarikiwa na binti mmoja.
Willy Paul alitangaza kuzaliwa kwa binti yao Sonya Wilsovna mwishoni mwa mwaka uliopita.
Hata hivyo, staa huyo mwenye umri wa miaka 28 anajulikana kuweka mahusiano yake siri na hali ya mahusiano yao haifahamiki wazi ilivyo.
Akothee
Mwanamuziki Esther Akoth almaarufu kama Akothee amewahi kuwa kwenye mahusiano na wanaume wawili wenye asili ya Ulaya na hata kupata watoto nao.
Mama huyo amewahi kumchumbia Bw Dominic kutoka ufaransa na mwanamume mwingine kutoka Uswizi.
Prince Ojwang na Prince Oyoo ni watoto ambao msanii huyo alipata kutoka kwa mahusiano yake na wazungu wawili.
Nyota Ndogo
Mwanamuziki Mwanaisha Abdalla almaarufu kama Nyota Ndogo amekuwa akiweka hadharani mahusiano wake na mumewe mzungu kutoka Netherlands.
Nyota Ndogo na Bw Henning Nielsen walijitosa kwenye mahusiano zaidi ya miaka mitano iliyopita.
Mwaka huu uhusiano kati ya wawili hao umekuwa ukiangaziwa sana kwani kuna wakati ulionekana kuyumba.
Bw Henning yumo nchini Kenya kwa sasa kusherehekea likizo ya Krimasi na mwanamuziki huyo kutoka Pwani.
Lenana Kariba
Mwigizaji mashuhuri Lenana Kariba alifunga pingu za maisha na mpenzi wake Helen mwezi Septemba mwaka huu.
Mwigizaji huyo ambaye kwa sasa anaishi Uingereza alivisha pete mzaliwa huyo wa Netherlands katika visiwa vya Carribean.
Octopizzo
Rapa Henry Ohanga almaarufu kama Octopizzo amefunga ndoa na mwanadada mzungu ambaye wamebarikiwa na watoto watatu pamoja; Zara, Tracy na Fredy.
Anita Nderu
Mtangazaji Anita Nderu alifunga pingu za maisha na mpenzi wake Barrett Raftery mwezi Septemba mwakani katika hafla iliyohudhuriwa na wanafamilia na marafiki wachache.
Barret ambaye ni mwanamazingira ana asili ya Kihindi.