KRG the Don anasema mahari inafaa kurudishwa baada ya kuachana

Msanii wa Gengetone KRG the Don anadai ni vizuri mahari kurejeshewa wenyewe baada ya kukosekaan kwa maelewano baina ya wapenzi katika ndooa, kama hili litasababisha kuachana.

KRG the Don anadai kwamba, ni vizuri mahari kurudishiwa familia ya mwanamume baada ya watu kuachana ili ikutolee nuksi katika uhusiano wako ujao.

“Watu mkishaachana, ni jambo la busara kurudisha vitu vya watu kwa sababu huyo mwanamume labda hiyo ndio ilikuwa mali yake ya mwisho na ataitumia kuchukua mwanamke mwingine. Kwa hiyo ni vizuri kurudishia mwanaume vitu vyake ili aendelee na Maisha yake,” alisema KRG katika mahojiano kwenye blogu ya SPM Buzz kwenye mtandao wa YouTube.

Baba huyo wa Watoto wawili anasikika katika mahojiano hayo akiteta vikali kwamba wawili waliopendana wakisha achana, mahari inarudishwa ili kufungulia mwanamke huyo baraka katika kuolewa kwingine tena.