Joho avunja kimya baada ya kuteuliwa kuwa waziri wa madini

Aliyekuwa gavana wa Mombasa Ali Hassan Joho amemshukuru Rais William Ruto baada ya kumteua kuwa wazri wa Madini.

Kupitia ukurasa wake rasmi wa X pia alimshukuru Allah kwa nafasi ambayo ameweza kupokea.

" Ni kwa unyenyekevu na shukrani kubwa kwamba ninakubali kuteuliwa kwangu na Rais Mstaafu@WilliamsRuto kwa nafasi ya Katibu wa Baraza la Mawaziri wa Madini, Uchumi wa Bluu na Masuala ya Bahari.

Natanguliza shukrani zangu za dhati kwa Mwenyezi Mungu (SWT) kwa nafasi hii ya kuwatumikia tena watu wakubwa wa Kenya katika nafasi tofauti.

Baada ya kuthibitishwa, ninatazamia kufanya kazi kwa karibu na washikadau wote husika ili kuhakikisha sekta ya Uchumi wa Bluu, Madini na Usafiri wa Baharini inachukua nafasi kubwa katika mabadiliko ya kijamii na kiuchumi ya taifa letu."

Rais anatarajiwa kuwasilisha majina ya wateule wapya Bungeni ili kuchujwa pamoja na kundi la kwanza la wateule ambao aliweka wazi sura zao Julai 19.

Spika Moses Wetang’ula Jumanne alisema kuwa atawasilisha majina hayo kwa Kamati ya Uteuzi wa Bunge ili kuzingatiwa na kuwasilishwa kwa ripoti hiyo ndani ya siku 28.

"Baada ya kuthibitishwa, ninatazamia kufanya kazi kwa karibu na washikadau wote husika ili kuhakikisha sekta ya Uchumi wa Bluu, Uchimbaji madini na Usafiri wa Baharini inachukua jukumu kuu katika mageuzi ya kijamii na kiuchumi ya taifa letu," Joho alisema.

Hasimu wake wa zamani wa kisiasa na mbunge wa sasa wa EALA Hassan Omar alimpongeza Joho kwa uteuzi huo.

Gavana huyo wa zamani wa Mombasa alimtaja Joho kama kaka yake. Hapo awali Hassan alikuwa katika chama cha Wiper, chama kikuu cha Azimio pamoja na ODM ambapo Joho anahudumu kama naibu kiongozi wa chama.

“Nawapongeza ndugu zangu kutoka kwa baba mwingine wa mama mwingine wa familia yangu nyingine ya Chungwa. Kwa mikono miwili, karibu serikalini na tushirikiane kuleta mabadiliko. Ninashukuru kwamba ndugu zangu wanajiunga nasi,” Omar alisema.

Joho aliteuliwa katika baraza jipya la mawaziri pamoja na viongozi wengine wa Azimio Wycliffe Oparanya, pia naibu kiongozi wa chama cha ODM; Opiyo Wandayi, kiongozi wa Wachache katika Bunge la Kitaifa na John Mbadi, mbunge mteule.