Arsenal yalaza Liverpool na kutwaa ubingwa wa taji la Community Shield

Arsenal iliwafunga mabingwa wa ligi ya Uingereza Liverpool 5-4 kupitia mikwaju ya penalty, na kunyakua kombe la Shield, baada ya kutoka sare ya 1-1 ugani Wembley.

Nahodha Pierre-Emerick Aubameyang aliweka mabingwa hao wa kombe la  FA kifua mbele kunako dakika ya 12, kabla ya Takumi Minamino kusawazishia the reds katika dakika ya 73. Nguvu mpya Rhian Brewster wa reds alipoteza nafasi yake kabla ya Aubamayang kufunga penalty ya ushindi.

Hayo yakijiri, mlinzi wa Arsenal Maitland-Niles na Conor Coady wa Wolves wameitwa katika kikosi cha Uingereza kitakachopambana na Denmark na Iceland katika mechi za Nations League mwezi ujao. Wawili hao ambao wameitwa kwa mara ya kwanza katika kikosi cha Gareth Southgate wamefanya idadi ya wachezaji kuwa 25 huku wawili wakitarajiwa kuchujwa licha ya hofu ya kuwa wachezaji kadha wamewekwa katika karantini kutokana na janga la corona.

Katika mchezo wa tenisi, Naomi Osaka alijiondoa kutoka kwa fainali ya michuano ya tenisi ya Western and Southern Open baada ya kupata jeraha la msuli, siku mbili kabla ya mechi za US Open kuanza. Mzaliwa huyo wa Japan alifaa kucheza dhidi ya Victoria Azarenka wa Belarus jijini New York kabla ya kujiondoa na kupelekea Azeraka kupewa taji hilo. Osaka amepangiwa kucheza na  Misaki Doi katika awamu ya kwanza ya US Open kesho.

Kwingineko, bingwa wa dunia Lewis Hamilton alishinda majaribio ya mwisho ya mbio za langa langa za Ubegiji huku mwenzake wa Mercedes Valtteri Bottas akimaliza wa pili na Max Verstappen wa Red Bull akimaliza wa tatu.  Muingereza huyo atakua anawania kushinda taji la tatu mfululizo msimu humu katika fainali ya mbio hizo leo.

Willian ajiunga na Arsenal kwa uhamisho wa bure

Arsenal imemsajili kiungo wa kati wa Brazil Willian kwa mkataba wa miaka mitatu baada ya mkataba wa mchezaji huyo, 32, kukamilika. katika klabu ya Chelsea.

The Blues ilitoa ofa yake mpya kwa mchezaji huyo lakini haikuwa tayari kufikia kile ambacho the Gunners imempa.

willian

“Naamini ni mchezaji ambaye kweli anaweza kutufanyia mabadiliko makubwa us,” amesema kocha wa Arsenal Mikel Arteta.

“Tulikuwa tumedhamiria kabisa kuimarisha upande wa kushambulia wa kuingo wa kati nafasi ya winga.”

Willian alishiriki michezo 339 kwa Chelsea baada ya kusajiliwa kutoka klabu ya Anzhi Makhachkala ya Urusi kwa pauni milioni 30 mwaka 2013.

“Ni mchezaji ambaye tunaweza kumbadilisha badilisha, Anaweza kucheza nafasi tatu au nne tofauti,” Arteta ameongeza.

“Ana tajriba ya kila safu ya uwanja wa soka lakini bado ana nia ya kuja hapa kuchangia kuweka klabu katika nafasi inayostahili kuwa.

“Nimefurahishwa sana na mazungumzo yangu nae na jinsi alivyokuwa anataka kujiunga nasi.”

FA Cup: Wanabunduki walipua Manchester City na kujikatia tikiti ya fainali

Ndoto ya Manchester City ya kuteteta kombe la FA ilizimwa waliponyukwa mabao 2-0 na Arsenal katika mechi ya nusu fainali ugani Wembley.

Mabao ya Pierre-Emerick Aubameyang kunako kila kipindi yalitosha kuwapa ushindi vijana wa Mikel Arteta na kumpa ushindi wake wa kwanza dhidi ya Pep Gurdiola tangu kuondoka Etihad. The Gunners watakabana na aidha Chelsea au Manchester United ambao wanachuana katika nusu fainali ya pili usiku wa leo.

