Tume ya Kitaifa ya Huduma kwa Polisi (NPSC) imeanza zoezi kutathmini hali ya kiakili ya maafisa wa polisi kote nchini.
Zoezi hili linajiri wakati nchi inashuhudia kuongezeka kwa visa vya mauaji na kujiua miongoni mwa maafisa wa polisi.
Zoezi ambalo lilianzia Nairobi mwezi Mei linalenga kudhibitisha afya ya akili ya maafisa wanapoendelea kutekeleza majukumu yao ya polisi.
Mwenyekiti wa NPSC Eliud Kinuthia siku ya Alhamisi aliiambia Kamati ya Bunge ya Utawala na Usalama wa Kitaifa kwamba tume hiyo imeunda bodi ya matibabu ambayo inafanya tathmini kwa maafisa wote.
“Tume imeunda bodi maalum ya matibabu ili kuendesha kiwango cha magonjwa ya akili yanayowaathiri wanachama wa Huduma ya Kitaifa ya Polisi.
"Hii itabainisha kesi ambazo zinahitaji rufaa kwa matibabu maalum na hatua zingine," Kinuthia aliwaambia wabunge.
Wizara ya Afya imewasilisha madaktari watano kwa bodi hiyo.
“Bodi ya matibabu hadi sasa imewapima maafisa jijini Nairobi. Tathmini ya maafisa wengine kote nchini inaendelea, ”naibu mwenyekiti wa tume hiyo Dkt. Alice Olwande aliongeza.
Bodi hiyo ilifanya tathmini kwa maafisa wote wanaohudumu Nairobi kati ya Mei 25 hadi Juni 9 na watapanga kambi huko Nakuru na Eldoret wiki ijayo.
Kutoka Nakuru, madaktari wataelekea Kisumu kanda ya Nyanza na baadaye Magharibi.
Zoezi zima linatarajiwa kumalizika Novemba mwa huu.
Inspekta Jenerali wa Polisi Hillary Mutyambai alisema matokeo ya tathmini inayoendelea yatakuwa muhimu katika kushughulikia magonjwa ya akili ndani ya huduma hiyo.
Ugonjwa huo umeshuhudia maafisa kadhaa wa polisi wakiwaua wenzao na kujigeuzia bunduki.
“Bodi inakutana na kila afisa na kuwatathmini mmoja mmoja. Watakuja na takwimu kwa sababu hili ni eneo ambalo linahitaji data, ”Mutyambai.