moi 6

Kwaheri Moi: Safari ya mwisho ya Moi yaanza

Baada ya zaidi ya miaka 96 duniani hatimaye safari ya hayati rais mtaafu Daniel Toroitich Arap Moi inafika tamati hivi leo.

Moi anazikwa leo nyumbani kwake Kabarak katika kaunti ya Nakuru. Maombi ya mazishi yanaandaliwa katika shule ya msingi ya Kabarak kabla ya mwili wake kusafirishwa takriban kilomita nne hadi nyumbani kwake atakapozikwa mkabala na marehemu mkewe Lena Moi aliyefariki mwaka 2004.

Former president John Arap Moi wearing the military fatigues
Former president Daniel Arap Moi wearing the military fatigues

Mamia ya watu walianza kufika katika shule ya msingi ya Kabarak kuanzia mwendo saa kumi asubuhi tayari kumpa mkono wa buriani mwenda zake rais mutaafu. Kila alipowasili alipokezwa mkate na maji.

Mwili wa hayati Moi umeondolewa kutoka hifadhi ya maiti ya Lee hadi uwanja wa ndege wa Wilson na kusafirishwa kwa ndege hadi Kabarak.

moi 6

Vikosi vya jeshi tayari vimeandaa gwaride katika uwanja mdogo wa ndege wa Kabaraka tayari kupokea mwili wa aliyekuwa amiri mkuu wa majeshi.

Mazishi yake yataongozwa na idara jeshi kuashiria kwamba marehemu alikuwa amiri mkuu wa majeshi kabla ya kustaafu. Mizinga 19 ya kijeshi itapigwa kwa heshima yake.

 

Daniel Arap Moi
Daniel Arap Moi

Maombi rasmi ya kumwombea hayati Moi yaliandaliwa siku ya Jumanne katika uwanja wa kimaaifa wa Nyayo na kuhudhuria marais na viongozi kadhaa wa nchi mbali mbali.

 

Photo Credits: FILE

Read More:

Comments

comments