Waheshimiwa Murkomen na Kamket warushiana cheche za matusi kuhusu Kibra

Seneta wa Elgeyo Marakwet Kipchumba Murkomen amelumbana na  mbunge wa  Tiaty  William Kamket  ambaye alidai kwamba juhudi za naibu wa rais William Ruto kutawala eneo la Kibra zimefeli.

Hii ni kutokana na kushindwa kwa mgombea wa chama cha Jubilee McDonald Mariga ambaye anasemekana kuteuliwa na kupigiwa upato na naibu wa rais William Ruto.

Gavana Wa Mombasa, Hassan Joho Alazwa Hospitalini

Kamket alisema kwamba Ruto amefeli kupanda mbegu Kibra baada ya mgombeaji wa chama cha Jubilee McDonald Mariga kushindwa na Imran Okoth.

Akimkashifu Kamket, Murkomen ambaye pia ni kiongozi wa walio wengi katika Seneti alimtetea Ruto huku akimsifia kwa bidii zake.

Aidha, alimkemea Kamket kwamba umaarufu wake katika Baringo umedidimia.

Malumbano hayo yalitokea muda mfupi tu baada ya Ruto kupongeza Jubilee kwa kinyang’anyiro hicho cha Kibra.

Ruto alimpongeza McDonald Mariga na chama cha Jubilee kwa kuvamia na kudhibiti ngome ya Raila.

Ijumaa asubuhi, Imran Okoth wa ODM alitangazwa kuwa mbunge mteule wa eneobunge la Kibra.

Mariga Akubali Kubwagwa, Amualika Imran Chakula Cha Mchana – Video

 

 

Unajua yepi kumhusu mbunge mteule Imran Okoth? Soma hapa

Imran Okoth sasa ndio jina na ambalo linatajwa sana kwa ushindi mkubwa eneo bunge la Kibra.

Ni mwanasiasa shupavu na ambaye alipanga vizuri siasa kutoka siku ya kwanza hadi kufikia awamu ya kutangazwa mshindi.

Ila je? Unajua yepi kumhusu Imran?

Jina la Imran limejulikana kwa sana baada ya kifo cha nduguye Ken Okoth.

Aidha, ata kabla kifo kumkuta Ken, jina la mwanasiasa huyu lilianza kutajwa katika vyombo vya habari.

 (+Video ) Boni Khalwale shujaa wa kurusha mawe, achangamsha Twitter

Kando na kuwa ni kakake Ken Okoth, kuna baadhi ya vitu unafaa kufahamu kuhusu Imran.

Imran ni mzawa wa Kibera, mtaa wa Kisumu Ndogo.

Amezaliwa pamoja na ndugu watano akiwemo marehemu Ken Okoth.

Alikuwa msaidizi wake Ken Okoth

Kipindi na ambacho kakake Ken Okoth alikuwa mgonjwa, Imran alihakikisha miradi iliyoanzishwa Kibra inaendelea.

Imran pia alikuwa mwenyekiti wa baraza la eneo bunge lililotwika jukumu la maendeleo (CDF) kwa miaka 7.

Kazi hii imempa hekima ya kuendesha Kibra kama mbunge.

Makosa aliyofanya MacDonald Mariga, angembwaga Imran Okoth

Imran ni mnyamavu. Hii ina maana kuwa kiongozi huyu si wa maneno mengi.

Hotuba anazochapisha katika mitandao ya kijamii, kampeni zake ni ishara kuwa Imran sio mtu wa kuongea sana.

Hii inamuweka tofauti sana na wanasiasa wanaopenda kuongea kwingi bila maendeleo yoyote.

Imran ana mke na hapendi sana kuifanya ijulikane. Mahusiano yake na mpenzi wake ni siri kuu sana.

Uchaguzi Kibra: Imran Okoth apata ushindi, Mariga ampa kongole

IEBC imemtangaza rasmi Imran Okoth wa ODM kuwa mshindi wa uchaguzi mdogo wa Kibra. Okoth alipata kura elfu 24,636, akifuatiwa na mwaniaji wa Jubilee McDonald Mariga aliyepata kura 11,230.

Eliud Owalo wa ANC alipata kura elfu 5,275.

Vijana wanaounga Jubilee mkono waahidi kumpigia debe Imran Okoth

Wakati huo huo Mariga amekubali kushindwa. Akimpa kongole mpinzani wake wa karibu Imran Okoth, Mariga anasema ameridhishwa na jinsi uchaguzi huo ulivyoendeshwa.

Ushindi wa mwaniaji wa ODM Imran Okoth katika uchaguzi wa Kibra haufai kuwagawanya wakaazi wa eneo hilo. Viongozi wa ODM Ochillo Ayacko na Mohamed Sumra wanasema ingawaje kulikua na makosa ya uchaguzi, chama chao kinajitahidi kuheshimu maridhiano na uiano.

IEBC imetakiwa kujitahidi zaidi katika kuhamasisha watu kuhusu umuhimu wa kujitokeza wakati wa chaguzi ndogo. Mkurugenzi wa shirika la HAKI Africa Hussein Khalid anasema katika chaguzi hizo chini ya nusu ya idadi ya watu hujitokeza kupiga kura. Pia anataka adhabu kali kutolewa kwa wanaojihusisha na makosa wakati wa uchaguzi.

PICHA: Mamake Ken Okoth apiga kura katika uchaguzi mdogo Kibra

Tumejaribu sana katika chumba cha kulala cha ODM. Haya ni matamshi ya wabunge wa Jubilee Kimani Ichungwa, Nixon Korir na John Kiarie ambao wamempongeza mwaniaji wao McDonald Mariga kwa kushindana vyema katika uchaguzi huo.