Ukatili wa baba! Msichana wa miaka 15 aficha mimba ya babake kwa miezi 5

Mahakama mjini Nanyuki siku ya Jumatano iliambiwa vile msichana wa miaka 15 alificha uja uzito kwa miezi mitano kwa hofu ya kuauwa na babake wa kambo anayedaiwa kumnajisi.

MIMBA
Babake wa kambo anadaiwa kumtishia kwamba atamuua ikiwa angefichua uja uzito aliokuwa amebeba ulikuwa na babake. Mwanamume huyo ameshtakiwa kuwa kati ya mwezi Aprili na Septemba mwaka jana, alimnajisi msichana mwenye umri wa miaka 15 nyumbani kwake katika kijiji cha Magutu, Laikipia Mashariki. Alikanusha mashtaka, akidai kusingiziwa na mkewe na kakake mkwe ili wachukuwe umiliki wa shamba lake.

 
Mamake msichana huyo aliambia mahakama aligundua kwamba tumbo la bintiye lilikuwa limekuwa kubwa. Alipomshawishi azungumze msichana alifichua kwamba alikuwa amenajisiwa na babake wa kambo miezi iliopita wakati mamake alikuwa ameenda hospitalini.

Pope Francis aanza ziara barani Afrika

“Binti yangu alinieleza kwamba wakati nilikuwa sipo babake aliwatuma wenzake wadogo kwenda kuchota maji mtoni na walipoondoka, alimvuta ndani ya nyumba na kumnajisi, kisha alimuonya dhidi ya kuambia mtu yeyote na kwamba angemuua,” Mama huyo wa watoto wanane aliambia mahakama huku akitiririkwa na machozi.

 
Wakati wa mahojiano, mshukiwa aliambia hakimu mkaazi Vincent Mativo kwamba hakuwa na sababu ya kumnajisi bintiye wa kambo, na ilhali alimshughulikia msichana huyo kama mwanawe.

 
“Nimekuwa nikiwaelimisiha watoto wote wanane bila ubaguzi, licha ya kwamba watatu pekee ndio wanangu. Hakuna vile ningefikiria kufanya kitendo kama hicho na mwanangu, huu wote ni uongo,” Alisema.

 

Moses Kuria kumpigia debe mgombeaji wa ODM – Kibra

Mahakama iliambiwa kwamba msichana huyo alijifungua mtoto huyo kabla ya siku zake kutimia na mtoto akafariki katika Hospitali ya Rufaa ya Nanyuki. Mhasiriwa Kwa sasa anaendelea kupokea ushauri nasaha kuhusiana na tikio hilo.

 
Kesi inaendelea.

Moses Kuria kumpigia debe mgombeaji wa ODM – Kibra

Mbunge wa Gatundu Kusini Moses Kuria amesema atamuunga mkono mgombeaji wa ODM Benson Musungu ikiwa atateuliwa kupeperusha bendera ya chama hicho kwa kiti cha eneo bunge la Kibra.

Moses.Kuria
Musungu ni miongoni mwa wagombeaji 11 wanaotaka tikiti ya ODM katika uchaguzi huo mdogo.
ODM imepangiwa kuandaa uteuzi wa atakaye peperusha bendera yake Jumamosi hii baada ya kuahirisha zoezi hilo kutokana na changamoto za kiusalama kwa sababu polisi wengi walikuwa wanashiriki shughuli ya kuhesabu watu.

Mbona Mariga Huenda akazuiwa kuwania kiti cha Kibra 

Katika Facebook, Kuria alisema atamuunga mkono Musungu kwa sababu yeye ni mzaliwa wa Kibra huku akimfananisha na aliyekuwa mbunge wa eneo hilo marehemu Ken Okoth. Alisema kwamba kiongozi aliyezaliwa Kibra anafahamu shida na changamoto za wakaazi wa eneo hilo na ana nafasi nzuri kuboresha maisha ya watu wa eneo hilo.

 
“Rafikiyangu Ken Okoth alizaliwa Kibra na alikuwa amejitolea sana kuimarisha maisha ya watu wa Kibra. Mtu ambaye nitapigia debe kuendeleza mipango ya Okoth ni mzaliwa mwingine wa eneo hilo, Benson Musungu,” Kuria alisema

 

Matamshi yake yanajiri siku mbili tu baada ya aliyekuwa mchezaji wa kimatiafa wa Harambee Stars McDonald Mariga kuteuliwa kupeperusha tiketi ya Jubilee katika uchaguzi huo mdogo wa Novemba tarehe 7.

