Safari zaidi ya 200 za ndege zasitishwa baada ya makasi kupotea katika uwanja wa ndege

Mkasi uliokosekana ulisababisha zaidi ya safari 200 za ndege kughairiwa au kucheleweshwa katika mojawapo ya viwanja vya ndege vikubwa zaidi vya Japan.

Kwa mujibu wa NBC News, Wafanyikazi katika stoo katika Uwanja wa Ndege Mpya wa Chitose waliripoti kitu kilichokosekana Jumamosi, kulingana na taarifa ya habari kutoka kwa waendeshaji wa uwanja huo wa ndege, Hokkaido Airports Co. Ltd.

Kama matokeo, maafisa katika kituo hicho katika mkoa wa kaskazini wa Hokkaido, waliamua kusimamisha kwa muda safari zote za ndege, kufunga vituo vya ukaguzi vya usalama na kufanya ukaguzi wa usalama, taarifa hiyo iliongeza.

Kwa jumla ya safari za ndege 201 - 129 za kuondoka na 72 waliofika - zilikuwa zimechelewa, taarifa ya habari ilisema.

Nyingine 36 zilikuwa zimeghairiwa, taarifa ya habari iliongeza.

Abiria ambao walikuwa wamekaguliwa hapo awali walilazimika kukaguliwa tena, na ukaguzi wa usalama ulisitishwa kwa takriban masaa mawili ili kuwahakikishia usalama, iliongeza taarifa hiyo,

Mikasi hiyo ilikutwa na mfanyakazi wa duka hilo siku moja baada ya kupotea baada ya kupekuliwa, kampuni hiyo ilisema kuwa ilichelewa kutangaza mikasi hiyo ilipotea hadi ihakikishe ilikuwa yenyewe.

"Tukio hili lilitokea kwa sababu ya usimamizi duni wa mpangaji wa duka," taarifa ya habari iliongeza.

"Tumejitolea kuchunguza tukio hili, kubaini sababu yake, na kuzuia kutokea kwake tena," iliongeza. 

Uchunguzi utaendelea kwa sababu mkasi huo lazima utolewe kwenye kabati lililofungwa kila wakati unapotumiwa, shirika la utangazaji la Japani NHK liliripoti.