Wasanii 6 wa Kike wa Afrika Mashariki waorodheshwa kwenye Mpango wa Kukuza Wasanii wa Sol Generation
Mpango huo unaoitwa Press Play utawapa wasanii ujuzi wa tasnia na mbinu za ushindani ili kustawi katika anga ya muziki duniani.
•Mkurugenzi Mtendaji wa Sol Generation, Nanjero anasema sita bora walichaguliwa kutoka kundi la wasanii 400 waliotuma maombi ya kujiunga na programu hiyo.
•Sita hao watapata mafunzo makali ya ukuzaji chapa, uandishi wa nyimbo, dansi na uigizaji, uuzaji, mafunzo ya sauti, usambazaji wa muziki kati ya mambo mengine.
Image: SOL GENERATION
Wasanii sita wa Kike wa Afrika Mashariki wameorodheshwa katika Mpango wa Kukuza Wasanii wa Sol Generation unaolenga kuwapa ujuzi unaohitajika ili kukuza vipaji vyao na kushindana kimataifa.
Mpango huo unaoitwa Press Play utawapa wasanii ujuzi wa tasnia na mbinu za ushindani ili kustawi katika anga ya muziki duniani huku muziki wa Kiafrika ukiendelea kupata umaarufu duniani kote.
Mkurugenzi Mtendaji wa Sol Generation Nanjero anasema wasanii sita bora walichaguliwa kutoka kundi la wasanii 400 waliotuma maombi ya kujiunga na programu hiyo.
“Tunashangazwa na vipaji vya kanda hii. Tunashukuru itikio kubwa tulilopata tulipoita watu wajiandikishe. Mkoa una vipaji vingi vya kutosha kuipeleka tasnia katika ngazi ya juu,” alisema.
Miongoni mwa waliochaguliwa ni pamoja na mwimbaji wa Tanzania wa Indie RNB, Lukundo Sikombe, Rockstar wa Kenya Bakhita Muniafu, Arline Conslate, Yong Dana, Wakesho na mtangazaji wa zamani kipindi cha Generation 3 kwenye NTV, Juanita Tunu.
“Nilipopeleka ombi langu niliogopa sana, kwa sababu nilikuwa na uhakika kwamba hawatanichagua lakini Mungu alikuwa na mipango mingine. Jioni hiyo hiyo nilituma ombi langu, niliitwa kwa majaribio. Natarajia kuwa bora zaidi. Nataka kuimba kabisa, nataka kuonyesha dunia muziki mzuri ni nini,” alisema Ariline Conslate, mmoja wa washiriki waliochaguliwa.
Kulingana na Wakesho, mnufaika mwingine, mradi huo ni ndoto iliyotimia.
“Nafasi hiyo imekuja wakati mwafaka nilipokuwa karibu kuachana na Muziki. Huu ni ushuhuda kuwa niliumbwa kuburudisha, nataka kuwashukuru Wakurugenzi wa Sol Generation Bien, Savara, Chimano na Fancy Fingers kwa nafasi hiyo, sitawaangusha,” Wakesho alibainisha.
Sita hao watapata mafunzo makali ya ukuzaji chapa, uandishi wa nyimbo, dansi na uigizaji, uuzaji, mafunzo ya sauti, usambazaji wa muziki kati ya mada zingine ambazo zitawasaidia kuendeleza taaluma yao.
"Tumefurahishwa na sita bora waliochaguliwa kwa programu, ni vijana na wana ari, watafanya shoo kubwa za Afrika Mashariki katika siku za usoni na kuupeleka muziki wetu kwenye kiwango cha juu," walisema Wakurugenzi wa Sol Generation.
Mpango huo wa miezi sita unafadhiliwa naIgnite Culture Fund, unaosimamiwa na British Council na Heva Fund na utafikia kilele kwa utengenezaji wa EP kwa wanamuziki wanne bora.
"Inahisi kama mwanzo wa kitu kipya, mguu wangu sasa uko mlangoni na ninafurahiya siku zijazo. Muziki ni ngumu kufanya bila kujitegemea na ninashukuru kwa nafasi hii. Mimi ni kama udongo na nimepewa mfinyanzi, na watanifinyanga,” alisema Juanita Tunu.