Uhuru aorodhesha majuto yake 3 makubwa huku muda wa miaka 10 ukikaribia kukamilika

Rais Uhuru Kenyatta aliorodhesha mkanganyiko wa kanuni ya ugavi wa mapato kati ya Serikali na kaunti kuwa mojawapo ya majuto yake makubwa kwani kipindi chake cha miaka 10 kinafikia tamati.

Mgogoro huo unahusu iwapo Kenya inapaswa kutumia mfumo wa sasa ambapo tawala za kaunti zinaruhusiwa kushughulikia kiasi kikubwa cha pesa, au iwapo tunapaswa kufuata pendekezo la kugawa mapato kwa uwiano kulingana na idadi ya watu wa kila kaunti.

Mkuu wa Nchi alikuwa akizungumza navyombo vya habari kutoka Kati mwa Kenya katika majadiliano ya mezani siku ya Jumapili.

Wakati wa majadiliano hayo, Rais Kenyatta alirejea kushindwa kwa BBI, ambayo aliunga mkono na mshirika wake wa kupeana mkono, Raila Odinga, akisema mradi huo wenye nia njema ulivunjwa na watu waliokuwa wakieneza propaganda.

"Huo ulikuwa ni uongo uliokusudiwa kuwashawishi watu kuangusha BBI, walidanganya kwamba nilitaka kuongeza muda wangu wa kukaa madarakani, sasa tazama, siendi nyumbani,?" Uhuru alisema.

"Huo ulikuwa uongo wa kukufanya umchukie mtu ili usiangalie BBI ilikusudiwa kuwaletea nini wao na familia zao, lakini hiyo sasa ni historia,"

Mkuu wa Nchi aliorodhesha kushindwa kwa handshake kuiunganisha Kenya kwa ujumla wake kama masikitiko yake ya pili makubwa.

Mkuu huyo wa Nchi alisema ingawa handshake  ingeleta amani nchini, bado hakujaunganisha nchi nzima.

"Kusalimiana kwa mikono kulileta amani, ndio lakini ilishindikana kuunganisha nchi nzima, natumai wanaonifuata wanaweza kuendelea kutafuta amani," aliongeza.

Masikitiko makubwa ya tatu kwa rais alisema ni kushindwa kufikia nchi ambayo watu watapimwa, si kwa makabila yao au asili zao bali kwa kile wanacholeta mezani.

Huku Uchaguzi Mkuu wa Agosti 9 ukiashiria kumalizika kwa kipindi chake cha miaka 10, rais Uhuru pia alizungumza kuhusu kile ambacho angekosa kutoka Ikulu.

Kulingana na Mkuu wa Nchi, hangekosa majengo bali watu aliokuwa na nafasi ya kusuguana nao katika kipindi chake cha uongozi.