Naibu Rais Rigathi Gachagua amesema watatoa ripoti kuhusu mageuzi ya CBC siku ya Ijumaa baada ya jopo kazi kumpa Rais ripoti kuhusu matokeo yao.
Akihutubia wanafunzi wa shule ya Msingi ya Komarock mnamo Jumanne, Gachagua alisema wanatarajia kupokea ripoti hiyo kutoka kwa jopo kazi la CBC Ijumaa hii.
"Tutatoa mwelekeo baada ya Rais kupokea ripoti ya muda kuhusu jinsi tunavyoendelea na CBC na mageuzi mengine," alisema.
Gachagua alisema wanachofanya walimu ni wito na wajibu wao katika jamii unapaswa kuthaminiwa sana.
Alisema utaratibu wa kuwaondoa walimu ni lazima uondolewe ili kuruhusu walimu kufanya kazi popote nchini.
Gachagua alisema Tume ya Kuajiri Walimu itaajiri walimu 30,000 mwaka wa 2023
Aliwaahidi watahiniwa karamu ndogo ya Sh300 000 na kwa walimu aliwaahidi zawadi ya Sh100 000.
Jopokazi cha CBC kilikuwa kimepewa jukumu la kukagua mtaala huo baada ya malalamiko kutoka kwa wazazi kwamba ulikuwa wa gharama kubwa na ulikuwa na kazi nyingi za nyumbani.
Jopokazi hilo limekuwa likikusanya maoni kutoka kwa wazazi kutoka kaunti tofauti kuhusu kile ambacho wangetamani kibadilishwe katika mtaala mpya wa elimu.
