Bintiye Moody Awori, Maria aaga dunia

Maria Abadiou Awori, Binti mdogo wa makamu rais wa zamani, Moody Awori ameaga dunia.

Familia ya Awori ilitangaza habari hizo za kuvunja moyo siku ya Jumatano mchana ambapo ilithibitishwa aliaga mwendo wa asubuhi.

"Alianguka jana usiku na kukimbizwa katika Hospitali ya Nairobi ambapo Madaktari walimpatia matibabu ya dharura katika jitihada za kuokoa maisha yake lakini haikusaidia. Hospitali ilitangaza asubuhi kwamba amefariki," taarifa kutoka kwa familia ambayo ilifikia Radio Jambo ilisoma.

Spika Amason Kingi alithibitisha kifo cha Marya katika seneti,

"Ni kwa masikitiko makubwa ninawaarifu kuhusu kufariki kwa Bi Marya Elizabeth Adjibodou, Karani Mkuu Msaidizi wa Kwanza, akihudumu katika  idara ya Huduma za Sheria na Taratibu katika Seneti," Kingi alitangaza.

Kingi hata hivyo hakufichua sababu ya kifo cha Maria.

Seneta wa Kakamega Boni Khalwale alimuomboleza Marya,"Pole zangu maalum kwa mjomba Moody na familia yake.  Enda vyema dada yangu."

Maria ni mke wa Mike Abadiou.

Marehemu alikuwa na shahada ya uzamili na shahada ya kwanza kutoka Chuo cha New Hampshire, jijini Manchester, nchini Uingereza.