Habari na KNA Milton Ajiambo/Absalom Namwalo
Butwaa kubwa iliwapiga wakazi wa kijiji cha Emuramia, kaunti ya Busia baada ya vifaa vya kutisha vinavyoaminika kutumika kuendeleza uchawi kufukuliwa na mhubiri mmoja.
Inaripotiwa kuwa vifaa hivyo ikiwemo pembe ya nyati, chupi na nyoka iliyokuwa imewekwa ndani ya chungu chenye mashimo matatu zilitolewa ndani ya mto.
Mhubiri aliyetambulishwa kama Steven Wanyonyi kutoka kanisa ya Pentecost alikuwa amealikwa na familia moja ambayo ilikuwa imekabiliwa misiba mbalimbali ikiwemo magonjwa na vifo.
Wanakijiji waliridhishwa na operesheni hiyo wengine wakieleza jinsi wamekuwa wakiumia kwa muda kutokana na uchawi ambao umeshamiri katika kijiji hicho.
Mzee mmoja wa kijiji aliyetambulishwa kama Albert Butoro alilaani wale ambao wanaendeleza uchawi na kudai kwamba wanazorotesha maendeleo.
Aliwaomba watubu dhambi zao na wakubali kuokoka.
