•Ni tatizo hasa katika kitongoji cha Alexandra, ambacho kilikuwa kitovu cha machafuko ya chuki dhidi ya raia wa kigeni mwaka wa 2008.
•Umaskini ni mojawapo ya sababu kuu za migogoro hiyo, huku Waafrika Kusini mara kwa mara wakiwashutumu wahamiaji kwa kuchukua kazi zao.
Rais wa Afrika Kusini anasema ''amesikitishwa sana'' na unyanyasaji dhidi ya raia wa kigeni wanaofanya kazi nchini humo.
Ni tatizo hasa katika kitongoji cha Alexandra, ambacho kilikuwa kitovu cha machafuko ya chuki dhidi ya raia wa kigeni mwaka wa 2008.
Mwanahabari wetu Lebo Diseko amekuwa akizungumza na wahamiaji huko, ambao wanasema wanaishi kwa hofu.
''Walipokuja hapa kwa mara ya kwanza walikuwa saba. Walitulazimisha sisi wote kulała chini. Walichukua mashine, vikaushio vya nywele na dawa za kupuliza kwenye nywele. Hatukuwa na chaguo ila kuwaacha wazichukue kwa sababu walikuwa na bunduki.''
David - si jina lake halisi - anakaa kwa woga mbele yangu kwenye kinyozi chake katika kitongoji cha Alexandra mjini Johannesburg.
Raia huyo wa Msumbiji anatazama chini kwenye mikono yake anapoelezea mashambulizi mengi ambayo amekuwa akilengwa nayo, kwa sababu tu ya kuwa raia wa kigeni nchini humo.
David anasema washambuliaji wake walikuwa Waafrika Kusini, na kwamba kila wakati wanatoa mahitaji sawa: kwamba anapaswa kuondoka nchini.
"Wanatuambia tunatakiwa kwenda kufunga biashara zetu, lakini sijui niende wapi," anasema.
Kibanda ambacho hutumika kama saluni yake kina urefu usiozidi mita mbili, lakini ni wazi kuwa ni fahari na furaha ya
Picha zilizotengenezwa na kuwekwa tabaka jembamba zinazoonyesha mitindo ya nywele tofauti tofauti hutundikwa ukutani huku vifaa vingine vikiwekwa vizuri kando.
Pesa anazopata hapa zinasaidia familia yake huko Msumbiji.
Lakini anasema yuko tayari kustahimili hatari yoyote inayoweza kuja kuwapa mahitaji yao.
''Mradi familia yangu inakula, hilo ndilo jambo muhimu kwangu,'' anasema.
''Wanaweza kuniua wakati wowote. Sijui nini kitatokea.''
Image: BBC
Mapigano ya hivi karibuni kati ya wakazi wa Afrika Kusini wa Alexandra na wamiliki wa biashara raia wa kigeni yameibua hofu ya kuzuka tena kwa ghasia dhidi ya wahamiaji nchini humo.
Ni katika kitongoji hiki mwaka wa 2008 ambapo ghasia za chuki dhidi ya wageni zilianza na kisha kuenea.
Nchini kote, karibu mara tatu ya wageni wengi waliuawa kutokana na ghasia za chuki dhidi ya wageni mwaka 2021 kuliko mwaka uliopita, kulingana na Kituo cha Afrika cha Uhamiaji na Jamii.
Umaskini ni mojawapo ya sababu kuu za migogoro hiyo, huku Waafrika Kusini mara kwa mara wakiwashutumu wahamiaji kwa kuchukua kazi zao.
Mtu mmoja kati ya watatu katika wafanyikazi kwa sasa hana kazi, idadi ambayo inaongezeka hadi karibu wawili kati ya watatu kati ya watu walio chini ya miaka 24.
Maelezo ya picha,
Agnes Malatjie (katikati) anasema kuitwa walinzi hakutavunja moyo wa vuguvugu la Dudula
Suala la ajira, na upatikanaji wa fursa za biashara katika mji huo limechukuliwa na kikundi kiitwacho vuguvugu la Alexandra Dudula.
Dudula ina maana ya ''kurejesha nyuma'' au ''kuondoa kitu nje'' kwa Kizulu.