 

Wakenya waathirika na mashambulizi dhidi ya wageni, Afrika Kusini

Mariga anasemekana kushinikizwa na Naibu Rais William Ruto, madai ambayo aliyakanusha siku ya Jumatatu baada ya kupewa tiketi ya chama hicho. Kuria kupitia twitter siku ya Jumatatu alimtaka Ruto kumwacha Mariga aendelee kucheza mpira na kuimua talanta za vijana badala ya kujiingiza katika taaluma chafu ya siasa.

Tanzia! Aliyekuwa mwenyekiti wa TLB Hassan Kamwaro aaga dunia

Aliyekuwa mwenyekiti wa bodi la Leseni za uchukuzi nchini TLB Hassan Ole Kamwaro ameaga dunia.
Kamwaro amekuwa akiugua saratani, na alifariki akipokea matibabu katika Mercy Hospital,mjini Oklahoma Marekani.

KAMWARO
Kamwaro amekuwa akiugua saratani ya umio (koo) na alikuwa amesafiri Amerika kwa matababu zaidi. Mwanawe Jedida Kamwaro alithibitisha kifo chake siku ya Jumatano. Mwaka 2010, aliyekuwa rais Mwai Kibaki alifutilia mbali uteuzi wa Wilfred Lengei na kisha kumtaja Kamwaro kama mwenyekiti wa TLB.

 

Harmonize na Konde Gang ni biashara za lebo ya Wcb. Balaa kubwa kwa Kondeboy

Inspekta Mwala anusurika kichapo cha umati. Agonga na kuua mtu

Mwaka 2012, Kibaki alimteua Mhandisi Joseph Kamau kusimamia bodi ya TLB kuchukuwa nafasi ya Kamwaro.
Kamwaro alimuoa Eunice Sission mwaka 2012 katika hafla ya kibinansi iliyohudhuriwa na viongozi wa eneo analotoka pekee yao.

Ruto hachelei! amrejeshea Raila makombora ya siasa za katiba

Naibu Rais William Ruto siku ya Jumanne alipuuzilia mbali matamshi ya kinara wa upinzalni Raila Odinga akidai kwamba Raila alikuwa akitumia mjadala wa kura ya maoni kutawanya wakenya.

ruto.1
Aliwataka wakenya kuwapuuzilia mbali viongozi wanaotaka kutumia mwito wa kubadilisha katiba kama njia ya kuligawanya taifa, kuleta uhasama na kuzua hali ya swintofahamu nchini.   Akihutubia wananchi nje ya Hospitali ya Rufaa ya Kapsabeut, Ruto alisema kwamba Jubilee haitamruhusu mtu yeyote kugawanya wananchi kwa manufaa yake ya kibinafsi.

Ruto hafai kuwa rais wa Kenya, Maina Kamanda asisitiza

“Baadhi ya viongozi wanafaa kuacha kutuhadaa na vitisho. Hatutakupa nafasi kugawanya taifa,”alisema. Aliongeza, “Wakati BBI itawasilisha mapendekezo yake, tutayajadili kwa utaratibu. Hatutakubali uchochezi wa Tsunani unotawanya taifa hili tena,” Ruto alisema.

Raila Odinga

Kinara wa upinzani Raila Odinga siku ya Jumapili alionya kwamba Ruto na kikundi chake cha Tangatanga watafagiliwa hadi ghala la sahau la siasa. Siku ya Jumamosi, Rais Uhuru Kenyatta alionekana kuunga mkono mabadiliko ya katiba huku jopo la BBI likitayarisha ripoti yake ya mwisho.

 

Ruto amjibu Kabogo kuhusu kampeni za mapema

“Kama kuna kitu hakifai katika katiba, au sheria yoyote ile,tunahitaji kukaa chini na kuona njia mwafaka kurekebisha makosa,” Rais Kenyatta alisemasiku ya Jumamosi. Siku ya Jumanne Ruto alisema maswala ya katiba ni mazito na yanafaa kuhusisha wakenya wote.

 
“Tunataka kuhakikisha kwamba kama taifa, chochote kitakacho pendekezwa, katika mfumo wowote ule, hakionyeshi kwamba kuna upande wa washindi na waliopoteza,” Ruto alisema.