Tottenham yawalaza Arsenal mabao 2 kwa 1 huku Gunners ikichukua nafasi ya tisa katika jedwali ya ligi kuu

Meneja wa Manchester City Pep Gurdiola anasema Arsenal walistahili kushinda nusu fainali ya kombe la FA jana kufuatia mchezo wao mbaya. The gunners waliwanyuka City mabao 2-0 ushindi wao wa kwanza dhidi ya mabingwa hao watetezi katika mechi tisa. Guardiola pia anaamini kuwa aliyekuwa msaidizi wake Mikel Arteta atashinda mataji ugani Emirates, iwapo atapata usaidizi.

Tukirudi nchini, soka na raga zitachukua muda zaidi kuregelewa humu nchini, kufuatia ongezeko la maambukizi ya covid-19. Katibu wa afya Rashid Aman anasema wanatathmini kufungua michezo isiyo ya kugusana, ikifuatia iliyo na mgusano kidogo na kisha yenye kugusana kabisa kama vile raga na soka.

Jopokazi lililoundwa na waziri wa michezo Amina Mohammed kushauri kuhusu kuregelewa kwa spoti humu nchini, litawasilisha ripoti yake hivi karibuni.

Arsenal Yakung’utwa magoli 3 na Man City

Tottenham yawalaza Arsenal mabao 2 kwa 1 huku Gunners ikichukua nafasi ya tisa katika jedwali ya ligi kuu

Ni mchuano ambao wengi walitabiri na kusema Gunners wataibuka washindi. Tottenham waliwapa Arsenal kichapo cha mabao mawili kwa moja.

Tottenham Hotspur wameongeza nafasi yao ya kushiriki mtanange wa Bara Ulaya kufuatia ushindi wao wa 2-1 dhidi ya Arsenal katika debi ya London.

Chelsea yawalaza Crystal Palace mabao 3 kwa 2 na kuchukua nafasi ya tatu kwenye jedwali

Mabao kutoka kwa Son Heung-Min na Toby Alderweireld yalitosha Spurs kusajili ushindi mkubwa nyumbani siku ya Jumapili, Julai 12.

 

Mabao hayo mawili yalipelekea bao la kwanza la Alexander Lacazette kuwa la kufutia machozi huku Gunners wakihangaika kutafuta bao la kusawazisha katika mechi hiyo. Mechi hiyo ilikuwa ya kwanza kwa Jose Mourinho na Mikel Arteta katika debi ya London huku wakufunzi hao wakiingia kwenye mchezo huo wakiwa wametiwa adhabu.

57c5aac838087111(1)

Spurs walikuwa kwenye mchakato wa kuwarejeshea mashabiki wao matumaini kufuatia matokeo yao mabovu tangu kurejea kwa ligi hiyo.

Lakini Gunners ndio walitingisha wavu wa kwanza baada ya Alexander Lacazette kuvurumisha kombora kali lililompita Hugo Lloris na kufanya matokeo kuwa 1-0.

 

Ecvk4BFXoAMOai-

Matokeo hayo yaliwashuhudia Spurs wakisonga mbele ya Arsenal katika nafasi ya nane na pointi 50 huku vijana wa Mikel wakishuka hadi nafasi ya tisa na matumaini yao ya kushiriki mashindano ya bara Ulaya yakizimwa

Arsenal, mashetani wekundu wawika ligi ya EPL

 

Mason Greenwood alifunga mara mbili katika ligi ya premia kwa mara ya kwanza huku Man United ikitoka nyuma na kuilaza Bournemouth 5-2 na kuongeza matatizo ya klabu hiyo inayokaribia kushushwa daraja.

Greenwood mwenye umri wa miaka 18 aliwasawazishia wenyeji baada ya goli lililofungwa na Junior Stanislas kuishangaza Man United kunako dakika ya 15 kabla ya kuifungia United goli lake la nne baada ya kipindi cha kwanza .

Marcus Rashford alikuwa ameiweka United 2-1 juu kutoka mkwaju wa penalti kabla ya Anthony Martial kufunga bao zuri kabla ya kipindi cha kwanza kukamilika.

Katika mechi ilioja mbembwe za kila aina , Joshua King aliifungia timu yake goli la pili kupitia mkwaju wa penalti dakika nne baada ya kipindi cha mapumziko. Kikosi hicho cha Edie Howe , kilifunga goli la kusawazisha ambalo lilikataliwa kwa kuwa la kuotea.

