Watu wanne wamefariki baada ya kunywa pombe haramu katika kijiji cha Jawatho huko Njoro kaunti ya Nakuru.
Wakazi hao walikuwa wakilalamikia kuumwa na tumbo na udhaifu wa jumla wa mwili. Naibu Kamanda wa Polisi Kaunti ya Nakuru Joseph Tonui alisema wengine kadhaa bado wanaugua.
Hata hivyo, baadhi ya wakazi wanadai kuwa wanakijiji sita walikuwa wamefariki.
Veronica Ayuma alisema alipata ripoti kwamba kaka yake alikuwa amefariki. Vifo vinavyotokana na unywaji wa pombe haramu sio jambo geni katika kaunti ya Nakuru.
Mwezi Agosti, zaidi ya watu 30 waliugua baada ya kunywa kinywaji chenye sumu, 10 kati yao akiwemo mwanamke mjamzito, walikufa.
Wakazi hao walisema vifo vinavyohusiana na unywaji pombe haramu ni jambo la kawaida katika eneo hilo na kumtaka gavana wao kuhakikisha biashara hiyo imekoma.
Inadaiwa walikunywa pombe haramu kwa wingi katika pango la kuinywa pombe hiyo katika eneo la JC mtaa wa Kabatini, kaunti ndogo ya Nakuru Kaskazini.
