Fahamu maelezo kwa undani kuhusu mashindano mapya ya AFL yanayoungwa mkono na FIFA

Mashindano mapya ya vilabu vya haiba ya juu barani Afrika, Ligi ya Soka ya Afrika (AFL), yataanza jioni ya leo Ijumaa wakati mchezo wa ufunguzi utakapofanyika nchini Tanzania.

Kabla ya jaribio kali zaidi la kufanya vilabu vya Afrika kuwa na ushindani duniani kote, hapa tunajibu baadhi ya maswali muhimu kuhusu michuano hiyo inayoungwa mkono na Fifa.

Je, Ligi ya Soka ya Afrika ni nini?

AFL ni shindano jipya kwa klabu zinazoongoza barani, nane kati yao zitapambana kwa matumaini ya kushinda zawadi ya $4m kwa mabingwa.

Jioni ya leo, mabingwa mara 11 wa klabu bingwa Afrika - Al Ahly, ya Misri - wanakutana na Simba ya Tanzania katika robo fainali ya kwanza, zote zikiwa zimechezwa kwa mikondo miwili.

Kiini cha Fifa na rais wake Gianni Infantino, ambaye alitangaza Februari 2020 kwamba bara hilo linahitaji mashindano mapya ya vilabu barani Afrika, AFL - kwa maneno yake yenyewe - "imedhamiriwa kubadilisha mustakabali wa kandanda ya vilabu katika bara hilo".

Fainali ya mikondo miwili ya ufunguzi wa AFL mwaka huu, ambayo itachezwa kwa mtoano, imepangwa kuchezwa Novemba 5 na 11.

Huko nyuma mwaka wa 2020, Infantino alielezea baadhi ya udhaifu aliouona katika soka la vilabu barani Afrika, akisema kuwa bara hilo halina "miundombinu sahihi ya mashindano" na mashindano yaliyopo kama vile Ligi ya Mabingwa Afrika na Kombe la Shirikisho "yalikuwa na mafanikio mara 30-40 kuliko Uropa" .

Huku Fifa ikifanya kazi kwa ushirikiano na Shirikisho la Soka barani Afrika (Caf), matumaini ni AFL sio tu itainua hadhi ya kimataifa ya vilabu vya bara lakini pia kuongeza mapato.

Iwapo vilabu vya Afrika vitaboresha fedha zao, matumaini ni kwamba mishahara iliyoboreshwa itawapa motisha wachezaji wengi zaidi kusalia barani humo kucheza soka bila kuhisi haja ya kucheza Ulaya au kwingineko.

"Kwa kutoa jukwaa la ushindani lisilo na kifani, ligi inalenga kuinua ubora wa mchezo huku ikizalisha vyanzo vikubwa vya mapato," inasema AFL, na kuongeza kuwa pesa hizo zitagawanywa " sawia kati ya vilabu vinavyoshiriki na washikadau wote wanaohusika".

Wadau wako - katika ulimwengu kamili - nchi zote barani Afrika.

Katika taarifa ya hivi majuzi, AFL ilisema pesa zitakazotokana na shindano hilo "zitaenda kwa wanachama wote 54 wa Caf na ligi za ndani ili kuboresha maendeleo ya soka katika nchi hizo".

Wakati ligi mpya ya vilabu vya ngazi za juu ilipozinduliwa mnamo Agosti 2022, ilipendekezwa kuwa kila nchi ingepokea tuzo ya kila mwaka ya $ 1m, huku baraza linaloongoza lenyewe likitarajia kupata takriban $50m ambazo zingetolewa kwa kandanda ya vijana na wanawake.

Walakini, matarajio kama hayo yamepunguzwa na bajeti iliyopunguzwa ya mashindano.