Timu ya taifa ya wanadada wasiozidi umri wa miaka 17, Ijumaa watacheza mechi ya kirafiki dhidi ya timu ya Ureno kuanzia saa kumi na moja majira ya Afrika Mashariki.
Timu hiyo chini ya uongozi wa kocha Mildred Cheche ipo nchini Uhispania kwa mazoezi ya ziada wanapojiandaa kushiriki mashindano ya FIFA ya wanadada wasiozidi umri wa miaka 17.
Mechi hiyo itakuwa ya pili kwa Junior Starlets wakiwa nchini Uhispania baada ya kucheza mechi ya kwanza mnamo Jumatano dhidi ya Ciudad Deportiva Del Valencia.
Mechi hiyo, kikosi cha Kenya kilishinda kwa mabao manne kwa moja ambapo Valarie Nekesa alifunga mabao mawili katika dakika ya 9 na 26 huku Lindey Atieno akifunga mawili dakika za 35 na 56.
Junior Starlets imeweka rekodi ya kuwa timu ya kwanza ya taifa ya Kenya kufuzu kombe la dunia katika historia ya soka ya Kenya.
Kocha Cheche ana siku chini ya 20 ya maandalizi ya FIFA itakayofanyika nchini Dominican Republic kuanzia Oktoba 16.
Junior Starlets inaendelea kukita kambi nchini Uhispania kwa ambapo watamaliza siku kumi moja za mazoezi kabla ya kyrejea nchini na hatimaye kuelekea Domican Republic.
