•Winnie Bwire Ndubi, ambaye aliigiza kama Dida katika filamu maarufu ya TV ya Sultana amega dunia, familia yake imethibitisha.
•Wiki chache zilizopita, marehemu aliomba msaada zaidi wa shilingi milioni 5 ili kutafuta matibabu maalum nje ya nchi.
Image: hisani
Muigizaji Winfred Bwire Ndubi, ambaye aliigiza kama Dida katika filamu maarufu ya televisheni ya Sultana amega dunia, familia yake imethibitisha.
Marehemu Winnie Bwire ambaye amekuwa akipambana na ugonjwa wa saratani kwa muda mrefu aliaga dunia siku ya Alhamisi asubuhi katika hospitali ya Uturuki ambako alikuwa akipokea matibabu.
Huku wakitangaza kifo chake, familia ya marehemu imetoa shukran za dhati kwa Wakenya kwa sapoti ambayo wamewapa wakati muigizaji huyo amekuwa akipambana na ugonjwa.
"Ni kwa mioyo mizito na kukubali kwa unyenyekevu mapenzi ya Mungu kwamba tunamtangaza Winfred Bwire Ndubi ambaye alipoteza vita vyake vya saratani mnamo Septemba 5, 2024 alipokuwa akipatiwa matibabu nchini Uturuki," taarifa ya familia ya Bwire ilisoma.
Ilisomeka zaidi, "Tunawashukuru nyote kwa usaidizi wenu mwingi, maombi na utoaji wa ukarimu wakati wa matibabu yake. Tutashiriki maelezo zaidi kwa wakati unaofaa. Mungu awabariki nyote."
Miezi kadhaa iliyopita, marehemu aliwaomba watu msaada wa kuchangisha Kshs 7 milioni kwa matibabu yake ya saratani ng'ambo.
Ndubi alikuwa akipambana na saratani ya matiti ya Metastatic kwa miaka miwili na alitaka sana matibabu maalum nje ya nchi ili maisha yake yaweze kuokolewa.
Kupitia kwenye ukurasa wake wa Instagram mwigizaji huyo aliomba msaada na kusema;
"Wapendwa Binadamu, ni maombi yangu sikukuu yako ya Krismasi ifike vizuri. Ninakuja kwako, kutafuta msaada wa kunisaidia kupata matibabu zaidi nje ya nchi ambayo inahitajika kuokoa maisha yangu 😊.
“Si inachekesha? Je, maisha ni ghali kiasi gani? Dakika moja unaishi mrembo na inayofuata unakumbana na mapepo ambayo hukuwahi kufikiria kuwa ungekutana nayo katika maisha yako yote. Jambo zuri juu yake ni kwamba hatupaswi kamwe kukabiliana nao peke yetu. Tunachotakiwa kufanya ni kuruhusu watu waingie kwenye mchakato. Inachukua Kijiji kufanya chochote kabisa. Anyway kabla sijakuchosha na post yangu ndefu ☺️, nakuja kijiji pekee ninachokifahamu, tafadhali chukua muda kusimama nami katika safari hii ya kupona kwa kuchangia chochote uwezacho kunisaidia kufikia lengo linalohitajika la milioni 7. Ksh. Msaada wako utathaminiwa sana. Mungu akubariki. Hongera, "mwigizaji alishiriki.
Wiki chache zilizopita, marehemu aliomba msaada zaidi wa shilingi milioni 5 ili kutafuta matibabu maalum nje ya nchi.
Saratani yake ilianza na dalili za uvimbe chini ya makwapa wakati wa hedhi.
Alimtembelea daktari ambaye alimjulisha kwamba alikuwa na maambukizi ya jumla na alipewa dawa za kuvimba kwa nodi za limfu.
Alifanyiwa uchunguzi na kugunduliwa kuwa na ductal carcinoma in situ, aina ya saratani adimu inayohusisha kuwepo kwa seli zisizo za kawaida kwenye mirija ya maziwa kwenye titi.