Mwanaharakati Morara Kebaso aanzisha biashara ya kuuza tsheti za chama chake cha INJECT

Alitangaza kwamba tsheti moja itakuwa inauzwa kwa Shilingi 2,500.

na MOSES SAGWEarticle.writers[0]?.category

Burudani15 October 2024 - 14:56

Muhtasari

Alitangaza kwamba tsheti moja itakuwa inauzwa kwa Shilingi 2,500.
“Nguo za INJECT ziko hapa. Ksh 2500 kwa kila moja. Unaweza kuagiza yako mapema,” Kebaso alitangaza.

Mwanaharakati wa kutoa elimu ya kirais, Morara Kebaso ameanzisha biashara ya kuuza mavazi yenye nembo ya chama chake kipya cha INJECT.

Kebaso, kupiotia kitandazi cha X, aliweka wazi kwamba ameanza harakati za kukitangaza chama hicho kwa umma cha INJECT, wiki chache baada ya kukisajili rasmi.

"Nguo za INJECT ziko hapa, shili ngi 2500 kwa kila moja,' Kebaso aliandika.

"Nguo hizi zimeundwa ili kuonyesha chapa ya humu nchini Kenya, ubora ni wa kiwango kizuri ndio maana inagharimu 2,500.Pamba safi, UNISEX kwa wanaume na wanawake,' alizipigia debe.

Mwanaharakati huyo alisema kwamba huu ni mkakati wa kukusanya rasilimali zaidi kwa ajili ya kuendesha chama hicho ambacho ni kipya zaidi humu nchini.

"Huu ni mkakati wetu kwa ajili ya kukusanya rasilimali za kuendesha chama. Pesa zote zitatumika katika kujenga harakati zenye nguvu zaidi na shughuli z ufadhili kama vile kesi za mahakama zenye maslahi ya umma," aliongeza.