Rais Uhuru Kenyatta amemjibu naibu wake William Ruto na washirika wake kufuatia mashambulizi ya hivi majuzi yaliyomlenga.
Uhuru alipokuwa akizindua barabara kuu ya Nairobi alimwambia Ruto kuzingatia kuuza ajenda yake, badala ya kueneza kile alichokiita "uongo".
"Uza sera zako wachana na mimi. Mimi nafanya kazi yangu nimalize. Nyinyi endeni muuze sera mkipewa ni sawa mukininyima twende nyumbani pamoja," Uhuru said.
Rais alibainisha kuwa aliamua kuwajibu kwa sababu wamekuwa wakidanganya raia.
Alisema amekuwa rais kwa miaka mitano iliyopita na hajawahi kumdhuru mtu licha ya mashambulizi mengi waliyomrushia.
Uhuru alisema alikuwa na uwezo wa kufanya lolote kwa kipindi hicho lakini hakuwa hivyo kwa sababu hana nia mbaya dhidi ya mtu yeyote.
"Nimekujibu kwa sababu umeambia watu mambo ya uongo. Si mumenitusi karibu karibu miaka tatu. Kuna mtu amewagusa? Hiyo miaka mitatu si nimekua kwa kiti?"
"Si nilikua na uwezo? Sasa wakati naelekea kupeana serikali na sina uwezo ndio wakati wa kukutafuta?"
Majibu ya Uhuru yanajiri baada ya Ruto kumvamia Ijumaa akimshutumu kwa kutoa vitisho.
Ruto alisema rais alikuwa na mkutano wa faragha ambapo alimtishia yeye na washirika wake.
“Nataka kumwomba Bw Rais, tafadhali, usiwe chanzo cha vitisho nchini Kenya. Acheni kuwatisha Wakenya, kazi yenu ni kuhakikisha Wakenya wote wanaungana,” akasema alipokuwa akizungumza huko Kapsabet, Kaunti ya Nandi.
“Acha kusema tutajua wewe ni rais, sisi ndio tumekuchagua kuwa rais. Acheni kututisha, Hatuwezi kutishiwa.”
Aliongeza:
“Kwa heshima kubwa uwe binadamu mwenye heshima, sisi ndio tumekusaidia hivyo acha kujifanya sasa, umeanza kunitisha lakini ilimradi usiwadhuru watoto wangu, tuheshimiane.”
