epl

Leo ni siku ya kiama katika ligi kuu ya Uingireza

Mbivu la mbichi itajulikana leo wakati ligi kuu ya primia nchini Uingereza inapofika tamati.

Baada ya kila timu kucheza jumla ya mechi 37 kila timu imesalia na mechi moja na kama ilivyo desturi mechi zote zitasakatwa kwa wakati mmoja.

Liverppol tayari ilitawazwa mshindi wa kombe hilo msimu huu huku Manchester City ikijihakikishia nafasi ya pili.

Arsenal

Kinyanganyiro hata hivyo ni kati ya nambari tatu Manchester United, Nambari nne Chelsea na Leicester iliyo katika nafasi ya tano zinapong’ang’ania nafasi za nne bora ili kujikatia tiketi za kushiriki ligi kuu ya mabingwa barani ulaya msimu ujao.

Manchester United inahitaji sare ya aina yoyote dhidi ya Leicester City wakati timu hizo zitakapokutana ili kujikatia tiketi katika dimba la ligi ya mabingwa msimu ujao. Mancheter United ina alama 63, alama sawa na Chelsea inayodunishwa kwa idadi ya mabao.

CHELSEA

Leicester City inashikilia nafasi ya tano kwa alama 62 na ushindi dhidi ya Manchester United utaipa nafasi ya kushiriki dimba la ligi ya mabingwa.

Chelsea itakuwa na kibarua cha ziada dhidi ya Wolverhampton ikilenga kusajili alama tatu ili kujihakikishia nafasi katika kipute cha ligi ya mabingwa barani Uropa. Ikiwa Chelsea itatoka sare basi itahitaji kuiombea Manchester United ilaze Leicester City kwani sare ya aina yoyote itakuwa furaha kwa Leicester ikiwa itatoka sare na Manchester United.

manchester united

Katika mechi zingine Arsenal itamenyana na Watford, Manchester City ipambane na Norwich ambao tayari wameteremshwa ngazi, Newcastle ialike mabingwa Liverpool huku Totenham ikiwa ugenini dhidi ya Crystal Palace.

Msimamo wa ligi kabla ya mechi za awamu ya 38

Team Pl W D L F A GD Pts
1 Liverpool 37 31 3 3 82 32 50 96
2 Manchester City 37 25 3 9 97 35 62 78
3 Manchester United 37 17 12 8 64 36 28 63
4 Chelsea 37 19 6 12 67 54 13 63
5 Leicester City 37 18 8 11 67 39 28 62
6 Wolverhampton Wanderers 37 15 14 8 51 38 13 59
7 Tottenham Hotspur 37 16 10 11 60 46 14 58
8 Sheffield United 37 14 12 11 38 36 2 54
9 Burnley 37 15 9 13 42 48 -6 54
10 Arsenal 37 13 14 10 53 46 7 53
11 Everton 37 13 10 14 43 53 -10 49
12 Southampton 37 14 7 16 48 59 -11 49
13 Newcastle United 37 11 11 15 37 55 -18 44
14 Crystal Palace 37 11 9 17 30 49 -19 42
15 West Ham United 37 10 8 19 48 61 -13 38
16 Brighton and Hove Albion 37 8 14 15 37 53 -16 38
17 Aston Villa 37 9 7 21 40 66 -26 34
18 Watford 37 8 10 19 34 61 -27 34
19 Bournemouth 37 8 7 22 37 64 -27 31
20 Norwich City 37 5 6 26 26 70 -44 21

 

Photo Credits: Hisani

Read More:

Comments

comments