Wakati huohuo Arsenal iliishangaza klabu ya Wolves ugenini na kuimarisha matumaini yake ya kufuzu katika mashindano ya klabu bingwa Ulaya baada ya kuwalaza wenyeji wao 2-0 katika uwanja wa Molineux.

Kinda wa Gunners Bukayo Saka, ambaye alitia saini kandarasi mpya siku ya Jumtano alianza kuifungia klabu yake .

Adama Traore aliharibu nafasi bora zaidi ya kusawazisha , kabla ya Alaxandre Lacazette kuingia kama mchezaji wa ziada na kufunga bao la ushindi.

Arsenal ilipanda hadi katika nafasi ya saba huku ikiwa pointi tatu nyuma ya Wolves.

-BBC

David Luiz: Defenda wa Arsenal asema kushindwa kwao mabao 3-0 na Mancity ni kwa sababu ya makosa yake

Mlinzi wa kilabu ya arsenal  David Luiz  amekubali kuwajibikia  kushindwa kwao mabao 3 kwa  nunge na Manchester City  lakini  akasema yungali ana matumaini ya kuichezea kilabu hiyo.

Luiz,  ambaye mkataba wake unatamatika mwishoni mwa mwezi huu  aliondolewa uwanjani ili kutamatisha kurejea kwake uwanjani kuliozongwa na makosa chungu  nzima .

“Ni makosa yangu, timu ilifanya vyema  hasa ikiwa na wachezaji 10  kocha pia yuko sawa na yote ni kwa ajili ya makosa yangu” amesema mchezaji huyo mwenye umri wa miaka 33.

“Nataka kusalia hapa. Kocha anafahamu hilo ma anataka nisalie  hapa.”

Luiz alijiunga na Arsenal  kipindi kilichopita cha uhamisho  kutoka Chelsea  kwa pauni milioni 8  na alikuwa ameachwa katika benchi  dhidi ya City kwa ajili ya kutoeleweka kuhusu hali ya mkataba wake.

Aliingia uwanjani katika dakika ya 24  baada ya  kujeruhiwa kwa  Pablo Mari na alifanya masihara yaliompa bao la kwanza   Raheem Sterling.

Kisha baadaye alihusika na kumbwaga chini Riyad Mahrez na kusababisha penalty  na kuonyeshwa  nje ya uwanja. Kufurushwa kwake kutoka mechi hiyo kunamaanisha ameichezea arsenal mchuano wake wa mwisho endapo hatazidisha mkataba wake.

 

Arsenal Yakung’utwa magoli 3 na Man City

Matumaini ya Arsenal ya kumaliza miongoni mwa vilabu nne bora ilipata pigo kufuatia ushindwa wa 3-0 kwa Man City ugani Etihad.

Mechi hiyo ya Jumatano, Juni 17 usiku, ilikuwa siku ya pili tangia Ligi Kuu kurejea baada ya kusitishwa kwa wiki kadhaa.

Huku Man City wakiwa tayari nje ya kinyang’anyiro cha kutwaa taji, Arsenal ndio walikuwa wakikaza kamba ili kujipatia tiketi ya kushiriki Ligi ya Mabingwa.

Hata hivyo, hayo yalitibuka, huku Gunners wakikumbana na majeraha mawili kwa mpigo dakika chache kabla ya mechi hiyo.

Granit Xhaka ndiye alikuwa wa kwanza kuondoka uwanjani dakika tano kabla ya mechi kuanza baada ya kupata jeraha la mguu.

Nafasi yake ilichukuliwa na Dani Ceballos ambaye alijiunga na David Luiz kutoka kwenye benchi dakika 22 baada ya Pablo Mari kupata jeraha.

Lakini kushirikishwa kwa Luiz ndio ilikuwa mwanzo wa mikosi ya Arsenal, huku utepetevu wa difenda huyo Mbrazil ukimruhusu Raheem Sterling kufunga bao la kwanza kabla ya muda wa mapumziko.

City iliwatinga bao lao lingine dakika nne baada ya awamu ya pili kuanza kupitia kwa Kevin de Bruyne ambaye alifunga bao baada ya Luiz kusababisha penalti.

Kisa hicho kilimshuhudua difenda huyo wa zamani wa Chelsea kulishwa kadi nyekundu kwa kumchezea visivyo Riyadh Mahrez.

