•Kunywa zaidi ya ulaji wa kila siku unaopendekezwa kunakuja na hatari ya kuongezeka kwa magonjwa zaidi ya 50.
•Faida kuu za Mvinyo Mwekundu ni kutengenezwa kwa ngozi na mbegu za zabibu ambazo huchachushwa na juisi.
Mvinyo, bia na vinywaji vikali vina aina ya pombe inayoitwa ethanol. Kunywa zaidi ya ulaji wa kila siku unaopendekezwa kunakuja na hatari ya kuongezeka kwa magonjwa zaidi ya 50, ikiwa ni pamoja na ugonjwa wa moyo na kiharusi. Kunywa mara kwa mara kunaweza pia kuongeza viwango vya wasiwasi na kusaidia kuongezeka kwa uzito.
Baadhi ya vinywaji vya pombe vinaweza kuwa bora zaidi kuliko vingine. Hiyo ni kwa sababu haiathiri sukari ya damu, ina uwezekano mdogo wa kuzidisha uchovu baada ya kulewa na ina uchovu kidogo. Kwa kweli, baadhi ya vinywaji vya pombe vinapotumiwa kwa kiasi - hiyo si zaidi ya glasi moja kwa wanawake na mbili kwa wanaume kwa siku - inaweza hata kutoa faida fulani za afya.
1. Mvinyo Mwekundu
Faida kuu za kinywaji hiki maarufu ni kutengenezwa kwa ngozi na mbegu za zabibu ambazo huchachushwa na juisi. Matokeo yake ni kinywaji kilichojaa misombo ya mimea - ikiwa ni pamoja na resveratrol, quercetin na anthocyanins - hizi zina faida katika kuleta kinga. Kiasi kitatofautiana kulingana na zabibu, hali ya hewa na mbinu za uzalishaji zinazotumiwa.
Uchunguzi unaonyesha kuwa misombo hii ya asili inaweza kuwa na athari kidogo lakini yenye manufaa kwa moyo, kudhibiti insulini na pia kufanya kazi kama chanzo cha mafuta kwa bakteria wazuri kwenye utumbo wetu. Bakteria hawa hubadilisha misombo ya mmea kuwa kemikali hai ambayo husaidia mfumo wetu wa kinga na moyo wetu kufanya kazi vizuri. Pamoja na sukari nyingi kubadilishwa kuwa pombe, divai nyekundu hufanya chaguo la sukari ya chini.
Walakini, inafaa kukumbuka kuwa divai nyingi, nyekundu na nyeupe, hutumia sulfuri kama kihifadhi. Ikiwa wewe una mzio wa sulphites, divai inaweza kuwa si chaguo bora kwako.
Bora kwa: bila gluteni, sukari kidogo, bila kafeini
2. Mvinyo wa viungo na matunda
Kawaida, divai ya joto, yenye viungo na matunda huchanganya faida za divai nyekundu na matunda yenye vitamini C na viungo vilivyojaa antioxidant, ikiwa ni pamoja na mdalasini, karafuu na tangawizi.
Bora kwa: haina gluteni, yenye antioxidant, nzuri kwa afya ya utumbo, vitamini na madini, isiyo na kafeini
3. Mvinyo mweupe
Ngozi ya zabibu haishirikishwi katika uchachushaji wa divai nyeupe kwa hivyo glasi moja ina misombo michache ya mmea kuliko nyekundu. Hata hivyo, aina ya zabibu na mchakato wa uzalishaji unaotumika bado unaweza kusababisha uhifadhi wa baadhi ya misombo ya mimea yenye manufaa.
Divai nyeupe kwa ujumla ina kiwango cha chini cha pombe kuliko glasi sawa ya nyekundu, na kavu badala ya divai nyeupe ya wastani au tamu itakuwa ya chini katika sukari.
Watu wengine hupata maumivu ya kichwa mara tu baada ya kunywa divai nyekundu, lakini sio ikiwa wanakunywa divai nyeupe (au vodka). Kwa nini hali hii haieleweki kikamilifu, ingawa inafikiriwa kuhusisha kutolewa kwa histamine.
4. Spritzer ya mvinyo
Kuchanganya divai na maji (sparkling) hupunguza pombe, sukari na idadi ya kalori.
Epuka limau kwa sababu hii itaongeza sukari na kalori.
Bora kwa: isiyo na gluteni, sukari ya chini, kalori ya chini, wanga kidogo, bila kafeini
5. Champagne
Inayo mchanganyiko wa mimea sawa na divai nyeupe lakini iliyo na sukari kidogo, champagne ya 'brut' ni divai kavu inayometa ambayo ina kalori chache.
Michanganyiko yake ya mimea inaweza kuwa na manufaa kwa afya ya moyo lakini ina thamani ndogo ya lishe kuliko ile iliyo katika divai nyekundu.
Fahamu kwamba povu kwenye kinywaji chako itaharakisha unywaji wa pombe, kwa hivyo kunywa taratibu kwenye glasi hiyo ya pili au ya tatu.
Bora kwa: isiyo na gluteni, sukari ya chini, kalori ya chini, wanga kidogo, bila kafeini
6. Buck's fizz
Mchanganyiko huu maarufu wa champagne na juisi ya machungwa hufurahia uwepo wa kiwango cha chini cha pombe, lakini jihadharini na sukari na kalori. Ikiwezekana, chagua champagne ya ‘brut’ au ‘extra brut’ ili kuongeza viwango vyake vya sukari na asilimia 100 ya juisi safi ya machungwa, yenye vitamini C nyingi.
