Raila achukizwa na hatua ya jaji mkuu Martha Koome kuitikia wito wa rais Ruto ikuluni (video)

Kiongozi wa upinzani Raila Odinga ameonesha kukerwa kwake na hatua ya jaji mkuu Martha Koome kuitikia wito wa rais Ruto katika ikulu ya Nairobi, siku chache baada ya kutupiana maneno kuhusu ufisadi katika idara ya mahakama.

Baada ya Rais Ruto kudai kwamba idara ya mahakama imegubikwa na ufisadi, jaji Koome alikashifu madai hayo vikali na kiongozi wa upinzani Raila Odinga aliingilia kati na kumtaka Ruto kuheshimu idara hiyo huru.

Hata hivyo, baadae Ruto alionekana kulegeza msimamo wake na kusema kwamba angetafuta mwafaka wa kulitatua suala hilo na idara ya mahakama, jambo ambalo lilimfanya Odinga kuonya vikali jaji  mkuu dhidi ya kukubali mwito.

Hata hivyo, Jumatatu asubuhi, Martha Koome alikubali wito wa Ruto katika ikulu, jambo ambalo lilionekana kumuudhi Odinga.

Mwanasiasa huyo alidai kuwa mtendaji huyo anashikilia mfumo wa mahakama, kulingana na video iliyoshirikiwa na ODM.

"CJ ameenda kwa mkutano na rais katika ikulu. Hii, kwa maoni yetu, ni hatua ya kutowajibika. Ikiwa ilipaswa kuwa na mazungumzo, basi yafanyike kwa msingi usio na upande. “

“Ikulu ni mkuu wa mtendaji, kiti cha mtendaji. Hapo ndipo rais anapoishi. Iwapo kutakuwa na mazungumzo kuhusu masuala ya utawala, basi yanapaswa kuwa ya upande wowote. Hii ina maana kwamba mfumo wa mahakama unahujumiwa na watendaji. Idara ya mahakama inazuiliwa na mtendaji huyo," alidai Raila.

Alisema kuwa upinzani umetoa onyo dhidi ya mkutano unaoendelea hivi sasa.

"Tuliionya Idara ya Mahakama kutolala na mtendaji huyo. Haya ni maendeleo ya bahati mbaya. Tunataka kutumaini kwamba wajumbe wa mahakama hawatahujumiwa. Tunawataka majaji waendelee kuwa imara na kufanya kazi yao kwa mujibu wa sheria na katiba ya nchi yetu," aliongeza.