Tanzania imeagiza wakimbizi kutoka Burundi kurudishwa makwao

Serikali ya Tanzania imeagiza wakimbizi kutoka nchini Burundi kurudishwa makwao, na kusema kua hali ya kiusalama katika taifa hilo sasa imeimarika.

BURUNDI 1
Waziri wa Mambo ya Ndani wa Tanzania Kangi Lugola ametangaza kuwa wakimbizi 2,000 watarudishwa Burundi kufikia October mosi.

 

”Azimio la msingi lilikuwa kila wiki wakimbizi lazima wakimbizi elfu mbili wawe wanarejeshwa nchini Burundi lakini tulipokutana na Mamlaka ya Burundi tuligundua kuwa UNHCR ndio wamekuwa wakikwepa jukumu hilo likisema Burundi haina uwezo wakuwapokea wakimbizi 2000 kwa wiki” Waziri Lugola aliiambia BBC katika mahojiano ya kipeke.

 
Aliongeza kuwa serikali ya Burundi kupitia waziri wao wa mambo ya nje Pascal Barandagie waliwasilisha ombi lao kwa Tanzania kuelezea kutoridhishwa kwao na utekelezajiwa makubaliano waliofikia hivi karibuni kati ya nchi hizo mbili na shirilka la kuwahudumia wakimbizi la Umoja wa Mataifa UNHCR.
Bw. Lugola anadai kuwa shirika hilo la wakimbizi lina ajenda ya siri kwasababu linaleta kisingizio ambacho sio cha kweli.

BURUNDI 2
Mbali na maelezo iliyopata kutoka wizara ya Mambo ya nje ya Burundi kwamba nchi hiyo ni salama wazirri Lugola anasema kuwa imeridhisha kuwa wakimbizi hao watakuwa salama wakirudi makwao kwa sababu tangu mwaka 2015 hakuna hata mkimbizi mmoja aliyeingia nchini humo kutoka Burundi kwa kuhofia usalama.

 

 

Mashauriano ya wakimbizi wa Burundi kurejeshwa makwao yamekuwa yakiendelea kati ya Mataifa hayo mawili na shirika la wakimbizi la Umoja wa Mataifa UNHCR na Burundi imekuwa ikiiomba Tanzania kuwaachilia wakimbizi wake warudi nyumbani kulijenga taifa lao.

 
Lakini wakimbizi hao wana usemi wowote kuhusiana na suala hilo?

 
Waziri wa mambo ya nje wa Tanzania Bw. Kangi Lugola anasema majadiliano hayo hayawahusu wawkimbizi wenyewe moja kwa moja kwa sababu ”hawakuja Tanzania kwa hiari yao”.

 
”Tukisubiri urudi nchini kwako kwa hiari tutakuwa tunategemea hiari yako wewe binafsi lakini sisi tunaangalia sababu iliyokufanya utoroke nchi yako ilikuwa hoja ya amani na usalama” alisema.

 
Anashangaa kwa nini kigezo cha wakimbizi kurudi kwao kwa hiari linakuja na kuongeza kuwa hilo ni hoja ambalo Tanzania linaliangalia kwa ujumla wake badala ya mtu mmoja mmoja. Tanzania inashikilia kuwa sababu iliyoifanya iwapatia hadhi ya ukimbizi raia hao wa Burundi kwa sasa hazipo na kwamba ina kila sababu ya kuwataka warudi makwao.

 
”Kuna haya makubaliano ya Kimataifa ambayo UNHCR inatumia lakini katika mazingira ambayo sisi tunatumia sheria yetu sasa ni wajibu wa shirika hilo kuwatafutia wakimbizi hao taifa lingine la tatu kama linaona kurudi kwao Burundi kuna matatizo wakati sisi tunasema hakuna matatizo” Bw. Lugola anasema.

BBC 

Machifu wakamatwa Wajir wakiongeza idadi ya watu katika Sensa

#WajirCensusFraud ilitamba kwenye twitter siku ya Jumanne baada ya wakenya kulalamikia kuhusu uhalali wa zoezi linaloendelea la kuhesabu watu.

