Wakulima kutoka Taita Taveta wazusha kuhusu uvamizi wa ndovu mashambani yao

Mamia ya wakulima kutoka Sagala kaunti ya Taita Taveta hatimaye wameandikisha taarifa katika kituo Cha polisi Cha Voi kuhusu hasara wanayopata kufuatia uvamizi wa ndovu.

Wakulima hao ambao wanakadiria hasara kubwa sasa wanaitaka serikali kuwafidia mimea na mali yao iliyoharibiwa na ndovu ambao wamevamia maeneo ya Sagalla, Kirumbi na Kasighau tangu mwezi jana.

Kwingineko, vijana katika kaunti ya Taita Taveta watanufaika na masomo ya kibiashara pamoja na ufadhili wa kifedha kutoka kwa hazina ya maendeleo kwa vijana.(Youth Enterprise Development Fund) kupitia kwa mpango wa Youth Plus Mashinani.

Moris Murimi kutoka hazina hiyo anasema mpango huo utakaofanyiwa majaribio katika kaunti tatu unalenga kuwawezesha vijana kuwa na ufahamu wa kutosha kuhusu ubunifu wa biashara kupitia kwa kozi fupi za miezi sita.
Kwingineko, familia moja kutoka mjini Nambale kaunti ya Busia inaishi kwa hofu baada ya jamaa wao kutoweka nyumbani kwa njia isioeleweka.

Ziporah Wafula anasema mwanawe Daniel Abakar mwenye umri wa miaka 24 alitoka nyumbani tarehe 26/12/2018 na hadi leo hajawahi kuonekana huku juhudi zao za kumtafuta katika vituo vya polisi, hospitalini na hata kwenye vyumba vya wafu zikikosa kuzaa matunda.

Magavana wa Kaunti za Ukanda wa magharibi wakubaliana ishu ya ushuru

Magavana watano kutoka kaunti za ukanda wa magharibi kwa kauli moja wamekubaliana kuwa na (a common inter counties taxation) kwa minajili ya kushirikiana na kuruhusu wenyeji maeneo hayo kufanya biashara kwa uhuru.

Wakizungumza katika kaunti ya Bungoma baada ya kuwa na mkutano pamoja Magavana hao ambao ni Wycliffe Oparanya wa kaunti ya kakamega, Wilber Otichilo wa Vihiga , Sospeter Ojamong wa Busia , Khaemba Patrick wa Transnzoia naye Wickliff Wangamati wa Kaunti ya Bungoma wameelezea kuwa wana imani hatua hiyo ni mwanzo wa kuleta maendeleo katika maeneo hayo na nchi kwa ujumla.

Brian O. Ojama

Mwanamke mmoja mwenye umri wa miaka 46 auwawa Kaunti ya Bungoma

Hali ya huzuni imetanda katika kijiji cha Makutano Eneo bunge la Kanduyi Kaunti ya Bungoma baada ya mwanamke mmoja mwenye umri wa miaka 46 kuuwawa na watu wasiojulikana kwa kudaiwa kudungwa dungwa mara kadhaa kwa kisu.

Tom Sifuna Mumewe marehemu anaarifu kuwa alipata habari kuwa wanawe walifika nyumbani kutoka shuleni majira ya jioni na kumpata mama yao kwa jina Irene Sifuna ameuwawa na alipofika nyumbani alimpata mkewe akiwa amelazwa kitandani akiwa uchi na majeraha ya kisu mgongoni huku kisu kilichokuwa na damu pamoja na kamba vikipatikana kando yake.

Hata hivyo maafisa wa polisi wameanzisha uchunguzi kuhusiana na kisa hicho huku wakimsaka mfanyakazi wa boma hilo ambaye anadaiwa kutoweka na kwenda mafichoni baada ya kisa hicho cha kutamausha.

Matumaini ya familia moja kumpata mwanao yameambulia patupu

Matumaini ya familia moja kumpata mwanao akiwa miongoni mwa manusura wa ajali iliyotokea hivi majuzi huko Kericho imeambulia patupu.
Familia hiyo iliyoko kijijini Gidimo katika kata ndogo ya Galona,Gisambai katika kaunti ndogo ya Hamisi imegubikwa na biwi la simanzi baada ya juhudi zao za kumsaka mwanao kwa siku tatu kugonga mwamba huku mwili wake ukigunduliwa leo katika chumba cha kuhifadhia maiti cha Russia mjini Kisumu.
Abrahm Madete na Nancy Minayo ni babu na shangaziye kijana huyo na wamekielezea kituo hiki kwamba mwanao alikuwa mwanafunzi wa chuo kikuu cha Chuka na alikuwa akirejea nyumbani kuchukua bidhaa fulani za shughuli za masomo ndipo akapatana na mauti.
Insert-shangazi na babu
Hata hivyo familia hiyo inaomba msaada kutoka kwa serikali na wasamaria wema kuingilia kati na kuwanusuru katika hali hiyo ngumu ikizingatiwa kuwa aila hiyo ni ya pato la chini mno.

