Jamaa akabiliwa na kifungo kwa kumtishia polisi kwa paka

Vyombo vya habari vya Urusi vimeripoti kuwa mwanaume mmoja mjini Moscow anakabiliwa na kifungo cha miaka mitano kwa kosa la kumtumia paka kama silaha yake.

Mtuhumiwa huyo Gennady Shcherbakov anatuhumiwa kwa kumrushia polisi paka wakati ambapo polisi alikuwa ameenda kuthibiti kelele ambazo zilikuwa katika makazi ya watu.

Bwana Shcherbakov, 59, anakabiliwa na kosa la jinai la unyanyasaji dhidi ya polisi.

Kesi hiyo ilifunguliwa siku ya jumatano, ambapo ilikuwa ni kipindi cha zaidi ya mwaka tangu tukio hilo litokee, imeripotiwa na chaneli ya Telegram Baza.

PATANISHO: Niliambiwa hakuna hata paka itakayopelekwa kwetu


Tuhuma hizo zilikuwaje?

Kwa mujibu wa televisheni ya taifa ya Urusi, tarehe 4 oktoba 2018, bwana Shcherbakov alikuwa amekuwa anapiga kelele katika makazi ya watu huko Moscow.

Anadaiwa kuwa alikuwa amelewa sana.

Wakazi wa eneo hilo waliripoti kuhusu usumbufu aliokuwa anasababisha ,

Mara baada ya polisi kufika katika eneo hilo kumzuia asiendelee kufanya fujo , bwana Shcherbakov aligoma kutoa ushirikiano kwa polisi na hata kujibu maswali aliyokuwa akiulizwa.

PATANISHO: Jamaa kazi ni kunitesa na hadi paka hajawahi peleka kwetu

Badala yake bwana Shcherbakov anadaiwa kuwa alimnyanyua paka ambaye alikuwa karibu yake na kumrushia polisi.

Mnyama huyo anaripotiwa kuwa alimjeruhi polisi.

Bwana Shcherbakov, ambaye hakuwa mkazi wa eneo hilo, anakanusha kuhusika na tukio hilo na hata kutumia paka kama silaha.

Yeye anadai kuwa paka huyo alimrukia polisi mwenyewe bila kurushwa au kusukumwa na mtu yeyote.

Kesi hiyo imewekwa kwenye kifungu cha 318 , kwa kosa la uhalifu wa jinai wa kutumia vurugu dhidi ya asifa wa umma.

Haijafahamika kwa nini kesi hiyo imechukua muda mrefu kufunguliwa kama kosa la jinai na hata hawajaeleza nini kitamkuta paka aliyehusika.

-BBC

PATANISHO: Jamaa kazi ni kunitesa na hadi paka hajawahi peleka kwetu

Japhet kutoka Nairobi alituma ujumbe akiomba apatanishwe na mkewe Sarah.

PATANISHO: Nasikitika Nilimuibia Tajiri Wangu Elfu Tisa

 

Mke wangu ametoweka miezi minne sasa na nikimpigia anadai atakuja lakini amekuwa muongo sana.

Mke wangu alipata ujumbe kwa simu yangu lakini haukuwa wangu lakini pia nilipata ujumbe kwa simu yake ya mapenzi huku wakizungumza na jamaa fulani wapatane na hapo tukakosana.

Ujumbe aliopata ulikuwa umetumwa na jamaa fulani mfanyikazi mwenzangu akiungumza na mpenziwe.

Kumuuliza akadai kuwa aliponipata sikumwambia chochote na kwa hivyo kila mmoja ajishughulishe. Alidai Japhet ambaye amekuwa kwa ndoa kwa miaka saba.

PATANISHO: Mke wangu alikuwa anakatiwa na caretaker

Wawili hao wamejaliwa mtoto mmoja.

Alipopigiwa Sarah alikiri Japhet alikuwa na shida ya kukwepa majukumu ya nyumba.

“Hataki kusomesha mtoto, ukimwambia mambo ya kujenga nyumbani hataki, tumeoana miaka saba na huyu mwanaume hajui kwetu lakini anataka niishi Nairobi bila kushughulika na mambo ya nyumbani.” Alieleza Sarah.

Hata haikuwa mambo ya mpango wa kando, nilitoka nyumbani na pindi tu nilipofika nyumbani majirani walinipigia kunieleza alikuwa na vituko chungu nzima huko Nairobi.” Aliongeza.

Paka Mwitu Ashambulia Na kuumiza Watu Wawili Rongo

Watu wawili wanauguza majeraha katika hospitali ya gatuzi dogo la Rongo baada ya kushambuliwa na paka wa mwituni wakiwa njiani.

Kulingana na walioshuhudia kisa hicho, paka huyo aliwashambulia wawili hao David Ododa na Joyce Atieno Otieno baada ya kutokea kwenye shamba la miwa lililokuwa karibu na barabara hiyo ambayo walikuwa wakipitia.

Mmoja wao Joyce Atieno Otieno alishambuliwa na paka huyo ambaye alikwama kwenye mguu wake na alipopiga mayowe David Ododa pia alishambuliwa na paka huyo alipokuwa akijaribu kumnusuru Bi Joyce kutoka kwa mnyama huyo.

Wawili hao wanaendelea kupata matibabu huku polisi wakitaka shirika la huduma la wanyama pori KWS kumkamata paka huyo ambaye alitorokea kwenye shamba moja la miwa.