 

Michezo! Wachezaji wa Arsenal wakataa kupunguza mishahara yao

NA NICKSON TOSI

Kikosi cha Kwanza cha Arsenal kimepusilia mbali pendekezo la Usimamizi wa klabu hiyo la kutaka kupunguziwa mshahara wao kwa asilimia 12.5 kwa muda wa mwaka mmoja kufuatia hasara waliyosajili wakati huu ambapo hakuna shughuli zozote za  ligi kuu ya Uingereza zinazoendelea.

Hatua ya kupunguza mshara wa wachezaji wa Arsenal ilionekana kama ya kupunguzia gharama uongozi wa klabu hiyo haswa wakati huu ambapo ligi takriban zote ulimwenguni zimesitishwa kutokana athari ambazo zimetokana na Corona.

Mesut Ozil is the biggest earner at Arsenal

 Baadhi hya wachezaji wanaolipwa mishahara nono katika klabu hiyo ya Ungereza ni Mesut Ozil anayelipwa £350,000, Pierre-Emerick Aubameyang na  Alexandre Lacazette  £200,000 .

Ligi kuu ya Uingereza ilisitishwa baada ya wachezaji na mameneja wa timu mbalimbali kupatikana na virusi vya Corona, hali iliyofanya shirikisho la soka la Uingereza FA na usimamizi wa Premier league kusitisha ligi hiyo kwa ghafla.

Aidha timu na wachezaji wamekuwa wakishauriwa na wakuu wa serikali kukubali kupunguziwa mishahara kwa asilimia 30 ili kutoa mchango kwa serikali kufanikisha shughuli za kutoa huduma kwa wananchi wa taifa hilo ambalo limeathirika pakubwa na virusi vya Corona.

Wachezaji wa Arsenal kusalia nyumbani licha ya mkufunzi Mikel Arteta kupona

NA NICKSON TOSI

Usimamizi wa klabu ya Arsenali umewataka wachezaji wa klabu hiyo kusalia nyumbani licha ya mkufunzi wao Mikel Arteta  kupona baada ya kuwa chini ya uangalizi kutokana na virusi vya Corona.

Taarifa za awali zilikuwa zimedai kuwa wachezaji wa kikosi cha kwanza na baadhi ya maafisa wa kiufundi walikuwa wanatarajiwa kurejelea mazoezi yao jumanne 14 mwaka huu.

Hatua hiyo ilichukuliwa baada ya serikali ya Uingereza kutaka klabu zote katika taifa hilo kusitisha shughuli za mazoezi kama njia ya kukabiliana na Corona .arteta

Klabu zingine zimedinda kuwarudisha wachezaji wao kwenye kambi baada ya virusi vya Corona kuathiri maeneo kadhaa ya miji ya Uingereza .

Meneja wa Arsenal Mikel Arteta ndiye aliyekuwa wakwanza kuambukizwa virusi hivyo,hatua iliyofanya shirikisho la Soka Uingereza FA kufutilia mbali mitanange kadhaa ili kupunguza virusi hivyo kuenea zaidi kwa wachezaji wengine.

Picha ya siku: Jamaa afunga harusi akiwa amevalia sare ya Arsenal

Jamaa mmoja amewashangaza wengi na kufurahisha wengine baada ya kuchapisha picha zake na mkewe mtandaoni, baada ya kufunga harusi.

Kilicho shangaza na kufurahisha ni kuwa kinyume na bwana harusi wengi ambao huvalia suti, yeye aliamua kuadhimisha siku hiyo akiwa amevalia sare za Arsenal.

Ndoa ya Sekunde; Mwanahabari wa runinga ya Inooro asimulia jinsi ndoa yake ilivunjika

Ni dhahiri kuwa jamaa huyo ni shabiki sugu wa Arsenal na licha ya timu hiyo kuwa na msimu mbaya, aliamua hilo halitamzuia kufurahia harusi yake na timu anayoipenda.

Isitoshe alihakikisha kuwa amevalia sare ya Arsenal ya nyumbani (nyekundu) na ya ugenini (njano)

Alichapisha picha zile na ujumbe uliosema; I Love you home & away (Nitakupenda nyumbani na mbali na nyumbani au ugenini). Kisoka, timu zote duniani lazima zicheze mechi dhidi ya mahasimu wao, nyumbani kwao na pia ugenini.

Dennis Okari na mkewe Naomi washerehekea mwaka mmoja tangu wafunge ndoa 

Tazama picha zifuatazo;

arsenal away Arsenal

Arsenal