Kimbunga Freddy kitapiga Msumbiji kwa mara ya pili

Kimbunga Freddy kinatarajiwa kutua tena Msumbiji wiki ijayo baada ya kuipiga Madagascar kwa mara ya pili Jumatatu.

Serikali ya Madagascar inasema watu wanane waliuawa na zaidi ya nyumba 1,000 kuharibiwa.

Kimbunga hicho kilisababisha maafa kwa mara ya kwanza kusini-mashariki mwa Afrika mwishoni mwa mwezi Februari, na kuua watu 21 na maelfu kuhama makazi katika nchi zote mbili.

Wataalamu wa hali ya hewa wanasema ni nadra kwa dhoruba kukaa kiasi hicho.

Kimbunga cha kitropiki kiko mbioni kuwa dhoruba iliyodumu kwa muda mrefu zaidi kuwahi kurekodiwa na kinaendelea kupata nguvu.

Dhoruba hiyo tayari imevunja rekodi kwa nguvu iliyojikusanyia na njia ya kilomita 8,000 (maili 5,000) ilipitia katika Bahari ya Hindi.

Kimbunga hicho kukaa muda mrefu na nguvu zake zimevutia wataalam wa hali ya hewa ulimwenguni kote kutaka kujua zaidi.

Kimbunga hicho kilizuka katika Pwani ya kaskazini mwa Australia mwanzoni mwa mwezi Februari na kisha kusafiri maelfu ya kilomita kuvuka kusini mwa Bahari ya Hindi, na kuathiri Mauritius na La Réunion, kabla ya kupiga nchini Madagascar na Msumbiji.

Wataalamu wanasema hiyo ni njia nadra sana kwa dhoruba kama hiyo kuchukua.

Tayari kinashikilia rekodi ya kusanyiko la juu la nishati ya kimbunga katika ulimwengu ukanda wa kusini.

Na sasa kinatarajia kuanguka Msumbiji kwa mara ya pili, huku ikiwa taifa hilo bado linahangaika na na mvua na mafuriko yaliyoletwa na kimbunga hicho.

Madagaska ilipata takriban mara tatu ya wastani wa mvua yake ya wastani ya kila mwezi katika wiki iliyopita pekee.

Kamati ya tathmini ya Hali ya Hewa na Hali ya Hewa ya Umoja wa Mataifa inasema pengine itaanzisha uchunguzi kuhusu "tukio hili la ajabu" na "nadra" baada ya kimbunga kutoweka.