CENSUS
Wakenya katika twitter walitilia shaka zoezi zima la kuhesabu watu baada ya afisa mmoja wa kuhesabu watu kupatikana amesajili watu 600 badala ya idadi iliolengwa ya watu 100. Hii wanaamini ni njama ya wanasiasa kuongeza idadi ya watu katika maeneo wanamotoka kwa manufaa ya kisiasa, hasa katika maeneo yenye watu wachache na wanao kaa mbali mbali.

Pasta Ng’ang’a mashakani kwa kutishia kudhoofisha nyeti za wanaume kanisani

Hii inajiri siku moja baada ya machifu wawili na naibu wa chifu katika eneo la Wajir kutiwa mbaroni kuhusiana na ulaghai katika zoezi la kuhesabu watu

 

“Those altering the numbers in Wajir East, Eldas and Tarbaj are after own political interests,”@bosiboriviews alisema.
@kiilundeti aliuliza, “The question is, can we ever get anything right as Kenyans?”

Uhuru aonya maafisa wa forodhani

 

Akithibitisha kukamatwa kwa machihfu hao, kamishna wa kaunti ya Wajir Lyford Kibaara alisema walihusika katika kuongeza idadi ya watu katika lokesheni zao.

Pasta Ng’ang’a mashakani kwa kutishia kudhoofisha nyeti za wanaume kanisani

Mhubiri anayezingirwa na utata kila kuchao Pasta Ng’ang’a ameshtakiwa kwa kuwatishia na kutumia lugha ya matusi dhidi ya wanaume katika kanisa lake.

james ng'ang'a
Kulingana na kesi iliyowasilishwa, mhubiri huyo wa televisheni anashtumiwa kwa kutumia lugha isiofaa akiwalenga waumini wa kiume katika kanisa lake kwa misingi ya sadaka wanayotoa kanisani.

 
Lugha hiyo huenda ikavuruga amani katika kanisa hilo, hasa baada ya kuwaita waumini hao “ng’ombe wewe” na “ng’ombe hizi” usemi ambao huelekezwa mtu mpumbavu.

 

Uhuru aonya maafisa wa forodhani

Matamashi ya Ng’ang’a yamesekana kuwa ya kudunisha na kudhalilisha kuhusiana na nyeti ya wanaume na kuzilinganisha na kidole cha mwisho kwenye kiganja“kakitu” na “tuvitu”.

 
“Katika tarehe unayoifahamu na bila sababu ulizua hali ya swintofahamu na kutishia kuvuruga utulivu kanisani na hasa kwa kutishia kulemaza nguvu za kiume za wateja wetu ili wasiweze kujamiana na wake wao kwa kutumia mbinu ambazo hukutaja,” Barua ya mawakili wa kampuni ya uakili ya Otieno and Amisi ilisema.

Lulu Hassan na Rashid Abdalla washerehekea kitinda mimba wao

Amisi ni wakili anayewakilisha wanaume katika kanisa la Neno Evangelism Ministries. Barua hiyo ilisema kwamba matendo ya Ng’ang’a yalishusha hadhi ya wateja wake katika jamii na kuwafanya waonekane wadhaifu na waoga, wasiokuwa na fikra na wenye vijidude vya kiume vidogo kuliko wanaume wenzao.

Mariga kuania kiti cha Kibra kwa Jubilee

Mhubiri huyo ametakiwa kuondoa vitisho vyake kupunguza nguvu za kiume za wanaume katika kanisa lake.

Uhuru aonya maafisa wa forodhani

Maafisa wa Halmashauri ya Bandarini nchini KPA wana sababu ya kuwa na hofu baada ya rais Uhuru Kenyatta kutoa onyo kali kuhusu mienendo ya baadhi yao.

UHURU

 

“Raslimali ya umma ni mali ya wakenya sio ya viongozi kujitajirisha,  jukumu la viongozi ni kulinda raslimali hizo kwa niaba ya wakenya. Hilo pekee,” Uhuru alisema.

 

 

Alizungumza katika bandari ya Mombasa alipozindua safari ya kwanza ya kuuzwa kwa mafuta kutoka Kenya. Uhuru alisema kwamba hatalegeza kamba katika vita dhidi ya ufisadi. Aliwakemea maafisa wakuu wa KPA kwa utepetevu katika kukabiliana na ulaji rushwa katika bandari. Kiongozi wa taifa alisema kwamba taifa la Kenya ni tajiri lakini watu wachache wanataka kujizolea mali wao binafsi.

