Vijiji vingine ambavyo vimeathiriwa na mkasa huo ni Kiptagich, Kaptich, Kabarak, Timboiwo, Kabasis na Tandui. Zaidi ya familia 200 zimeachwa bila makao baada ya maporomoko hayo kuanza siku ya jumatatu na kuendeleahadi jumatano usiku .
Maporomoko hayo yamesababishwa na mvua kubwa inayoshuhudiwa katika eneo hilo ambayo ilianza mwezi Aprili na idara ya utabiri a hali ya anga imesem mvua itaendelea hadi disemba . Naibu wa chifu wa Kipatagich Luka Tingos amezirai serikali za kaunti na kuu kuwasaidia wenyeji kwa kuwahamisha hadi maeneo salama .
Kando na kuachwa bila makao ,waathiriwa wengi pia walipoteza mazao yao shambani yenye thamani ya mamilioni ya pesa .
Kuna hofu kwamba huenda maporomoko Zaidi yakatokea hivi karibuni baada ya mipasuku kuonekana katika ardhi . Mwathiriwa Felix Cheruiyot amesema alikuwa ndani ya nyumba na familia yake aliposikia mlio mkubwa na mwanzoni alifikiri ni ajali ya barabarani lakini muda mfupi baadaye tope kubwa liliisomba nyumba yake .Amesema aliihamisha familia yake hadi katika boma la jamaa yao katika kijiji jirani .
Naibu wa gavana Jacob Chepkwony amesema amelipa kundi moja la wataalam ka kazi ya kutathmini hali .