Bora kwa: isiyo na gluteni, pombe kidogo, vitamini na madini, isiyo na kafeini
7. Pombe ya tufaha (Apple cider)
Imetengenezwa kutoka kwa juisi ya tufaha, cider hii ina kiwango cha chini cha pombe kuliko divai huku ikiwa ni tajiri katika misombo ya mimea ya antioxidant. Pamoja na kuchangia sana ladha na rangi ya kinywaji, misombo hii inaweza kusaidia kupunguza hatari ya ugonjwa wa moyo.
Bora kwa: isiyo na gluteni, yenye antioxidant, nzuri kwa afya ya utumbo, isiyo na kafeini
8. Bia yenye kiwango kidogo cha kilevi
Manufaa yanayohusiana na unywaji wa bia wastani yanaweza pia kufurahiwa na bia zisizo na kileo kidogo au kidogo. Hii ni pamoja na athari za kinga za misombo ya asili ya mimea kama inavyoonekana katika utafiti uliotathmini bia ya ngano (ABV 0.5%) kwenye athari za baada ya mazoezi zinazowapata wakimbiaji wa mbio za marathoni. Faida ni pamoja na kupunguzwa kwa uvimbe wa baada ya mazoezi na athari ya 'isotoniki' inayounga mkono ujazo.
Hops, mojawapo ya viungo muhimu katika bia, ni chanzo kikubwa cha estrojeni za mimea, unywaji wa wastani ambao unaweza kuwa na manufaa kwa wanawake waliokoma hedhi.
Bora kwa: yenye antioxidant, nzuri kwa afya ya utumbo, pombe kidogo, vitamini na madini, bila kafeini
9. Vodka au gin
Pamoja na kiwango cha juu cha pombe na kiwango cha chini cha misombo ya mimea yenye afya kuliko divai, bia au craft cider*, pombe kali inaonekana kuwa na manufaa kidogo ya afya. Hata hivyo, kutokana na kiwango cha juu cha pombe, viroba huonekana kupunguza utokaji wa tumbo na kwa hivyo inaweza kuchukua muda mrefu kufyonzwa ndani ya mkondo wa damu.
Chagua kama vile whisky, ambayo ina 'congeners'. Kemikali hizi huchangia ladha ya kinywaji, rangi na harufu, lakini inaweza kuongeza uchovu baada ya kunywa.
Pombe hizi kwa ujumla huwa na kalori na sukari kidogo kuliko divai au bia, lakini ukiongeza mchanganyiko wa sukari utakuwa unaongeza vyote viwili. Badala yake, furahia kinywaji chako na barafu tu.
Bora kwa: isiyo na gluteni, sukari ya chini, kalori ya chini, wanga kidogo, bila kafeini
10. Kombucha
Ingawa haijatengenezwa ili kulewesha, kombucha inaweza kuwa na pombe kidogo kutokana na uchachushaji wake wa asili. Chai iliyochacha, yenye sukari, kinywaji hiki hutoa chanzo muhimu cha misombo ya mimea, ingawa vipengele hai vitatofautiana kulingana na aina ya chai na utamaduni wa kuanza kutumika pamoja na joto na wakati wa kuchacha.
Uchunguzi unaonekana kuahidi, ingawa hadi sasa, karibu zote zimefanywa kwa wanyama. Faida zinaweza kujumuisha uboreshaji wa shinikizo la damu na cholesterol.
Kutokana na hali yake ya asili, kombucha hufanya mbadala mzuri kwa vinywaji baridi vya kaboni na inaweza kutumika kama mchanganyiko wa pombe kali, kama vile vodka. Hata hivyo, kiwango cha sukari hutofautiana, na bidhaa zinazopatikana kibiashara zenye viwango vya juu.
Bora kwa: isiyo na gluteni, yenye antioxidant, pombe kidogo, vitamini na madini, (uwezekano) nzuri kwa afya ya utumbo, bila kafeini
Kinywaji chochote unachochagua, furahiya kwa kiasi. Manufaa yoyote yanazidiwa haraka na hatari zinazohusiana na kunywa zaidi ya kiwango kilichopendekezwa au kwa kunywa kupita kiasi.
Zaidi ya hayo, ikiwa wewe ni mjamzito, una historia ya matumizi mabaya ya pombe au hali ya ini, au unatumia dawa fulani, unaweza kushauriwa vyema kuepuka pombe kabisa. Wanawake katika miaka yao ya uzazi ambao wako katikati ya mzunguko au kabla ya hedhi wanapaswa kufahamu kuwa pombe hulewesha haraka zaidi nyakati hizi.
Maudhui yote ya afya yametolewa kwa maelezo ya jumla pekee, na hayapaswi kuchukuliwa kama mbadala wa ushauri wa matibabu wa daktari wako au mtaalamu mwingine yeyote wa afya.
Imeandaliwa na Kerry Torrens BSc. (Hons) PgCert MBANT ambaye ni mtaalamu wa lishe aliyesajiliwa na mwenye stashahada ya uzamili katika Lishe ya Kibinafsi na Tiba ya Lishe.
Na kutafsiriwa na Munira Hussein.