Polisi wawahoji wasaidizi watatu wa Gachagua kuhusiana na maandamano ya kupinga serikali

Wasaidizi watatu waku wa Naibu Rais Rigathi Gachagua walihojiwa siku ya Jumanne kuhusu uchunguzi unaoendelea wa kutaka kubaini wale ambao huenda walifadhili maandamano dhidi ya serikali.

Polisi walizuru afisi za maafisa hao katika mtaa wa Karen, Nairobi kwa taarifa zao katika kikao kilichochukua saa nyingi.

Pia waliohojiwa ni wabunge wawili kutoka Nairobi.

Haya yanajiri huku maafisa wa upelelezi wa Idara ya Upelelezi wa Jinai wakichunguza maandamano yenye ghasia na uporaji wa biashara jijini Nairobi na sehemu za Kati mwa Kenya.

Polisi walisema wanatarajia kurekodi taarifa kutoka kwa wanasiasa zaidi akiwemo gavana wa zamani kuhusu machafuko hayo.

Watu hao walikuwa wameitwa katika makao makuu ya DCI kwa mahojiano katika tarehe tofauti.

Polisi wanadai watu hao walilipa wahuni waliovamia maduka na majengo mengine ili kupora wakati Gen Z wakiendesha maandamano mjini.

Wamekanusha madai hayo. Wasaidizi hao ni pamoja na washauri wa mwanasiasa huyo.

Polisi wanaoshughulikia kesi hiyo walisema kuna ushahidi mdogo unaowahusisha watu hao kwa sasa.

Wanataka kupata habari zaidi kuhusu jukumu linalodaiwa watu hao walicheza katika machafuko hayo.

Timu zinazoshughulikia uchunguzi huo zimekuwa zikitegemea ujasusi, jambo ambalo walidai kuwa haliwezi kutekelezwa kwa sasa.

Kwa mfano, kumekuwa na ripoti kwamba mwanasiasa alilipa wahuni kuvamia majengo na kupora na kuwalaumu waandamanaji.

Ripoti nyingine inadokeza kuwa mwanasiasa alilipa majambazi kushambulia ofisi ya serikali na kuiteketeza.

Polisi wanaharakisha muda ili kuhakikisha kuna ushahidi iwapo upo wa kuwafungulia mashtaka washtakiwa.

Makumi ya watu walioshiriki maandamano hayo hasa Juni 25 wamefunguliwa mashtaka mbalimbali.

Uchunguzi wa kesi hizo unaendelea.