- Bahati azungumza baada ya kuidhinishwa rasmi na IEBC kuwania ubunge wa Mathare
Image: Instagram
Mwanamuziki Kevin ‘Bahati’ Kioko amepata afueni katika azma yake ya kuwa ubunge wa Mathare.
Jina la Bahati lilitangazwa Jumapili kwenye gazeti la serikali na IEBC katika orodha ya wagombeaji watakaoshiriki Uchaguzi Mkuu wa Agosti.
Kupitia kwenye ukurasa wake wa instagram msanii huyo alieleza jinsi alivyopigwa vita kwa ajili ya azma yake ya kuwa mbunge.
Msanii huyo alisema kwamba yesu akisema ndio hamna wa kukataa wala kupinga.
"YESU ANAPOSEMA NDIYO... HAKUNA ANAWEZA KUSEMA HAPANA!!! NIMEKUWA MGOMBEA WA MBUNGE ALIYEPIGWA VITA ZAIDI; MPINZANI WANGU ALIJARIBU KILA KITU KUNITISHIA & KUHAKIKISHA NIMEJIONDOA KWENYE KINYANG'ANYIRO.... LAKINI ANGALIA MUNGU AMEFANYA NINI!!! NI RASMI #IEBC IMENIANDIKIA GAZETI .... HII NI KUFAFANUA NA KUIFANYA RASMI KWAMBA TAREHE 9 AGOSTI 2022.... MIMI #KIOKO_KEVIN_BAHATI ✅ NITAKUWA KWENYE KURA NIKIWA MBUNGE ANAYEINGIA WA MATHARE. TIKETI YA #JUBILEE_AZIMIO!!! ASANTE YESU, POKEA SIFA MUNGU ,"Aliandika Bahati.✅
Gazeti hili linakuja baada ya Bahati, ambaye anawania kwa tiketi ya Chama cha Jubilee, kutakiwa kujiondoa katika kinyang'anyiro na kumpendelea mgombeaji wa ODM chini ya mpangilio wa kugawa maeneo katika bunge.
Mnamo Juni 29, mwanamuziki huyo aliingia mtandaoni na kumkashifu Katibu Mkuu wa ODM Edwin Sifuna kwa madai ya kumwambia aondoe wadhifa wake na kumuunga mkono mbunge wa sasa Anthony Oluoch.
Aidha alidai kuwa alipewa Ksh.50 milioni kufuta ombi lake kwa ajili ya Oluoch.