•Liverpool itasafiri hadi Ibrox Jumatano jioni kwa mchezo wao dhidi ya miamba wa Scotland Rangers.
•Mechi hiyo inaweza kuwasaidia kwa kiasi kikubwa kujihakikishia nafasi ya kufuzu kwa raundi inayofuata ya Ligi ya Mabingwa Ulaya.
Image: HISANI
Meneja wa Liverpool Jurgen Klopp amesema hakufurahishwa na mwamuzi baada ya timu yake kushindwa na Arsenal wikendi.
Arsenal iliifunga Liverpool 3-2 Jumapili katika pambano la kusisimua lililoshuhudia 'The Gunners' wakirejea kileleni mwa Ligi Kuu ya Uingereza.
Gabriel Martinelli alifunga bao la mapema, naye Bukayo Saka akaongeza bao la pili kuimarisha ushindi wa Arsenal msimu huu.
Lakini katika mahojiano ya baada ya mechi, Klopp alimkosoa mwamuzi Mike Oliver kwa kufanya maamuzi yenye utata ambayo yaliwagharimu mechi hiyo.
"Najua watu hawataki kusikia hivyo, lakini ukiangalia mchezo wa Arsenal utakubaliana nami kuwa mwamuzi bora wa Ligi Kuu ya Uingereza, Mike Oliver, alifanya maamuzi yasiyo sahihi," Klopp alisema.
"Penalti moja haikuwa halali na nakumbuka tulipokuwa na kikao na waamuzi kabla ya msimu tulikubaliana kuwa hakutakuwa na penalti laini," aliongeza Klopp akisema alifikiri bao la Bukayo Saka lilipaswa kukataliwa.
"Kwa maoni yangu, ni dhahiri kwamba Saka alikuwa ameotea. Maamuzi mazuri yangeweza kusaidia sana, " alisema.
Mtaalamu huyo wa mbinu wa Ujerumani alisema kwamba wachezaji wake hawakuwa katika kiwango bora katika mechi hiyo.
"Kuhusu uchezaji wetu, nadhani tuliruhusu mabao ya kipuuzi, haswa lile la pili katika kipindi cha kwanza. Lakini kati ya bao la kwanza na la pili tulicheza mchezo mzuri sana, hasa ikizingatiwa tulikuwa tunakutana na timu ambayo iko katika hali nzuri kwa sasa,” alisema Klopp.
“Tulipopata bao la pili kipindi cha pili tulionyesha mchezo wa wazi na hatukucheza vizuri kama tulivyocheza kipindi cha kwanza. Na kisha baadaye tukaruhusu bao la pili kutoka kwa penalti hiyo tatanishi. Kuanzia hapo, tulianza kufukuzia mchezo na Arsenal walikuwa wakifanya mashambulizi ya kaunta na wakawa bora zaidi.
"Ni kweli tulicheza dhidi ya timu ambayo kwa sasa inaongoza kwenye msimamo wa ligi. Lakini ni vigumu kuhukumu mechi hiyo kwa sababu hatukucheza mchezo wetu bora."
Liverpool itasafiri hadi Ibrox Jumatano jioni kwa mchezo wao dhidi ya miamba wa Scotland Rangers.
Mechi hiyo inaweza kuwasaidia kwa kiasi kikubwa kujihakikishia nafasi ya kufuzu kwa raundi inayofuata ya Ligi ya Mabingwa Ulaya.
Liverpool iliifunga Rangers mabao 2-0 wiki moja iliyopita na Klopp ameahidi vijana wake watafanya kila wawezalo.
"Lazima tuendelee kupambana. Haiwezi kutokea mara moja. Kila mtu aliona jinsi tulivyopambana na Arsenal na ndivyo tutafanya tutakapokutana na Rangers."
Liverpool wamevumilia mwanzo mbaya msimu huu, wakishinda michezo miwili pekee kati ya nane ya ufunguzi wa Premier League.
Kikosi cha Klopp kiko pointi 14 nyuma ya vinara Arsenal na pointi 13 nyuma ya mabingwa watetezi Manchester City.Liverpool pia walipokea kichapo cha mabao 4-1 kutoka kwa Napoli katika kampeni yao ya ufunguzi ya Ligi ya Mabingwa.
Kichapo kutoka kwa Rangers ugani Ibrox katika mechi yao ijayo Jumatano jioni kungeongeza hatari ya vijana hao wa Klopp kutupwa nje katika hatua ya makundi.