Saa chache baada ya Somalia kutangaza kkatiza uhusiano wa kidiplomasia na Kenya ,nchi hiyi imewatuma manajeshi wake katika mpaka na Kenya katika eneo la Mandera .
Katika kaunti ya mandera wakaazi wameripoti kuwaona wanajseshi wa SNA wakichukua nafasi katika sehemu mbali mbali za mpaka wa pamoja kati ya Kenya na Somalia .
Hatua hiyo ya SNA imewapelekea baadhi ya wenyeji kuanza kuhama makwao wakihofia kuzuka kwa machafuko .afisa mmoja mkuu katika idara ya usalama huko Mandera amethibitisha kuwasili kwa wanajshi wa Somalia mpakani .
Waziri wa habari wa Somalia Osman Dubbe ametangaza mapema jumanne kwamba Somalia inakatiza uhusiano wa kidiplomasia na Kenya kwa sababu Kenya inaingia masuala yake ya ndani na kutishia hadhi ya utaifa wake . Tangazo hilo lilijiri wakati rais uhuru kenyatta alipokuwa akifanya mazungumzo na mwenzake wa Somaliland Muse Bihi ambaye amefanya ziara rasmi Nairobi .
Mandera hutegemea sana Mogadishu kwa bidhaa za biashara ikizingatiwa kwamba ipo mbali na Nairobi .
