Rais Uhuru Kenyatta amezindua rasmi barabara kuu ya Nairobi Expressway.
Barabara ya Expressway ilikuwa imefungwa Jumamosi mwendo wa saa tatu usiku kufuatia kupita kwa kipindi cha majaribio.
Uzinduzi rasmi sasa unamaanisha kuwa barabara hiyo itapatikana tena kwa matumizi ya umma
Kampuni ya Moja Expressway ambayo inasimamia barabara hiyo ilitangaza kuwa itatumika tena pindi itakapozinduliwa rasmi.
Akizindua mradi huo, Uhuru alisema mradi huo ni marekebisho ya kimsingi ya jinsi serikali inaweza kutumia muundo wa PPP ili kupunguza upungufu wa miundombinu.
"Hongera kwa wote waliofanikisha kazi hii bora na kwa serikali na watu wa Kenya kwa kuwa na imani na miradi yetu ya miundombinu," alisema.
“Shukrani zetu ziende kwa CRBC kwa kuchagua kuwekeza na kuonyesha imani yao kwa nchi yetu.
Rais Kenyatta pia ameizindua rasmi barabara ya Nairobi Eastern Bypass yenye urefu wa kilomita 27.8.
Barabara hiyo ilipanuliwa kutoka kuwa ya njia mbili hadi kuwa barabara ya njia nne, mradi ambao uligharimu Ksh 12.5B.
Inaunganisha barabara mbili kuu za Mombasa Road na Thika Super Highway.
"Ilipanuliwa kama sehemu ya juhudi endelevu za serikali kupunguza msongamano Nairobi," Taarifa ya Ikulu ya Kenya imesema.
