- Utafiti huo unasema asilimia 14 ya wakaazi wa jiji wanafikiri kuwa nchi haielekei katika njia mbaya wala mwelekeo sahihi
Wakazi wengi wa Nairobi wanaamini kuwa nchi inaelekea pabaya kwa gharama ya juu ya maisha ambayo inawasumbua sana.
Utafiti uliotolewa Jumatano na Infotrak unaonyesha kuwa asilimia 73 ya wakaazi wa jiji hilo wanaamini kuwa nchi hiyo inaelekea katika mwelekeo mbaya huku asilimia 11 tu wakisema kwamba inaelekea upande sahihi.
Utafiti huo unasema asilimia 14 ya wakaazi wa jiji wanafikiri kuwa nchi haielekei katika njia mbaya wala mwelekeo sahihi.
Jumla ya wakazi 1,024 wa jiji walishiriki katika utafiti uliofanywa kati ya Julai 2 na 3 katika maeneo bunge 17.
Mahojiano hayo yalifanyika kwa njia ya Usaidizi wa Mahojiano ya Simu ya Kompyuta (CATI).
Maoni yaliyotolewa yalikuwa na kiwango cha +/-3 cha makosa na kiwango cha imani cha 95 na asilimia 96 ya kiwango cha majibu.
Walipoulizwa ni kwa nini walidhani nchi inaelekea pabaya, asilimia 81 ya waliohojiwa walitaja gharama ya juu ya maisha.
Utawala mbovu na kukithiri kwa rushwa nchini vimeshika nafasi ya pili kwa asilimia 10, ukosefu wa ajira (3%), siasa mbovu (2%) huku ongezeko la ukosefu wa usalama/uhalifu, umaskini na ukosefu wa mshikamano nchini kila moja ikitajwa na asilimia 1 ya wahojiwa. .
Wale waliosema nchi inaelekea katika mwelekeo sahihi waliorodhesha amani nchini kuwa sababu kuu (51%) huku asilimia 18 wakisema kwa sababu ugatuzi umeleta mabadiliko.
Miradi ya miundombinu nchini ilitajwa na asilimia 12 ya waliohojiwa, asilimia 9 walisema gharama ya maisha ni nafuu huku asilimia 3 walisema huduma za afya zimeimarika.
Asilimia kama hiyo walisema Baraza la Mawaziri na Rais wanafanya kazi vizuri, asilimia 2 walisema nchi inapambana kikamilifu na ufisadi huku asilimia 1 ikisema elimu imeimarika na mgombea anayempendelea yuko madarakani.