• "Ni lazima dereva awe na uidhinishaji unaohitajika wa daraja la Leseni ya Udereva na beji halali ya PSV," NTSA ilisema.
Image: NTSA//X
Mamlaka ya Uchukuzi na Usalama nchini imewataka madereva kuhakikisha usalama wa wanafunzi wawapo barabarani kwa kuzingatia sheria za barabarani.
Wanafunzi kote nchini wameanza kusafiri nyumbani kwa likizo ya Aprili.
Katika taarifa kwenye jukwaa la X mnamo Ijumaa, NTSA iliorodhesha masharti matano muhimu ambayo usafiri wa shule lazima utimize kabla ya kuanza kuwasafirisha wanafunzi kurudi nyumbani.
"Watoto wetu wanaporejea nyumbani kwa likizo, kumbuka, usafiri wa shule kama Magari yote ya Huduma ya Umma, lazima wawe na Leseni halali ya Huduma ya Barabara (RSL)," NTSA ilisema katika taarifa mnamo X Ijumaa.
NTSA ilisema usafiri wa shule lazima pia uwe na cheti halali cha ukaguzi na gari liwekewe kidhibiti mwendo kinachofanya kazi.
"Ni lazima dereva awe na uidhinishaji unaohitajika wa daraja la Leseni ya Udereva na beji halali ya PSV," NTSA ilisema.
"Tunaziomba shule zote kuhakikisha zinafuata sheria na kanuni za trafiki. Sote tuhakikishe watoto wetu wanafika nyumbani salama."
Miongozo hiyo inakuja katika msingi wa visa vya ajali zinazohusisha mabasi ya shule.
Ya hivi punde ni ya Chuo Kikuu cha Moi ambapo wanafunzi 12 walipata majeraha madogo baada ya basi lao kuhusika katika ajali kwenye barabara kuu ya Nairobi-Nakuru katika mji wa Kimende katika kaunti ndogo ya Lari.
Basi hilo lilikuwa likiwasafirisha wanafunzi wa Kiswahili wa mwaka wa tatu na wa nne hadi Mombasa kwa safari ya kimasomo.
Dereva wa basi hilo inasemekana alishindwa kulidhibiti gari hilo katika mazingira yasiyoeleweka ambapo basi hilo lilitua kwenye mtaro.
Wiki iliyopita, Chuo Kikuu cha Kenyatta kilipoteza wanafunzi 11 katika ajali iliyotokea katika Barabara Kuu ya Nairobi-Mombasa.
Ajali hiyo ilijiri wiki mbili tu baada ya wanafunzi 11 wa Chuo Kikuu cha Kenyatta.
Ajali hiyo ilitokea Maungu, Voi, kaunti ya Taita Taveta, kando ya barabara kuu ya Mombasa-Nairobi.
Watu hao 11 walikuwa miongoni mwa kundi la watu wengine 58 waliokuwa wakielekea Mombasa kwa safari ya kimasomo kabla ya basi lao la shule kugongana na trela.