Imefunga maduka na vibanda ambavyo inadai vinaendeshwa na wahamiaji haramu.
Wageni kama David wanasema ni watu kutoka vuguvugu la Dudula ambao walifanya mashambulizi ya kikatili dhidi yao.
Timu yetu inapopitia kitongojini, tunakutana na kundi la wanaharakati wa Dudula wakiwa tayari kufanya doria, ambapo wanadai kuona karatasi za uhamiaji za raia wa kigeni.
Ninamuuliza msemaji Agnes Malatjie jinsi kundi hilo linahalalisha kujichukulia sheria mkononi.
''Hatutaacha hayo majina mliyotuita - wahuni - kuvunja ari ya jamii inayopigania kile ambacho ni halali yao,'' ananiambia.
Anashutumu mamlaka kwa kutotekeleza sheria ya uhamiaji au kujibu wakati Waafrika Kusini wanashambuliwa.
''Kama serikali itafanya mambo kwa njia ipasavyo hakutakuwa na uangalizi. Pia tunanyanyaswa, tulishambuliwa tarehe 7 Machi na raia wa kigeni kwa fimbo na silaha. Kwa hiyo baadhi ya mambo yanahitaji umakini mkubwa.''
Image: BBC
Alexandra ni mojawapo ya maeneo ya mijini maskini zaidi nchini humo, na iko kwenye kivuli cha majumba marefu yanayongaa ya Sandton, maili za mraba tajiri zaidi barani Afri
Ukaribu wake wa mali na fursa kwa muda mrefu umewavutia wageni huko Johannesburg kutoka kote nchini na bara.
Lakini jinsi shinikizo kwa rasilimali katika eneo hili lenye wakazi wengi inavyoongezeka, ndivyo pia uwezekano wa kutokea kwa migogoro kati ya waliowasili hivi majuzi na wakazi waliopo ambao wanahisi kuwa wanatengwa.
Haya yote yanaenda mbali katika kuelezea mizunguko yake ya vurugu, anasema Dk Lufuno Sadiki, mtaalamu wa uhalifu kutoka Chuo Kikuu cha Pretoria.
Anaielezea kwa kutumia kile kinachojulikana kama ''nadharia ya shida.''
''Sote tunataka maisha mazuri, na sio sisi sote tunaweza kupata maisha mazuri.''
''Huko Sandton sio lazima uamke asubuhi na kumwaga ndoo ambayo umekuwa ukitumia kama choo. Unafungua bomba lako, una maji. Rasilimali hizi zote unazo mikononi mwako. Na hapa uko barabarani huko Alexandra, na kila siku ndivyo unavyoona. Ni kama kioo kinachokuza kufadhaika kwako.''
''Kukosekana kwa usawa ni sawa katika uso wako. Kitu unachotaka kiko kando ya barabara na bado huwezi kukifikia. Wakati mwingine unapokosa majibu jambo rahisi zaidi ni kushambulia mtu mwingine.''
John mwenye umri wa miaka 19 - sio jina lake halisi - anasema yeye pia amekuwa akikabiliwa na mashambulizi kadhaa ya aina hiyo tangu alipowasili Johannesburg kutoka Msumbiji mwaka jana.
Yeye na marafiki zake wana kibanda kando ya barabara ambapo wanapika nyama na uji ili kuwauzia wasafiri wa mji huo. Lakini anasema raia wa Afrika Kusini wanaodai kuwa wanatoka kwenye vuguvugu la Dudula wamewashambulia mara kadhaa na kuiba mali zao za kuendesha biashara.
"Dudula anapokuja, wamejihami kwa mijeledi mizito ya ngozi, na wanatupiga.''
''Wakija inabidi tukimbie na kuacha vitu vyetu'''
Kwa John pia ndoto ilikuwa ni kuisaidia familia yake kule Msumbiji.
Alitegemea hata angeweza kuweka akiba ya kununua gari lake la kwanza. Ndoto hizo sasa zimeonekana kutoweza kutimia.
''Ninaogopa sana ninafikiria hata kuhamia nchi nyingine,'' anasema.
''Nyumbani Msumbiji wanajua hali yetu huko Afrika Kusini, na wanatuombea.''