•Mama yake alikanusha ripoti kwamba Obegi aliishi maisha ya kifahari yaliyojaa wingi wa wanawake warembo
•Familia wamependekeza uchunguzi kuharakishwa kuhusu mauaji ya mtoto wao
Image: Screen grab
Akizungumza na vyombo vya habari mnamo Alhamisi, Juni 23, kutoka nyumbani kwao katika kaunti ya Nyamira, mamake Obegi alieleza kuwa mwanawe aliishi maisha ya uaminifu na matatizo.
Katika mazungumzo yao ya mwisho kwa simu kabla ya kupokea habari za kufariki kwake, alifichua kwamba alimpigia simu akimsihi atume Ksh70 bob.
Mama yake alikanusha ripoti kwamba Obegi aliishi maisha ya kifahari yaliyojaa wingi wa wanawake warembo na marafiki waliokuwa na uhusiano kitabaka ya juu.
"Siku moja tu kabla ya kupatikana ameuawa, alinipigia simu akiniomba Ksh70 pekee. Nilikuwa pamoja na mjombake na nikamwambia kwamba sikuwa na pesa wakati huo," mamake Obegi alifichua.
Ili kuthibitisha madai ya familia, mmoja wa jamaa ya marehemu alibainisha kuwa hawana pesa za kutosha kununua jeneza.
Kwa kutumia lugha ya mtaani, 'vitu ni tofauti kwa ground', kaka yake alidai kuwa Obegi alipiga picha ili kuonyesha tu mitandaoni ya kijamii, lakini katika maisha halisi, alikuwa akipambana.
"Obegi angeweza kupanda ndege , lakini hiyo haikumaanisha kuwa alikuwa tajiri. Kaka yangu angeweza hata kupiga simu nyumbani kuomba Ksh100 za kununua chakula," aliambia vyombo vya habari.
Kwa upande mwingine, baba ya Obegi alishikilia kwamba mwanawe alikuwa na utamaduni mzuri na mwaminifu. Alikanusha ripoti kwamba alihusika katika hulaghai mtandaoni.
Familia wamependekeza uchunguzi kuharakishwa kuhusu mauaji ya mtoto wao ambaye mwili wake uliharibika vibaya na kutupwa katika msitu wa Kijabe.
Ripoti ya familia ya Obegi inajiri siku moja tu baada ya mwanamke asiyeeleweka kudai kwamba alilaghaiwa Ksh100,000 na mmoja wa marehemu, Fred Obare, katika kashfa ya uandishi wa masomo.
Hata hivyo, OCPD wa Kasarani, Peter Mwanzo, alithibitisha kwamba bado hajapokea ripoti za polisi kuhusu madai ya hivi punde dhidi ya wanne hao.