Ex wangu alikuja na mumama kwa mazishi ya mama yangu- Mwigizaji Nyce Wanjeri asimulia

Nyce Wanjeri ambaye ni Mwigizaji wa Kenya amesimulia jinsi alivyoteseka zaidi katika ndoa licha ya kumtaka pasta kuombea ndoa yake.

Nyce Wanjeri ambaye anajulikana sana katika kipindi cha Auntie Boss, alijaribu kila awezalo kudumisha ndoa yake lakini mume alikuwa mnyanyasaji, jeuri na tapeli.

Nyce alipofiwa na mamake, katika tukio la mazishi mume alikuja na Mumama wake akiendesha gari.

Nyce alisimulia jinsi mume wake angeweza kumpiga na kumnyanyasa kiasi cha kuwapiga marafiki zake.

"Nilikutana naye akiwa na miaka 19 na 20 ndipo nilipoanza kuchumbiana naye, Alianza kuniomba nimzalie lakini nilikataa.

Nikiwa na miaka 21 nilishindwa na shinikizo na kupata mimba. Nilikuwa na ujauzito wa miezi miwili aliponipiga kofi kwa mara ya kwanza. Alinipiga kupitia rimoti."

Akishiriki jinsi kofi lilivyotokea Nyce alisema,

"Katika miezi miwili alipenda muziki wa Roots wakati mimi nikipenda kitu kingine. Kwa hivyo tulikubaliana asikilize aina yake kwa dakika 10 na baada ya hapo, ningesikiliza chochote nilichotaka.

Alicheza wimbo fulani kwa dakika 10 na hiyo iliniondoa kwa njia mbaya kutokana na homoni. Nikiwa naitoa ile DVD anabonyeza rimoti na kuirudisha nyuma, tukaanza kugombana. Alinipiga kofi kali sana."

Nyce anasema kwamba aliporudi mpenzi wake wa zamani aliyemnyanyasa alijua kamwe hataenda popote.

"Mtoto wangu alipokuwa na umri wa miezi 9, alinitupa ukutani kwa sababu nilikuwa nimemuuliza kuhusu mwanamke fulani ambaye alikuwa akichumbiana naye.

Dada yake ambaye alikuwa akiishi nasi alikuja kuniokoa yeye pia alipigwa. Kwa miezi sita nilikuwa na jicho jeusi, na upande huo ulikuwa umevimba kwa karibu miezi 8. Midomo yangu ilipigwa.

Tulipiga mayowe kuomba msaada lakini hakuna aliyekuja kutuokoa. Dada yake alipiga kelele akimtaka aniache kwani mtoto analia.

Hiyo ilikuwa mara yangu ya kwanza kumwambia mama yangu ukweli." Mwigizaji huyo anasema mwaka wa 2015 utapeli ulizidi kiasi kwamba angewapigia debe wanawake hao kwenye Facebook.

“Wakati fulani alikuwa anachumbiana na wanawake wakubwa, na kuwapigia debe kwenye mitandao ya kijamii, siku moja niliamua kumuacha, na alipogundua kuwa nimehama ilikuwa siku 15 baadaye.

Alipogundua kuwa tumeondoka alikuwa akimpigia simu mama yangu mara kwa mara hata saa 3:00 asubuhi. Mama yangu alipokufa hata alirudi akijaribu kunirudisha

Hata alikuja kwa mazishi ya mama yangu na mumama wake, wakati wote alipokuwa akinifariji mumama wake alikuwepo."