Patanisho, Deadbeat, Toboa Siri miongoni mwa vipindi vinavyo’trend kwenye Songa Play

JUKWAA la Songa Play linalotoa nafasi adimu kwa kila mtu kufurahia vipindi na miziki aipendayo nchini Kenya linazidi kuwavutia mashabiki wengi kutokana na maudhui ya kipekee nay a bila malipo.

Tangu kuzinduliwa kwa mara ya kwanza Agosti mwaka jana, Songa Play limekuwa moja kati ya majukwaa machache ambayo yamejumuisha burudani la kila aina kutoka kwa vipindi pendwa vya stesheni za Radio Afrika, Podikasti zinazozungumzia mada mbalimbali hadi mikusanyiko na ngoma za kila aina.

Na katika kipindi hicho chote, baadhi ya maudhui na vipindi ambavyo vimekuwa vikiwavutia wafuasi wengi ni pamoja na Toboa Siri ya Radio Jambo.

Kipengele cha Toboa Siri ambacho hupeperushwa redioni na Mbusii na Lion majira ya alasiri kimekuwa kikiwavutia wengi ambao hukifuata kwenye Songa Play pindi wanapopitwa na wakati katika majira hayo ya jioni.

Katika Toboa Siri, watu hufungua roho zao kuelezea ya moyoni ambayo mengine huwa ya kushangaza kwa jinsi yanavyosimuliwa.

Aghalabu, simulizi hizi huwa za matukio ambayo yanaweza kumtokea mtu yeyote bila kujali tabaka lake maishani, hivyo kuwavutia watu kutoka matabaka yote.

Kipindi kingine ambacho kwa muda mrefu kimekuwa kama nembo ya Radio Jambo na ambacho sasa kimevuta wimbo la ufuasi wake kwenye jukwaa la Songa Play ni Patanisho.

Patanisho ni kipindi kinacholenga kuwapatanisha wawili ambao wamekosana, kutokana na masuala ya kifamilia, mapenzi na urafiki.

Kipindi hiki pia huwapa watu nafasi ya kutoa maoni yao kwa njia ya ushauri, kwani visa vingi vinavyoshughulikiwa kwenye Patanisho hutokea katika maisha ya kila siku ya wengi wa Wakenya.

Songa Play pia imeshuhudia ongezeko la watu wanaojisajili kwa ajili ya kufurahia mfululizo wa nyimbo zao pendwa ili kukata kiu yao kikamilifu pasi na kusumbuliwa.

Miziki mbalimbali iliyoundwa kwa ajili ya wapenzi wa aina za miziki kama Reggae, Rhumba, Gengetone, Arbantone, Bongo, Afrobeats, Amapiano miongoni mwa nyingine imekuwa ikikosha nyoyo za mashabiki wengi wa Songa Play kwa muda mrefu sasa.

Jambo zuri kuhusu Songa Play ni kwamba mtu halipishwi chochote kujisajili ili kujipakulia burudani anayoipenda bila shruti.

Songa Play sasa inawajali hadi wale wanaotumia vifaa vya IOS baada ya kuwa kwenye Android pekee katika siku za mwanzoni, kumaanisha kwamba sasa kupata burudani kwenye jukwaa hili haijalishi kama unatumia Android ama IOS, na, usisahau kujisajili ni bila malipo. Unangoja nini?...