Elon Musk na Mark Zuckerberg wapanga kuzipiga

Mabilionea wawili wa teknolojia ya hali ya juu duniani - Elon Musk na Mark Zuckerberg - wamekubali kupigana katika mechi ya UFC.

Bw Musk alichapisha ujumbe kwenye mtandao wake wa kijamii wa Twitter kwamba "anajiandaa kupigana" na Bw Zuckerberg.

Bw Zuckerberg, bosi wa kampuni mama ya Facebook na Instagram ya Meta, kisha akachapisha picha ya skrini ya tweet ya Bw Musk ikiwa na nukuu "nitumie eneo".

"Simulizi hiyo inajieleza yenyewe," msemaji wa Meta aliambia BBC.

Bwana Musk kisha akajibu jibu la Bw Zuckerberg kwa: "Vegas Octagon."

Octagon ni mkeka wa shindano na eneo lenye uzio linalotumika kwa pambano la Ultimate Fighting Championship (UFC). UFC iko Las Vegas, Nevada.

Bw Musk, ambaye anatimiza umri wa miaka 52 baadaye mwezi huu, pia alitweet: "Nina hatua hii nzuri ninayoiita "Walrus", ambapo mimi hulala juu ya mpinzani wangu na sifanyi chochote."

Pia alitweet: "Sijawahi kufanya mazoezi, isipokuwa kuwachukua watoto wangu na kuwarusha hewani."

Wakati huo huo, Bw Zuckerberg mwenye umri wa miaka 39 tayari amekuwa akifanya mazoezi ya sanaa ya kijeshi mchanganyiko (MMA) na hivi majuzi ameshinda mashindano ya jiu-jitsu.

Twitter haikutoa taarifa ilipowasiliana na BBC kwa maoni.

Majibizano hayo yameenea huku watumiaji wa mitandao ya kijamii wakijadiliana nani atashinda pambano hilo, huku wengine wakichapisha meme zikiwemo mabango ya kukejeli yanayotangaza pambano hilo.