Uhuru alisema kwamba amepokea taarifa za ujasusi kuwa baadhi ya maafisa wa KPA wanapanga njama ya kuwepo kwa mgomo baridi katika bandari hiyo hatua ambayo huenda ikazorotesha usalama na afya ya wananchi.

 

“Hata hapa bandarini, rafiki zangu, tunachunguza na tunatazama.”

 

Mariga kuania kiti cha Kibra kwa Jubilee

Alisema palikuwepo njama ya kuchochea mgomo baridi bandarini ili kulemaza shughuli katika eneo hilo. “Ni wakati wa migomo kama hii ambapo shughuli za kihalifu hutekelezwa huku bidhaa haramu zikiingizwa nchini na zingine kusafirishwa nje ya nchi,” alisema.

 

 

Uhuru alikwa akizungumza wakati wa hafla ya kuafikiwa ndoto ya Kenya kuwa miongoni mwa mataifa yanayouza mafuta ulimwenguni siku ya Jumatatu. Kenya siku ya Jumatatu ilisafirisha shehena ya mapipa 200,000 ya mafuta yasiyosafishwa kutoka kaunti ya Turkana iliyonunuliwa na kampuni ya ChemChina iliyoko Uingereza, yenye thamani ya shilingi bilioni 1.2, bei ambayo iko juu kuliko ile ambayo ilikuwa imetarajiwa.

 

Kenya inatumia shehena hii ya kwanza ya mafuta ya petroli ambayo bado hayajasafishwa kama kigezo cha kupima soko la ulimwengu la bidhaa hiyo kabla kuongeza utoaji wa mafuta yake kwa kiwango kikubwa cha kibiashara. Celsius Riga, ambalo ndilo jina la meli iliyobeba shehena hiyo ya mafuta ya petroli ambayo bado hayajasafishwa kutoka Kenya kuelekea Malaysia, iling’oa nanga kutoka Bandari ya Mombasa muda mfupi kabla ya saa sita mchana leo, safari ambayo ilianzishwa rasmi na Rais Uhuru Kenyatta.

Rais Kenyatta aomboleza kifo cha mtetezi wa haki za wanawake Kamla Sikand

Rais Kenyatta alisema usafirishaji wa shehena hiyo ya mafuta ya petroli ni hatua kubwa kwa nchi ya Kenya ambayo sasa imejiunga na mataifa yanayouza mafuta ulimwenguni. “Ninajivunia kusema kwamba safari ya Kenya ya utoaji na uuzaji wa mafuta ya petroli na gesi imeanza rasmi. Kuanzishwa rasmi kwa usafirishaji wa shehena ya kwanza kunaashiria ukurasa mpya kwa taifa la Kenya, na mwanzo mpya wa utajiri kwa Wakenya wote,” kasema Rais Kenyatta.

 

Rais alisema kwamba Serikali imejitolea kuhakikisha maendeleo bora yanaafikiwa kupitia matumizi ya busara ya raslimali nchini.

 

“Tutahakikisha ya kwamba maliasli ya Kenya inatumiwa kwa njia ambayo itakuwa ya manufaa ya hali ya juu bila kuhatarisha maslahi ya vizazi vijavyo,” kasema Rais.

 

Mpango wa Kenya wa Majaribio ya utoaji Mafuta ulianza mwezi Juni mwaka jana, hii ikiashiria mwanzo wa safari ya Kenya kuelekea kuwa taifa ambalo limekuza kikamilifu raslimali zake za mafuta na gesi.  Rais Kenyatta alielezea kwamba Mpango wa Kenya wa Majaribio ya utoaji Mafuta umedhihirishia soko la ulimwengu kuwa Kenya ina ujuzi na muundomsingi unaohitajika kuwezesha utoaji mafuta kwa viwango vya kibiashara.

 

Rais alisema awamu itakayofuata mafanikio ya mradi huo wa majaribio ya utoaji wa mafuta itakuwa uimarishaji wa nyanjani ambao utahusisha usafirishaji wa mafuta kwa njia ya bomba kutoka Lokichar hadi katika bandari mpya ya Lamu.

Mahakama,Tanzania yakubali kusikiza hoja ya Lissu kupinga kuvuliwa ubunge

Mahakama Kuu nchini Tanzania imekubali kusikiliza hoja za mwanasiasa mwandamizi wa upinzani Tundu Lissu kupinga kuvuliwa ubunge.

