Nigeria: Vijana 76 wakamatwa mafichoni wakipanga harusi za LGBTQ
Jimbo la Gombe, ambako watu hao walikamatwa siku ya Jumamosi, pia ni moja ya majimbo ya kaskazini yenye Waislamu wengi ambapo sheria ya Kiislamu ya Sharia inatumika
• Vijana waliokamatwa ni pamoja na wanaume 59 na wanawake 17.
• Mawakili wa wale waliokamatwa hawakuweza kupatikana mara moja kwa maoni au uthibitisho.
Zaidi ya vijana 70 walitiwa mbaroni siku ya Jumamosi na vikosi vya usalama kwa madai ya kuandaa harusi ya mashoga kaskazini-mashariki mwa Nigeria, ambapo vyama hivyo vinafanywa uhalifu na unyanyasaji dhidi ya jamii ya LGBT+ umeenea, shirika la habari la AFP limeripoti.
Ndoa za watu wa jinsia moja ni kinyume cha sheria nchini Nigeria chini ya sheria ya 2014, na adhabu yake ni kifungo cha miaka 14 jela.
"Tulikamata watu 76 wanaoshukiwa kuwa mashoga kwenye sherehe ya kuzaliwa iliyoandaliwa na mmoja wao ambaye alikuwa aolewe na mchumba wake katika hafla hiyo," alisema Buhari Saad, msemaji wa Jeshi la Ulinzi na Usalama la Nigeria (NSCDC) katika Jimbo la Gombe kwa mujibu wa AFP.
Vijana waliokamatwa ni pamoja na wanaume 59 na wanawake 17.
Mawakili wa wale waliokamatwa hawakuweza kupatikana mara moja kwa maoni au uthibitisho.
Vitisho kwa jamii ya LGBT+ vimeenea nchini Nigeria, na katika miaka ya hivi majuzi vikosi vya usalama vimefanya uvamizi kadhaa kwenye karamu ambapo wanaamini harusi inafanyika. Hata hivyo, hakuna hata mmoja kati ya waliokamatwa ametiwa hatiani.
Mwezi Agosti, polisi waliwakamata zaidi ya wanaume mia moja katika hali kama hiyo kusini-mashariki mwa Nigeria.
Shirika la kutetea haki za binadamu la Amnesty International limetoa wito wa kukomeshwa kwa "kuwindwa kwa makundi hayo.”
"Katika jamii ambayo rushwa imeenea, sheria inayokataza uhusiano wa watu wa jinsia moja inazidi kutumika kwa unyanyasaji, unyang'anyi na ulaghai na maafisa wa sheria na watu wengine wa umma", pia imelaani.
Mwezi Desemba, wanaume na wanawake 19 wenye umri wa miaka ishirini walikamatwa huko Kano, jiji kubwa zaidi kaskazini mwa Nigeria, na polisi wa Kiislamu, wanaojulikana kama Hisbah, kwa tuhuma za kuandaa harusi ya mashoga. Washukiwa hao walikemewa na kuachiliwa bila kufikishwa mahakamani.
Jimbo la Gombe, ambako watu hao walikamatwa siku ya Jumamosi, pia ni moja ya majimbo ya kaskazini yenye Waislamu wengi ambapo sheria ya Kiislamu ya Sharia inatumika pamoja na mifumo ya mahakama ya shirikisho na serikali.
Chini ya sheria ya Sharia, uhusiano wa ushoga unaadhibiwa na kifo. Hata hivyo, hukumu hii haijawahi kutumika kaskazini mwa Nigeria. Msemaji wa NSCDC alikataa kusema ikiwa washukiwa waliokamatwa Jumamosi watashtakiwa kwa mujibu wa sheria za Sharia au sheria za kawaida.