Halmashauri ya ukusayaji ushuru nchini KRA imenasa Heroin na bangi ambayo ilikuwa ikisafirishwa kupitia uwanja wa ndege wa JKIA .
Dawa hiyo ya heroin ilikuwa ikisafirishwa kutoka Juba ,Sudan kusini na ilikuwa ikipelekwa Cambodia ilhali bangi ilikuwa ikitoka kasese nchini Uganda ikipelekwa nchini ufaransa .
Shehena zote za dawa hizo za kulevya ziligunduliwa wakati wa ukaghuzi katika mashine maalum kwenye uwanja huo wa ndege . Dawa ya heroin ilikuwa imefichwa katika mafungu ya nguo ilhali bangi ilikuwa imefichwa katika mfuko mweusi wa plastiki na kuwekwa ndanio ya nguo ya kitenge .
Wiki moja iliyopita shehena nyingine ya heroine iliyokuwa imefichwa katika mafungo ya nguo ilinaswa ikitoka Juba kupelekwa ufaransa na Cambodia kupitia uwanja wa JKIA .
