Manchester United yatolewa kwenye michuano ya Ligi ya Mabingwa

Msimu wa taabu wa Manchester United ulizidi kutumbukia katika kina cha kukata tamaa walipoondolewa kwenye michuano ya Ligi ya Mabingwa katika hatua ya makundi baada ya kushindwa na Bayern Munich katika uwanja wa Old Trafford.

Kikosi cha Erik ten Hag, kilichochapwa 3-0 nyumbani na Bournemouth kwenye Ligi ya Premia Jumamosi, kilihitaji kuwashinda mabingwa hao wa Bundesliga na kutumaini kwamba pasiwe na mshindi katika mchezo mwingine wa makundi kati ya Copenhagen na Galatasaray.

Ingawa Bayern walikuwa tayari washindi wa Kundi A, United bado hawakuweza kutimiza sehemu yao ya mapatano katika usiku wa kukatishwa tamaa.

United tayari walikuwa na udhaifu kutokana na majeraha ya kipindi cha kwanza kwa wachezaji wawili wa Uingereza Harry Maguire na Luke Shaw, huku habari zikisema kwamba Copenhagen walikuwa mbele huko Denmark.

Bayern walihitimisha hatima yao kwa kufunga bao la ushindi zikiwa zimesalia dakika 20.