TUNDU LISSU
Lissu, kupitia kaka yake Alute Mughwai amefungua shauri Mahakama Kuu jijini Dar es Salaam akipinga uamuzi wa Spika Job Ndugai kumfuta ubunge.  Hata hivyo, mawakili wa serikali iliweka pingamizi wakitoa hoja nane wakitaka ombi la Lissu kutupiliwa mbali na mahakama.

Mariga kuania kiti cha Kibra kwa Jubilee

Shauri hilo lipo mbele ya Jaji Sirilius Matupa, ambaye hii leo ameamua kuendelea kusikiliza hoja za Lissu.
Lissu alifutwa ubunge wa jimbo la Singida Mashariki Juni 28, 2019 baada ya Spika Job Ndugai kutoa maelezo kuwa hajulikani alipo na hakusaini fomu za maadili.
Gazeti la Mwananchi linaripoti kuwa katika kesi hiyo serikali ya Tanzania ina mawakili mawakili 15 dhidi ya wanne wa Lissu. Huu ni mwanzo wa wa hoja na vita ya kisheria mahakamani ambapo upande wa Lissu utapigana kuthibitisha uhalali wake wa kuendelea kusalia na ubunge huku upande wa mawakili wa serikali kuonesha kuwa Spika Ndugai alikuwa sahihi katika maamuzi yake.

 
Awali, BBC ilizungumza na Lissu ambaye amedai kuwa amefutwa ubunge huku ikifahamika wazi kuwa amekuwa nje kwa matibabu tangu tarehe 7 mwezi Septemba mwaka 2017, baada ya kushambuliwa kwa risasi na watu wasiojulikana.

 
Lissu amesema kwa mujibu wa sheria na taratibu za bunge la Jamuhuri ya muungano wa Tanzania, wajibu wa kutoa taarifa kuhusu mbunge anayeumwa sio wajibu wa mbunge mwenyewe, ni wajibu wa waganga walioajiriwa na bunge.
”Kwa hiyo Bunge lilikuwa na wajibu wa kujua muda wote tangu tarehe7 mwezi Septemba mwaka 2017 kuhusu maendeleo yangu afya”.

SPIKA
”Walitakiwa kuja Nairobi sikuwaona, walisema wangekuja hawakuja, walitakiwa waje Ulaya hawakuja, hivyo waliovunja sheria si mimi ni wao”.

 
Lissu amesema alitarajia hatua zilizochukuliwa na spika kutokea kwa sababu alishasema kwa hiyo ilipotokea mwezi wa sita wala haikua ajabu.

 
”Mtu ambaye alishakuwa na nia ya kunifuta ubunge nisingeweza kumzuia, vinginevyo labda ningesema niachane na habari ya matibabu nirudi Tanzania”.

BBC

Mariga kuania kiti cha Kibra kwa Jubilee

Nyota wa kabumbu Macdonald Mariga ni miongoni mwa wanaowania tikiti ya chama cha Jubilee katika uchaguzi mdogo wa eneo bunge la Kibra.

MARIGA
Katika taarifa siku ya Jumatatu, katibu mkuu wa Jubilee Raphael Tuju alitoa orodha ya wagombeaji watano wanaomezea mate kiti hicho kwa tiketi ya Jubilee. Watano hao ni Morris Peter Kinyanjui, Walter Trenk, Said Ibrahim na Doreen Wasike.

 
Uchaguzi mdogo wa Kibra umepangiwa kufanyika Novemba tarehe 7.  Kiti hicho kiliachwa wazi kufuatia kifo cha Ken Okoth Julai 26 baada ya kuugua saratani kwa mugda mrefu. Kinyanjui alikuwa mgombeaji wa Jubilee katika kiti hicho mwaka 2017 naye Ibrahim aliwania kitihi cho kwa tikti ya TNA mwaka 2013.

 
Trenk, ambaye aliwania kiti cha useneta wa Nairobi kwa kiteti ya UDP, alipeleka tume ya Uchaguzi na mipaka nchini (IEBC) mahakamani kwa kudinda kuchukuwa stakabadhi zake za uteuzi katika uchaguzi wa mwaka 2017.
Wasike alikuwa amechaguliwa mgombeaji wa Jubilee katika uchaguzi wa mwaka 2017.