"Singetamani mwingine yeyote" Esther Musila atimiza miaka 54, atumia fursa kumsifia Guardian Angel kimahaba
“Asante kwa kunikumbusha jinsi mapenzi yalivyo. Nakupenda sana. Asante kwa Kuja G.
•Bi Musila alisherehekea maisha yake na pia akafanya maombi maalum kwa Mungu akimuomba amuongoze katika safari iliyo mbele yake.
•Musila alieleza kuridhika kwake kuwa na mwimbaji huyo wa nyimbo za injili na akasifu upendo ambao amempa tangu walipokutana.
Mke wa mwimbaji Guardian Angel, Esther Musila anaadhimisha siku yake ya kuzaliwa leo, Mei 25.
Mama huyo wa watoto watatu leo amefikisha miaka 54 na ametumia fursa hiyo kumshukuru Mungu na wazazi wake kwa kuwepo kwake.
Bi Musila alisherehekea maisha yake na pia akafanya maombi maalum kwa Mungu akimuomba amuongoze katika safari iliyo mbele yake.
"Niko hai, ninashukuru, na nina furaha, na mimi ndiye kitu bora zaidi kuwa na kuhisi. Ninashukuru sana kwa maisha haya ya ajabu, mazuri ambayo Mungu amenipa. Mimi ni mtoto wa kipekee wa Mwenyezi. Hakuna na hakutawahi kuwa na mtu kama mimi. Nibariki kwa nguvu na dhamira ya kuweka imani yangu kwako kila wakati bila kujali hali ninayojikuta,” Esther Musila aliandika kwenye ukurasa wake wa Instagram.
Aliongeza, "Dunia ni jukwaa langu, na nimecheza kwa bidii hadi sasa, na ninashukuru kwa kila safari niliyosafiri. Matakwa yangu ya mwaka mpya ni upendo zaidi, kicheko zaidi, amani zaidi, furaha zaidi, siku nzuri zaidi kuliko mbaya, zaidi tu! Mungu aendelee kuniongoza na kunilinda siku zote za maisha yangu. Heri ya miaka 54 ya kuzaliwa kwangu Esther.🎊🥂🎂. nakusherehekea WEWE!!”
Katika taarifa nyingine, mfanyikazi huyo wa Umoja wa Mataifa alimshukuru mumewe Guardian Angel kwa kuwa sehemu ya maisha yake katika kipindi cha miaka minne iliyopita.
Musila alieleza furaha yake na kuridhika kwake kwa kuwa na mwimbaji huyo wa nyimbo za injili na akasifu upendo ambao amempa tangu walipokutana.
“Mume wangu, asante mpenzi wangu, kwa kupendezesha maisha yangu na uwepo wako mzuri, kwa kuongeza kipimo tamu cha roho yako kwa uwepo wangu.
Hii ni siku yangu ya 4 ya kuzaliwa ambayo ninapata kusherehekea na wewe. Kila moja yao imekuwa ya kukumbukwa zaidi na maalum.
‘Kuwa na wewe katika maisha yangu kumenifanya kuwa mtu bora zaidi. Ninamshukuru Mwenyezi kila siku kwa kukuleta katika maisha yangu. Kwa kutembea safari hii ya maisha yangu na mimi, singetamani mtu mwingine yeyote. Jinsi unavyonipenda, unanifanya nihisi kupendwa na kutunzwa na kulindwa,” aliandika.
“Asante kwa kunikumbusha jinsi mahaba yalivyo.😋😋 Nakupenda sana. Asante kwa Kuja G.❤❤❤," aliongeza.