Mlinzi wa PSG Achraf Hakimi ashtakiwa kwa madai ya ubakaji

Mchezaji wa Paris Saint-Germain Achraf Hakimi amefunguliwa mashtaka ya ubakaji.

Mwanamke mwenye umri wa miaka 24 amemshutumu Hakimi, ambaye pia ana umri wa miaka 24, kwa kumbaka nyumbani kwake mjini Paris siku ya Jumamosi, Februari 25.

Wakili wa kimataifa wa Morocco, Fanny Colin, mwanzoni alisisitiza kuwa madai hayo ni "uongo".

Katika taarifa iliyotolewa mwanzoni mwa mwezi Machi, mwakilishi wa Hakimi pia alithibitisha kuwa mwanasoka huyo "anajitolea kwa mamlaka" kwa uchunguzi.

Waendesha mashtaka sasa wameithibitishia AFP kwamba amefunguliwa mashtaka.

Ripoti za awali nchini Ufaransa zilidai Hakimi alifahamishwa tu kuhusu uchunguzi huo takriban dakika 90 kabla ya hafla ya Jumatatu jioni ya ya tuzo za FIFA za The Best Best.

Beki huyo alitajwa kwenye orodha ya 'FiFPro Men's World11' kwa mafanikio yake uwanjani.

Kama ilivyo kwa Le Parisien, mshukiwa huyo aliripoti tukio hilo katika kituo cha polisi Jumapili jioni lakini hakutaka kushtaki dhidi ya mwanasoka huyo.

Hata hivyo ofisi ya mwendesha mashtaka wa umma huko Nanterre, kitongoji cha Paris, ilithibitisha kuwa uchunguzi ulianza.

PSG ilitoa taarifa kabla ya mashtaka kufunguliwa. Ilisomeka: "Klabu inamuunga mkono mchezaji huyo, ambaye amekanusha vikali shutuma hizo na ana amini mfumo wa haki. Paris St-Germain ni taasisi inayokuza heshima ndani na nje ya uwanja."