Niko kila mahali!Ledama amjibu gavana Ntutu baada ya kumpiga marufuku ya kuhudhuria maombi ya shukrani

Katika maelezo yake, seneta Ledama Olekina alimjibu chifu huyo wa kaunti akisema kuwa yuko kila mahali

Muhtasari
  • Gavana wa Narok Patrick Ole Ntutu alifichua ziara ya rais katika kaunti hiyo Jumapili akisema kuwa maandalizi yanaendelea
Ole Kina asema Ruto aliwahadaa wananchi
Ole Kina asema Ruto aliwahadaa wananchi
Image: Facebook

Rais William Ruto ameratibiwa kuhudhuria ibada ya shukrani ya madhehebu mbalimbali katika kaunti ya Narok Jumapili hii.

Gavana wa Narok Patrick Ole Ntutu alifichua ziara ya rais katika kaunti hiyo Jumapili akisema kuwa maandalizi yanaendelea.

Gavana Ntutu alitangulia kumzuia mkosoaji wake, seneta Ledama Olekina kuhudhuria hafla ya kanisa akimwambia afuatilie kwenye mitandao ya kijamii na kutoa taarifa kwenye runinga.

"Yeye ni mtu wa mitandao ya kijamii na mtu mashuhuri wa televisheni. Atafuatilia tukio hilo kwenye mitandao ya kijamii na kutoa ufafanuzi kwenye televisheni" Gavana Ntutu aliambia Seneta Ledama Olekina.

Katika maelezo yake, seneta Ledama Olekina alimjibu chifu huyo wa kaunti akisema kuwa yuko kila mahali na nguvu zake ziko kila mahali.

Akizungumza na runinga ya Citizen, Seneta Ledama aliendelea kufichua zabuni haramu iliyotolewa na uongozi wa kaunti inayoongozwa na Gavana Patrick Ntutu akisema kuwa tayari amepokea taarifa kuhusu afisi yake.

Ledama pia alisema kuwa anafahamu kinachoendelea katika serikali ya kaunti ya Narok na akaapa kumfundisha gavana huyo wa muhula mmoja sheria.

"Niko kila mahali na nguvu zangu ziko kila mahali, hata zabuni haramu iliyotolewa tayari nina taarifa yake,"Alijibu Ledama.