Collins Mmbulika

Wahadhiri 85 katika chuo cha teknologia cha Pwani wapinga vikali za serikali

Zaidi ya wahadhiri 85 katika chuo cha teknologia cha Pwani mjini Voi wamepinga vikali hatua ya serikali  ya kupunguza mishahara yao bila kutoa notisi.
 
Akizungumza chuoni humo mapema hii leo,katibu mkuu wa muungano wa KUPPET tawi la Taita Taveta Shedrack Mutungi amesema huendi jambo hilo limetokana na hatua ya serikali ya kuhamisha walimu hao kutoka kwa tume ya TSC hadi tume ya wafanyikazi wa umma(PSC).
 
Anasema hatua hiyo inakiuka agizo la mahakama linalozuia uhamisho wa walimu wa vyuo vya kadri (TVET) kote nchini hadi PSC na kuitaka serikali kuwalipa mishahara yao kikamilifu la sivyo wawasilishe kesi mahakamani.
 
Uhamisho huo umeathiri kiwango cha marupurupu yanayotolewa kwa walimu huku wengine wakikatwa kati ya shilingi elfu 12 na elfu 40.

Mwendeshaji wa pikipiki alikufa baada ya ajali na trella huko Mwatate

Mwendeshaji mmoja wa pikipiki mwenye umri wa makamo huko Mwatate kaunti ya Taita Taveta ameaga dunia papo hapo usiku wa kuamkia leo baaada ya kugonga trella kwa nyuma katika barabara ya Mwatate/Taveta.

Walioshuhudia wanasema mwendazake alikuwa anajaribu kuipita trella hiyo kabla ya kupunguza mwendo ili kukwepa kugongana ana kwa ana na gari jingine.

Mwili wake umepelekwa kuhifadhiwa katika hifadhi ya Moi mjini Voi.

Solomon Muingi Junior

Mbunge wa Matayos atishia kuishtaki serikali na inspecta mkuu wa polisi

Mbunge wa Matayos Kaunti ya Busia Geoffrey Odanga ametishia kuishtaki serikali na inspector mkuu wa polisi Joseph Boinet kutokana na visa vya maafisa wa polisi wa kituo cha kampuni ya miwa ya Busibwabu ya kuwavamia na kuwaumiza wananchi wasio kuwa na hatia kwa kizingizio cha kupiga vita pombe haramu.

Odanga amewataka maafisa hao kubadili tabia yao au waondolewe eneo hilo.

Baadhi ya wananchi Busia wamtaka gavana Ojaamong kujiondoa afisini

Siku chache tu baada ya gavana wa kaunti ya busia sospeter ojaamong kufikishwa mahakamani kwa tuhuma za ufujaji wa fedha za umma, baadhi ya wananchi wamejitokeza na kumtaka aondoke afisni kwa muda hadi kesi hiyo ikamilike wakidai kuwa ameanza kuwatishia mashahidi.

Kupitia kwa fugufugu la Busia Residents Association, wananchi hao wakiongozwa na Patrick Gomba Sewe, Concepta Omondi na Ali Mohammed wamemusuta gavana huyo kwa madai ya kuwahamisha wafanyikazi wa serikali yake wanaokisiwa kuwa mashahidi wakubwa kwenye kesi ya ufisadi dhidi yake.

Leornard Acharry Odhiambo

Mtoto auwawa na babake mdogo kwa jembe

Wananchi katika kijiji cha madende kaunti ndogo ya nambale kaunti ya busia wameachwa vinywa wazi baada ya mwanamme mmoja mwenye umri wa miaka 27 kukata kichwa cha mtoto mvulana mwenye umri wa miaka minne wa nduguye na kuanza kutembea nacho barabarani.

Kulingana na ocpd wa nambale Robert Ndambiri na chife wa kata hiyo Gerishom Wandera Pate, mwanamme huyo mwenye akili taahira alimtaka mtoto huyo kichwa kwa kutumia jembe kabla ya kwenda nacho barabarani.

Hata hivyo wananchi walimrejesha kwa boma alikotendea kitendo hicho cha unyama na kumjeruhi kichwani kutumia jembe lilo hilo.

Maafisa wa polisi waliondoa mwili wa mtoto huyo pamojana jamaa huyo akiwa hali mahututi lakini akaaga dunia alikokuwa anapelekwa hospitalini.

Leornard Acharry Ojiambo

Wetangula na Wamalwa wazika tofauti zao na kuapa kushirikiana

Wazee wa baraza la jamii ya wabukusu hii leo wamewafanikiwa kuwapatanisha seneta wa kaunti ya Bungoma ambye pia ni kinara wa chama cha Ford Kenya Moses Wetangula na waziri wa ugatuzi Eugene Wamalwa ili jamii ya wabukusu iweze kuwa na umoja.

Mwenyekiti wa baraza hilo Richard Walukano amesema kwamba muungano wa jamii hio ambayo ndio yenye idadi kubwa kwa jamii za mulembe utawezesha jamii zingine za eneo hilo kuungana na kuhesimiwa na jamii zingine kisiasa.

Wetangula na Wamalwa walikubali kuzika tofauti zao za muda wa miaka tisa wakisema kwamba todfauti zao za kisiasa zimesababisha wakaazi wa Bungoma na Transzoia kubaki nyuma kimaendeleo.

Brian O. Ojamaa