•Majaji Wanjiru Karanja, Francis Tuyiott na Hellen Omondi waliruhusu ombi la tume ya uchaguzi kusitisha uamuzi huo.
•Mnamo Jumatatu, Mahakama Kuu iliagiza IEBC kuzingatia karatasi za Kigame ili kupata kibali cha kuwania urais.
Image: STAR
Mgombea urais Reuben Kigame alikumbwa na misukosuko baada ya Mahakama ya Rufaa kusitisha uamuzi ulioagiza IEBC kuhusisha jina lake katika makaratasi za uchaguzi.
Kusimamishwa huko kulifuatia Tume Huru ya Uchaguzi na Mipaka, rufaa ya Mahakama Kuu ilitoauamuzi kuwa Kigame aongezwe kama mmoja wa mgombea wa urais.
IEBC ilidai kuwa agizo hilo litakuwa na madhara makubwa katika uchaguzi mkuu ujao, ikiwa ni pamoja na kuahirisha ikiwa jina lake litajumuishwa kwenye kura.
Majaji Wanjiru Karanja, Francis Tuyiott na Hellen Omondi waliruhusu ombi la tume ya uchaguzi kusitisha uamuzi huo, kusubiri kusikizwa kwa kesi hiyo.
Wakili John Khaminwa wa Kigame alikuwa ameambia mahakama mteja wake alipewa miadi na mwenyekiti wa IEBC Wafula Chebukati saa 11 asubuhi Alhamisi. Alitaka mahakama isubiri matokeo ya mkutano huo.
Wakili Eric Gumbo wa IEBC hata hivyo alipinga ombi hilo. Alisema shauri hilo linahusiana na hukumu na hakuna sababu yoyote wanatakiwa kusubiri matokeo ya mkutano huo.
Alimshutumu Khaminwa kwa kuvuruga mkutano huo. Khaminwa pia alisema hajakabidhiwa hati za rufaa lakini Gumbo alisema wamewasilisha rufaa hiyo kwake.
Kesi hiyo itasikizwa Jumatatu wiki ijayo saa sita mchana.
Kamati ya IEBC ya Kusuluhisha Mizozo ilimwondolea Kigame kushiriki katika uchaguzi huo kwa misingi aliwasilisha wapiga kura wasiozidi 2,000 kutoka kila kaunti nyingi kuunga mkono azma yake.
IEBC imedai uamuzi wa Mahakama ya Juu umepigwa marufuku kwa kuwa tume hiyo inafanya kazi kwa kufuata miongozo mikali.
Katika taarifa, Chebukati alisema hatua na michakato mbalimbali inayohitajika ili kutekelezwa kwa uamuzi huo inaweza kuhatarisha pakubwa kufanyika kwa uchaguzi wa urais mnamo Agosti 9.
Alisema IEBC imejitolea kujumuisha makundi yaliyotengwa, wakiwemo watu wenye ulemavu.
Mwenyekiti alisema, hata hivyo, afueni inayotolewa kwa jamii yoyote maalum ya Wakenya inafaa kutawaliwa na kutolewa ndani ya Katiba, sheria za uchaguzi na muda wa uchaguzi.
Mnamo Jumatatu, Mahakama Kuu iliagiza IEBC kuzingatia karatasi za Kigame ili kupata kibali cha kuwania urais.
Katika hukumu iliyotolewa na Jaji Anthony Mrima, mahakama ilisema Kigame alionyesha juhudi za kuigwa katika kutimiza matakwa hayo. Alisema orodha ya wafuasi aliowasilisha itatosha.
Lakini shirika la uchaguzi lilikata rufaa dhidi ya uamuzi huo siku ya Jumatano likitaja athari kubwa katika michakato na hatua ambazo tayari zimechukuliwa.