Kasarani: Matukio katika picha, hafla ya kuapishwa kwa rais Ruto

Baada ya mahakama ya upeo kuidhinisha ushindi wake, Katiba inasema kwamba ni sharti rais mteule kuapishwa jumanne ya pili baada ya uamuzi wa mahakama.

Muhtasari

• Ruto anatarajiwa kuapishwa kama rais wa tano akichukua hatamu kutoka kwa rais anayeondoka, Uhuru Kenyatta.

na Moses Sagwe Lifestyle & Entertainment Journalist, Digital Storyteller

13 September 2022 - 08:00

Jumanne Septemba 13 ni siku ya kihistoria nchini Kenya taifa likitarajia kushuhudia kuapishwa kwa rais wake wa tano, William Ruto.

Ruto anaingia katika vitabu vya historia kama rais wa kwanza kuchaguliwa baada ya kufanya jaribio katika wadhfa huo kwa mara ya kwanza kabisa.

Vile vile Ruto ndiye naibu wa kwanza wa rais kuchaguliwa kama rais, si tu chini ya katiba mpya ya mwaka 2010 bali pia hata katiba ya awali tangu uhuru, hakujawahi tokea naibu au makamu wa rais kuwania na kuchaguliwa kwa mara ya kwanza.

Kiongozi huyo alitangazwa mshindi mnamo Agosti 15 na tume ya IEBC na ushindi wake ukaidhinishwa na jopo la majaji saba wa mahakama ya upeo mnamo Septemba 5.

Hapa tunakuandalia baadhi ya matukio katika picha jinsi shughuli ya kuapishwa kwake inaendelea katika uwanja wa kimataifa wa Kasarani, ambapo inaarifiwa wakenya wengi walifika pale tangu alfajiri ya jogoo la kwanza tayari kushuhudia hafla hiyo ya kihistoria.