Staa wa muziki nchini Tanzania Diamond ameahidi kuzilipia familia 500 kodi ya nyumba kwa miezi mitatu ijayo.
Diamond amefichua mpango huo wake katika instagram akisema uamuzi wake umetokana na hali ngumu ambayo familia nyingi zinapitia kwa ajili ya janga la virusi vya Corona .
“ Ingawaje mimi ni miongoni mwa walioathiriwa na janga hilo, nitatumia kidogo nilichonacho kuwasaidia watu wa familia 500 kulipa kodi zao." Diamond amesema
Diamond ameahidi kuanzisha mpango huo na atazitaja familia ambazo zitapokea msaada huo siku ya Jumatatu Aprili tarehe 27
